Monitor

Die Antarktiese yslaag is ONSTABIEL, volgens Britse en NOORSE wetenskaplikes wat 25 jaar se satteliet data bestudeer het. Die gevolge hiervan kan KATASTROFIES wees vir die mensdom. By my in die ateljee vanoggend is die klimatoloog, professor Francois Engelbrecht van WITS universiteit om daaroor te praat:

Baie plattelandse dorpies het hulle bestaan te danke aan die landboubedrywighede in die gebied. Maar wat is die landbousektor se verantwoordelikheid om te verseker dat die ekonomie in die dorpe bly groei? Dis een van die vrae wat ons in die uitsending gevra het. Ons kyk ook na die kwaliteit van ons graanprodukte en ons vind uit of agri-toerisme sterk staan.

Die uitsending begin met China se besluit om die verbod op wol- en diereprodukte uit Suid-Afrika te lig, na 'n bek-en-klouseer uitbreking vroeër vanjaar. Ons verskuif dan die aandag na 'n model om grondhervorming in landelike gebiede te bespoedig, en ons hoor by kenners wat ons ná die verkiesing kan verwag wat grondhervorming betref.

'n Onlangse studie toon dat groot dele van Mosambiek se flora gestroop word, en dit lei weer tot meer rampspoedige oorstromings. 'n Omgewingskundige van die Noordwes Universiteit, Prof Juaneè Cilliers, sê bome en plante help om erosie te voorkom, en om oorstromings te beperk. Sy sê ontbossing veroorsaak dat die afvloei van reenwater versnel...

Vergeet van die gevare van kanker. Teen 2050, sal antibiotika weerstandigheid meer mense doodmaak as enige kankersel. Boonop is daar sedert die tagtiger jare geen nuwe klasse van anti-biotika ontwikkel nie. Die goeie nuus is egter dat n chemiese ingenieur, dr SOPHIE COX van die Universiteit van BIRMINGHAM en haar kollega professor Laura Piddock tans navorsing doen oor die ontwikkeling van n sterie...

'n Rolprent oor 'n Indiese meisie wat haar drome vir banderplankry volg, "Deep End", is net die jongste van 'n reeks flieks wat die Indiese kultuur in Durban uitbeeld. "Deep End" se regisseur, Eubelus Timothy, beskryf dit as 'n nuwe plaaslike kulturele beweging, soortgelyk aan dit wat voorheen onder Afrikaanse rolprente plaasgevind het. Anna-Marie Jansen van Vuuren berig.

Suid-Afrika het nou sy eie waarskuwingstelsel om jou oor uiterste weerpatrone of omstandighede in te lig. Die Suid-Afrikaanse Weerdiens het dit saam met die Nasionale Rampbestuursentrum ontwikkel. 'n Senior weervoorspeller by die Suid-Afrikaanse Weerdiens, Jacqueline Riet, het aan Hendrik Martin gese^ die nuwe stelsel is gemik op die waarskynlike impak wat weer op mense se lewens kan he^.

'n Opspraakwekkende nuwe boek wat die onderduimshede van Ace Magashule blootlê is op die winkelrakke beskikbaar. Izak du Plessis het met die skrywer van die boek Gangster State: Unraveling Ace Magashule's Web of Capture, Pieter-Louis Myburgh, gepraat.

Die wetenskap kan 'n uiters belangrike rol speel om mense in kusgebiede te help om beter voor te berei op orkane en siklone. Trouens, Idai, wat soveel verwoesting in Mosambiek gesaai het, is drie dae voor die tyd al voorspel, danksy gesofistikeerde weerstelsels. Izak du Plessis het met prof Francois Engelbrecht hieroor gepraat.

Agri SA het Vrydag met 'n Amerikaanse afvaardiging in Pretoria ontmoet, om grondonteiening te bespreek. Agri SA wil hê dat die Trump-administrasie druk op die ANC-regering plaas, om nie produktiewe landbougrond by boere af te vat nie. Dit volg op die ANC in die Noord-Kaap se skok-aankondiging vroeër, dat die party 'n lys saamgetel het om 30 produktiewe plase in die provinsie sonder vergoeding te g...

Inwoners van Nieu- Seeland, en veral Christchurch, het gister hulde gebring aan die 50 slagoffers van die massamoord Vrydag in 2 moskees. Professor Douglas Pratt van die Universiteit van Auckland, spesialiseer in Islamo-fobie, en ekstremisme in al sy vorms insluitend terreur en ons skakel nou regstreeks oor na hom in Nieu-Seeland..

Hoewel daar sedert Desember miljoene rand se perlemoen in die Wes-Kaap gekonfiskeer is tydens vyf klopjagte, gaan stropery onerverpoos voort. Die vraag is groot, en die sindikate moet voorsien. Inwoners aan verskeie kusdorpies, het aan Monitor gesê hulle is raadop, en word boonop geïntimideer deur stropers wat toenemend gemaklik raak op die land se strande. In een van die dorpies het Hendrik Smith...

Die storm wat die Britse parlementslid, Jacob Rees-Mogg, ontketen het op die BBC se TV program, Question Time, wil eenvoudig nie gaan lê nie. Rees-Mogg, het - onder meer - gesê dat die Afrikaners wat tydens die Ango-Boere oorlog in konsentrasiekampe geplaas is, daar was vir hul eie beskerming. Anita Visser het met die geskiedkundige, Fransjohan Pretorius, daaroor gepraat.

Die Joernalis, Hilton Tarrant, het Maandag gewaarsku dat beurtkrag slegs 'n klein ontwrigting sal wees in vergelyking met beurt water wat ons voorland is. Hy het in sy berig veral verwys na die Nasionale Water en Sanitasie meester plan wat hy as 'n sombere lees ervaring beskryf het. Ons praat nou met Prof Mike Muller van Wits Universiteit se Skool vir Regeerkunde in Johannesburg oor die water-situ...

Die Suid-Afrikaanse Vereniging vir Ginekoloë het vandeesweek 'n verklaring uitgereik om hul steun aan Caster Semenya toe te sê. In die mediavrystelling, spreek die vereniging sy kommer uit oor die beplande mediese bestuur van atlete wat volgens hulle - eties gesproke - verdag is. Anita Visser het met 'n verteenwoordiger van die vereniging, dr Haynes van der Merwe gepraat.

Die Suid-Afrikaanse Weerdiens verwag nie verder deurdringende reën wat oorstromings kan veroorsaak nie. Verskeie dele van die land het die afgelope week en naweek erge oorstromings ervaar. Die waarnemende uitvoerende hoof van weer en klimaatdienste by die Weerdiens, Tshepo Ngobeni, sê die erge reën vir die tyd van die jaar is normaal. Liela Magnus doen verslag.

Georganiseerde landbou is intussen dankbaar oor die reën. Die voorsitter van TLU SA, Louis Meinjies, het aan Metzi van der Merwe gesê dit is veral nodig om die ondergrondse water aan te vul.

Wat maak mense gelukkig? Ons wetenskapkorrespondent George Claassen sê sosiale wetenskaplikes en medici op die terrein van psigiatrie doen al dekades lank navorsing hieroor, en kom tot interessante gevolgtrekkings...

Die ambassadeurs van Duitsland, Nederland, Switserland en Amerika asook die Hoë Kommissaris van Brittanje ontken dat hulle 'n voorskriftelike brief oor korrupsie in SA aan president Cyril Ramaphosa gestuur het. Dit volg na 'n berig in Sunday Times hoe die lande glo regstreeks aan Ramaphosa voorskryf hoe hy korrupsie in SA moet hanteer. Die departement van buitelandse sake en die ANC het skerp hier...

Onderrig van Graad 11 en 12 leerlinge by die Hoërskool Driehoek in Vanderbiljpark word die week hervat. Drie leerlinge is Vrydag dood toe 'n loopvlak by die skool ineengestort het. 'n Vierde kind het die naweek in die hospitaal gesterf. Negentien van die beseerde leerlinge word steeds in die hoësorg-eenheid behandel. Marlinee Fouche doen verslag.

Die gemeenskap in Vanderbijlpark is steeds geskok na die ineenstorting van 'n loopvlak by Hoërskool Driehoek, wat vier leerlinge se lewens geëis het. Daar is vroeër berig oor drie leerlinge wat in die voorval dood is. 'n Vierde leerling is gisteroggend in 'n hoësorg-eenheid oorlede na hy saam met meer as twintig ander leerlinge hospitaal toe geneem is. Annari du Plessis van die "Go Purple"-stigtin...

Die Congress of the People sê die party gaan 'n klagte van haatspraak teen lede van Black First Land First indien. Dit volg na aanmerkings wat glo deur die woordvoerder van BLF, Lindsay Maasdorp, gemaak is na vier kinders gesterf het toe 'n loopvlak Vrydag by Hoërskool Driehoek in Vanderbijlpark ineengestort het. Annelu le Roux doen verslag.

Izak du Plessis praat met Bun Booyens, George Claassen en Francois Redelinghuys oor die geloofwaardigheid van die media.

Politieke partye vry kliphard na die steun van bruin kiesers in die Wes-Kaap. Die provinsie word die afgelope jaar of twee gekenmerk deur politieke woelinge wat kiesers na die een of ander rigting toe kan beïnvloed, volgens politieke ontleders. Om duidelikheid hieroor te kry praat Izak du Plessis met drie politieke kommentators. Heindrich Wyngaard, Christo van der Rheede en Christian Martin.

Verskeie lande reageer op Venezuela se opposisie leier, Juan Guaidó, wat hom as tussentydse president verklaar het. Landburgers betoog teen President Nicolas Maduro se regering en vra dat 'n verkiesing gehou moet word. Maduro is op 10 Januarie as president ingehuldig. Johannes Myburg, 'n joernalis by die nuusagentskap, Agence France Presse in Sao Paulo in Brasilië, het aan Jean Esterhuizen gesê di...