Voelgoed Podsendings

Die meeste ouers hoop dat ons kind nie die een is wat ander seermaak nie. Net so, hoop ons ook dat ons kind nie die een is wat gebyt, geslaan, gestamp of geboelie gaan word nie. Maar dit gebeur ... Daar is altyd ’n rede vir kinders se gedrag. En dít is waar ons moet begin.

Tantrums is kragtige emosionele storms. Dit kan ouer en kind totaal oorweldig, en hulle kwaad en magteloos laat voel. Gelukkig is daar iets wat jy kan doen. Dis ontstellend, maar nodig vir gesonde breinontwikkeling. Dis normaal. Regtig!

Om teruggetrokke te wees is nie ’n siekte nie. Dit is nie iets wat met medisyne reggedokter moet of kan word nie. Sommige mense is so aanmekaargesit. Introverte moet gekoester word, en het elkeen ’n unieke en spesiale plekkie in die son.

Hoe is dit moontlik dat kinders met dieselfde pa en ma wat in dieselfde huis grootword, so kan verskil? Net soos elke potjie sy eie deksel het wat presies pas, so moet ouers elke kind anders benader, hanteer en dissiplineer. Alle mense se grootste behoefte is aanvaarding.

Eiewaarde, ’n gesonde selfbeeld en genoeg selfvertroue hang nie van prestasie af nie. Jou kind se prestasies dra meriete. Dit kan dalk vir hom ’n beurs, universiteitstoelating vir ’n sekere studierigting of ’n werk beteken, maar sy hart is belangriker.

Fisieke aktiwiteite hou vele voordele vir kinders in. Dit is daarom belangrik dat ons hulle aan die beweeg kry, nie net vir hulle fisieke ontwikkeling nie, maar ook hulle geestelike welsyn. Word kreatief deel hiervan!

Maak die etenstafel jou gesin se saamkomplek. Daar is bewyse dat gesinne wat saam eet, geneig is om gelukkiger te wees. Dit help ook met kinders se akademiese prestasie, maak hulle meer weerstandig en minder vatbaar om vetsug en eetsteurnisse te ontwikkel.

Kampeer is vir die kinders en ook vir jou, goeie terapie. Dit skep die geleentheid om nuwe lewenslesse en sosiale vaardighede te leer, en bietjie te “let go”. Of julle piekniek iewers buitekant beplan, in die natuur gaan stap of in ’n hut, tent of karavaan gaan bly – dis pret! Kry jou kop en jou planne reg ...

Die eise van die lewe vandag is enorm. Is daar nog tyd in jou dag om te stop, rustig te raak en jou kind te kielie of ’n drukkie te gee? Of om sommer net iets spontaan buite die gewone dagroetine te doen? ’n Mens kan leer selfs as jy pret het.

Ons almal het net 24 uur in ’n dag. Om jou tyd verstandig te gebruik is tot jou voordeel, want niemand weet wat die dag van môre inhou nie. As jy goeie bestuur oor jou ure kan uitoefen, kan jy die meeste uit elke dag kry.

Kinders se vrese is vir hulle baie werklik. Dis normaal, en deel van kinders se emosionele en kognitiewe ontwikkeling. Daarom moet ouers dit nie net hanteer of dit nonsens is nie. Erken dit, toon empatie en bedink saam met hulle maniere hoe om daaroor te kom.

Vrees is ’n natuurlike reaksie op ’n spesifieke situasie, soos ’n kind wat bang is vir die donker of vir spinnekoppe. Dit is deel van die normale ontwikkeling by kinders. Sê jy verstaan, eerder as om alles te wil oplos.

Het jy geweet wat die eerste ding is wat jou kind doen as ’n ramp gebeur of wanneer hy onseker voel? Hy kyk na jou en die ander belangrike volwassenes in sy lewe – dalk ’n ouma of ’n juffrou. Hy kyk na die versorgende volwassenes om te bepaal hoe veilig hy voel.

Kinders se brein, emosies, opinies en uitkyk op die wêreld word deur gesprekke gevorm. Dit help ook om karakter te bou as julle verskillende waardes en opinies bespreek. Maak doelbewus tyd vir praat al kry jy teenkanting.

Jou kind se brein beheer sy hele lewe, sy motoriese vaardighede, sy taalontwikkeling, emosies, verbeelding en sosiale vaardighede. As ons spiere oefening en kos nodig het, is dit dan wat ons brein ook nodig het? Óf gaan dit oor meer as net dit?

Ouers, maar ook kinders, het ’n rustige aand nodig om ontslae te raak van die spanning van die dag. Om konflik, dramas en teenstand te vermy, werk saam aan ’n roetine wat vir jou gesin werk – en wat kan verander en aanpas soos die jare aanstap.

As ons dinge op dieselfde manier en op dieselfde tyd doen, sien ons dat uitdagende gedrag afneem. Die magspel tussen jou en jou kind sal aansienlik verminder. As sy weet wat gebeur volgende, is sy rustiger, ontwikkel haar brein en groei sy in emosionele intelligensie.

Tye het verander en vandag het die meeste ma’s ook ’n voltydse beroep buiten die roeping van mamma-wees. Jy hoef nie ’n superma te wees nie, net goed genoeg. Vir werkende ma’s wat fisies en emosioneel gesonde kinders wil grootmaak, is balans die wagwoord.

’n Huis is meer as bloot net ’n dak oor jou kop, ’n warm bed en ’n lekker bord kos. Dit is daardie plek waar ons veilig voel en weet dat ons geliefd is. Wat kan ’n ma doen om vir haar gesin so ’n kalm en liefdevolle toevlugsoord te skep?

Dit verg deursettingsvermoë en volharding om negatiewe denke te stop sodat jy waarlik kan word wie jy bedoel is om te wees. Om jou denkwyse te verander en ook jou optrede te vernuwe moet jy aanhou leer en lees. Hou aan bid vir wysheid en reik uit na ander mense.

Gee jou seer vir God en omskep jou storie in een van hoop. Hoe omskryf jy jouself en dit wat met jou gebeur het? Wees versigtig vir bitterheid en neerhalende verwysings. Maak seker jy lag en glimlag meer, selfs al is dit geforseerd.

Ons het ook ’n aandeel daarin om ons vertroue in onsself, ons vertroue in God, te ontwikkel. Wanneer jy jouself gedurig teleurstel, gaan jou selfvertroue verkrummel. Daar is doendinge wat jy met dissipline en volharding kan implementeer vir goeie selfversorging.

Moenie so verbete aan jou eie pogings vasklou nie. Jy dink dalk jou pogings bepaal die eindresultaat, maar dit is nie waar nie. Ja, jy moet jou beste doen, maar jy hoef nie jou beste te vertrou nie. Jy kan God vertrou. Doen jou beste, haal asem en rus in Hom.

Die verlede kan keer dat ’n mens in die hede fokus op jou sterkpunte en jou oopstel vir vernuwing deur die Gees. Om vrede met wat agter jou is te maak, moet jy leer wat genade beteken. Vir gesonde selfvertroue moet jy dit doen.

Om te word wie jy weet jy is in Hom, vra werk van ons kant af. Dit vra dat jy sal besluit om die Woord te glo en te doen. Ja, ons noem dit selfvertroue, maar jou vertroue in God moet groei. Nooi die Heilige Gees in om jou te verander en te vernuwe.