Rand en sent

Volgens Statistieke Suid-Afrika het 67 000 mense hulle werk in die tweede kwartaal vanjaar verloor. In die derde kwartaal het dit nie veel beter gegaan nie. Suzaan Steyn kyk na maatreëls wat maatskappye kan volg om hierdie soort afleggings te voorkom. Nuwe wetgewing wat verbruikers beskerm teen “smouse” wat onnodige polisse aan hulle wil verkoop, word bespreek. En 'n finansiële adviseur verduideli...

Suzaan Steyn se gaste kyk na hemelhoë mediesefonds-premies en hoekom verbruikers ook skuld het hieraan. 'n Sake-joernalis verduidelik wat Stocktwits is en hoe dit gebruik kan word deur diegene wat aktief is op die aandelemark. En 'n kenner praat oor lewensdekking: wie dit nodig het en waarom.

Grondverskuiwings en korttermynversekering: hoe goed is jy gedek as jou huis skielik in 'n sinkgat verdwyn of teen 'n steil helling afgly? 'n Kenner op die gebied van skuldbestuur verduidelik ook hoe nuwe wetgewing jou beskerm as jy skuld het. En daar word gekyk na mediese skemas en die voordele wat dit vir jou inhou.

Die politieke klimaat beïnvloed noodwendig die beleggingsoes. 'n Portefeuljebestuurder by 'n bekende finansiële instelling verduidelik hoe dit gebeur, en bied ook moontlike oplossings waarmee beleggers die ergste skommelinge die hoof kan probeer bied. 'n Finansiële beplanner gee ook raad aan jongmense aan die begin van 'n nuwe loopbaan oor hoe hulle vroeg reeds slim te begin belê sodat hulle vroeg...

Die toerismebedryf in Suid-Afrika is steeds aan die groei. 'n Kenner verduidelik hoekom dit vir Jan Alleman van belang is en wat die voordele hiervan vir entrepreneurs is. 'n Skuldberader het ook raad om jou teen stygende mediese koste en premies van mediese skemas te beskerm.

Egskeidings is baie traumaties. Een van die laaste dinge waaraan mens in so 'n emosionele tyd dink, is korttermynversekering. 'n Kenner verduidelik hoekom dit so belangrik is dat jy nie hiervan vergeet en nie net emosioneel nie, maar ook finansieel skade ly. Met Kersfees en die Desembervakansie om die draai, gee 'n kenner oor skuldbestuur ook spaarwenke en wenke hoe jy skuld voor die feesseisoen k...

'n Finansiële raadgewer beantwoord 'n luisteraarsvraag oor begrafnisboekies en begrafnispolisse; En ter afsluiting van die reeks oor die vier pilare waarop die sukses van 'n sake-onderneming berus, kyk entrepreneur Delphine van Wyk na bemarking.

'n Finansiële raadgewer beantwoord 'n luisteraarsvraag oor begrafnisboekies en begrafnispolisse; En ter afsluiting van die reeks oor die vier pilare waarop die sukses van 'n sake-onderneming berus, kyk entrepreneur Delphine van Wyk na bemarking.

'n Luisteraar en amateurbelegger deel sy beleggingsgeheime en -raad met ons. In ons reeks oor die vier pilare waarop 'n suksesvolle sake-onderneming gebou word, kyk Delphine van Wyk na TYDSBESTEDING. En 'n kenner praat oor veranderinge in die korttermynversekeringsbedryf, en hoe jy 'n betroubare makelaar kies.

Delphine van Wyk is 'n entrepreneur wat glo die vier belangrikste pilare om 'n suksesvolle sake-onderneming op te bou, is leierskap, tydsbesteding, bemarking en finansies. In 'n kort reeks hieroor bespreek sy goeie leierskap in jou onderneming. 'n Kenner verduidelik ook wat jy alles moet weet van beleggingsfooie voordat jy jou geld iewers wegsit. En daar is raad oor versekering in geval van 'n ter...

Dis finansiëlebeplanningsweek en Suzaan Steyn se gaste kyk na die redes waarom so 'n groot persentasie van welvarende families hulle rykdom in die tweede en derde geslag verloor, en hoe om dit te voorkom. Hulle bespreek ook navorsingresultate oor die welstand van vroue se finansies en hoe dit verbeter kan word. 'n Kundige verduidelik wat die doel van 'n trust is en wanneer dit regtig nodig is om e...

Is eiendomsbeleggings 'n goeie idee, veral vir entrepreneurs? En hoe kan jy voorkom dat jou beleggngs uiteindelik te duur raak terwyl jy eintlik baie min daarmee spaar? Kundiges beantwoord hierdie vrae, en 'n kenner van versekering gee ook wenke oor die bewaring van belangrike dokumente ingeval van 'n brand of soortgelyke ramp wat jou huis kan verwoes.

Waarvoor is jy verseker, en hoe goed? En is jy seker dat jou versekering sal uitbetaal indien jy hulle nodig het? 'n Luisteraar vertel van sy verlies toe sy viertrekvoertuig vol kos en besittings voor 'n lang reis gesteel is. 'n Versekeringsmakelaar praat ook oor die grootste versekeringsflaters en hoe mens dit kan vermy.

Hoe werk 'n aandeleklub, en is dit 'n goeie idee om as deel van so 'n klub te belê? Is dit wys om in hierdie moeilike finansiële tye finansiering vir jou sake-onderneming te kry? Wanneer is dit veilig, en wat is die beste manier om daarvoor aansoek te doen?

Is jy bewus van die slegte uitwerking van inflasie op jou swaarverdiende spaargeld, en hoe kan jy dit vermy? 'n Entrepeneur wat self moes uitspring nadat sy haar werk ná 'n operasie verloor het, gee ook finansiële wenke aan vroue. En 'n luisteraar deel sy gedagtes oor spaar en hoe om beter met jou geld te werk.

Hoe gemaak as jy in kuns of edelgesteentes wil belê? Is dit enigsins 'n goeie belegging? Sal jy jou geld terugkry, en waar kan jy dit weer gaan verkoop? 'n Prokureur verduidelik ook waarom dit so belangrik is vir maatskappye om jaarliks 'n aanslag na die Kommissie vir Maatskappye en Intellektuele Eiendom, voorheen bekend as CIPRO, te stuur.

As jy 'n boer is en meer as een kind het, aan wie moet jy jou plaas bemaak en hoe verdeel jy die erfporsie op 'n regverdige manier? Kenners praat ook oor of direkteure van maatskappye 'n kontrak behoort te teken al dan nie; en 'n kenner kyk na finansële beplanning wat jy deesdae sommer self op die internet kan doen.

Rykdom begin in jou kop... 'n Leefstylafrigter gesels oor armoede-mentaliteit en hoe jy dit nek-om kan draai. En 'n ekonoom kyk na waar Suid-Afrika staan, 'n maand ná Brexit.

Hoekom spaar Suid-Afrikaners nie? Wat is die beste manier om aftreebeplanning te doen? Suzaan Steyn kyk ook na geleenthede vir entrepreneurs wat deesdae baie meer is as in die verlede; hoe jong kinders van vroeg af hulle belangstelling in entrepreneurskap kan ontwikkel; en wat die rol van sosiale media hierin is.

Kenners bespreek piramiede- en Ponzi-skemas, en hoe irrasionele besluite ons lewe en beleggings beïnvloed. Daar is ook raad om jou te beskerm wanneer jy aanlyn-inkopies doen.

'n Kenner van entrepeneurskap gee wenke oor hoe jy te werk moet gaan om 'n aanlyn-sakeonderneming of -winkel te begin; 'n regspraktisyn praat oor wat jy in plek moet hê om jouself regstegnies as eienaar van so 'n onderneming te beskerm; en 'n luisteraar wat self baas is van 'n aanlynwinkel, vertel van haar ervarings en al die voor- en nadele van so 'n bedryf.

Een van die grootste gunste wat jy vir jou kinders kan doen, is om hulle van kleins af die waarde van geld te leer. 'n Kenner praat oor hoe mens jou kind leer spaar en hoe belangrik dit is om vir jou inkomste te werk. 'n Bekende in die vermaaklikheidsbedryf vertel hoe sy haar kind van kleins af leer om geld te waardeer, en 'n finansiële adviseur help universiteitstudente om wys met hulle geld te w...

Kenners bespreek versekering vir kleinsake-ondernemings; die eienskappe van 'n goeie werkNEMER word onder die loep geneem; en 'n skuldberader praat oor die uitwerking van Suid-Afrika se kredietgradering op verbruikers.

Maandelikse premies op korttermynversekering is dikwels een van die eerste uitgawes waarop mense besnoei wanneer die ekonomie noustrop trek. 'n Kenner verduidelik Sondagmiddag in Rand en Sent hoe jy kan bespaar op jou versekeringspremie. Daar word ook gekyk na die eienskappe van 'n goeie werkgewer en hoe jy jou werknemers gelukkig en gemotiveerd kan hou.

Hoekom sukkel mens soms so om jou geld uit die werkloosheidsversekeringsfonds te kry en wat kan ons doen om probleme met die fonds te vermy? Dis van die vrae wat 'n toesighouer by die fonds se hoofkantoor in Pretoria Sondagmiddag in Rand en Sent gaan beantwoord. 'n Kenner verduidelik ook hoe kraamverlofbyvoordele werk en waarop jy alles geregtig is wanneer jou baba opdaag.