Rand en sent

Dr. Thelma Louw bespsreek die talle slaggate en struikelblokke vir vroue wat hulle eie besigheid wil begin. Sy beklemtoon dat ’n gelyke speelveld noodsaaklik is vir eienaars van klein ondernemings.

Staatsverval is ’n dreigende gevaar vir florerende besighede en gemeenskappe. Sakeliga is ‘n voertuig vir entrepreneurs, professionele persone en beleggers om skaalbare oplossings tot staatsverval te gee, en om ‘n gesonde sakeomgewing te skep.

Dis Vrouemaand, en Jody Hendricks praat met Denise Stubbs, 'n entrepreneur in die landbou- en toerismesektor, oor die uitdagings en geleenthede vir vroueentrepeneurs in Suid-Afrika.

Jody Hendricks praat met prof. Nelie Swart oor die bekostigbaarheid van toerisme vir Suid-Afrikaners. Hulle kyk ook na die ekonomiese bydrae wat die toerismebedryf maak.

Jody Hendricks praat met belastingkenner Annette Visser oor die belastingseisoen wat onlangs begin  het, en wat jou verantwoordelikheid teenoor Jan Taks is.

Jody Hendricks praat met fondsbestuurder Mia Kriegler oor die belangrikheid daarvan om ‘n begroting te hê, en daarby te hou. Navorsing wys dat meer as 75% van Suid-Afrikaners nie met hulle maandelikse salaris kan uitkom nie.

Jody Hendricks praat met skuldberader Carla Oberholzer oor hoe jy jou skuld beter kan bestuur, en die proses indien jy vir skuldberading wil aansoek doen.

Jody Hendricks praat met prof. Annemarie Davis oor die belangrikheid van mentors vir entrepreneurs, en hoe dit hulle kan help om suksesvol te wees en slaggate te vermy in die sakewêreld.

Leatitia de Wet vertel van ‘n internasionale entrepreneurskapsprogram wat plaaslike studente help om globale kwessies aan te pak.

Jody Hendricks praat met twee entrepreneurs wat hul eie ding doen, en ‘n positiewe bydrae tot Suid-Afrika wil maak. Anna-Lea van Niekerk is jong beesboer van die Vrystaat, en Ashley Wynand is ‘n sjef van Stellenbosch. Hulle gee raad aan jongmense oor die uitdagings en geleenthede wat met entrepreneurskap gepaard gaan.

Yolanda Botha en Magnus Heysteck vertel wat jy alles in ag moet neem voor jy jou geld belê. Daar is so baie menings en opsies as dit by beleggings kom, dat die gemiddelde persoon verlore voel en nie weet wat om te doen nie. Dié gebrek aan kennis en inligting, of dan eerder die oormaat opsies, veroorsaak dat baie mense hulle kontant net in die bank los, wat beslis nie ’n positiewe opbrengs sal real...

Jaco Deacon van FEDSAS praat oor die ekonomiese uitdagings om jou kind op skool te hou. Hy bespreek die koste van skoolfooie, handboeke, skryfbehoeftes en uitstappies.

Manie van Schalkwyk verduidelik die proses wat jy moet volg indien daar 'n rekening by 'n kettingwinkel in jou naam oopgemaak word, Hy praat ook oor die gevare wanneer jy 'n skakel op 'n vreemde SM of e-pos opmaak.

Wat is die verantwoordelikheid van verbruikers en die sakesektor ten opsigte van billike en etiese handel?

Ekonoom Hassan Essop praat oor die implikasies daarvan om R19 vir 'n Amerikaanse dollar te betaal. Tegnologiekenner Pieter Gelkdenhuys gee raad aan sakeondernemings oor hoe om CHATGPT te gebruik om meer doeltreffend te wees.

Ekonoom Hugo Pienaar praat oor die faktore wat tot ‘n styging in die brandstofprys gelei het. Hy en Dawie Roodt antwoord ook ‘n luisteraarsvraag oor die nuwe note en munte wat vandeesweek bekendgestel is.

Ekonoom prof. Raymond Parsons en Christo van der Rheede, bestuurshoof van Agri SA, praat oor die sakevertroueindeks en hoe dit voedselpryse beïnvloed.

Jody Hendricks praat met ekonoom Richard Downing oor die sakevertroue-indeks en verbruikersprysinflasie.

Prof. Jurie van Vuuren praat oor die rol en impak wat klein tot medium sakeondernemings kan speel om ekonomiese groei in die land te bevorder.

Jody Hendricks en sy gas, Yolande Botha, kyk na verskeie metodes hoe jy rente op jou geld en beleggings kan verdien. Daar word ook gekyk na die gevare van beleggings.

Jody Hendricks en sy gas, Yolande Botha, kyk na die konsep en definisie van finansiële geletterdheid.  Daar word ook gekyk na hoe die nuwe uitleenkoers jou sak sal raak.

Arehan Brand gesels met Jan Vermeulen, die redakteur van MyBroadband, oor internet-konnektiwiteit en die koste van data.

Tracy Peters van die Staatsdienspensioenfonds beantwoord luisteraars se vrae oor die fonds, pensioenvoordele, aftrede en ander verwante sake. Hulle bied ook duidelikhied oor belastingsake, aftrede en bedanking, en onopgeëisde voordele.

Fabian Crouch van die Staatspensioenfonds beantwoord luisteraars se vrae oor die fonds, pensioenvoordele, aftrede en ander verwante sake.

Fabian Crouch van die Staatspensioenfonds beantwoord lede en pensionarisse se vrae oor die fonds, voordele en aftrede.