Monitor

Die Spesiale Ondersoekeenheid voer klopjagte uit op 16 maatskappye en 35 mense vir beweerde bedrog van R161 miljoen. 'n Taakspan ondersoek uitgelekte eksamenvraestelle. Die ANC-president sê die party sal weer onstuitbaar word.

Die familie van 'n vermoorde Brakpan-man eis geregtigheid ná onthullings by die Madlanga-kommissie. Meer as 80% van die rioolsuiweringsaanlegte in die land stort besoedelde water direk in riviere en damme. Hoe lyk Australië ‘n dag nadat alle kinders onder 16 jaar oud verban is om toegang te hê tot sosiale media.

Die ANC-president vra partylede om nie-rassige beleid in Suid-Afrika, te bevorder. Onderhoude vir die nuwe hoof van die Nasionale Vervolgingsgesag begin vandag. Die Kannaland-munisipaliteit in die Wes-Kaap is op die rand van finansiële ineenstorting.

Die ANC se sekretaris-generaal Fikile Mbalula skets 'n donker prentjie van die party. Die polisie identifiseer drie mense van belang in die ondersoek na die moord op die fluitjieblaser, Marius van der Merwe. Die amptelike brandseisoen in die Wes-Kaap het begin - brandbestryders het reeds op 92 brande in die provinsie gereageer.

Die ANC gaan sy vernuwingsveldtog by sy hoofraadsvergadering in oënskou neem. Die veiligheid van fluitjieblasers is onder die vergrootglas ná die moord op Getuie D by die Madlanga-kommissie. Minder as 30% van Suid-Afrikaanse soldate is gesond genoeg om ontplooi te word. Fedsas is bekommerd dat die Menseregtekommissie traag is om klagtes in die onderwyssektor te ondersoek.

Gauteng se onderwysdepartement sê ouers moet deels die blaam dra vir die skoleplasingskrisis. Kommer oor skietvoorvalle buite howe in die Kaapse-metro. Die vernuwing van die ANC in Johannesburg is hoog op die agenda by sy streekskonferensie. Eskom beplan om nog 'n kernkragsentrale op te rig.

Die soektog na die tweede verdagte in die Baltimore-plaasmoord gaan voort, terwyl die eerste verdagte vandag weer in die hof sal verskyn. Suid-Afrika se wapenverkope aan die Verenigde Arabiese Emirate word as 'n gebrek aan behoorlike oorsig gesien. Nóg 'n parlementêre komitee word in die lewe geroep, dié keer op provinsiale vlak, teen bendegeweld in Kaapstad.

Die ANC ontken 'n komplot om sy president te verwyder. Eben Etsebeth sal nog moet wag om te hoor wat sy straf is. Op Wêrelddag vir Mense met Gestremdhede praat ons oor die uitdagings.

Inwoners van woonbuurte soos Westbury, Newclare en Bosmont in Gauteng betoog teen bendegeweld. Die parlement, op aandrang van die EFF, gaan 'n ondersoek na bendegeweld in Kaapstad begin. Ons praat oor kommunikasie tussen mense wat verskillende tale praat.

Matrieks se 30 persent-slaagsyfer weer in die kollig. 'n Tropiese en ekstra-tropiese weerstelsel beïnvloed die land - 'n weerkundige verduidelik wat ons kan verwag. 'n Skerp toename in die dieselprys Woensdag.

'n Neurochirurg by Tukkies ontwikkel 'n manier om kinderbreinsiektes beter te diagnoseer en bestuur. Kommer oor die verspreiding van al hoe meer waninligting, en die invloed wat dit op demokrasie het. ‘n Ekonoom waarsku teen Swart Vrydag.

Parlementslede wil die voormalige bestuurshoof van die Padongelukkefonds, Collins Letsoalo, agter tralies sien. President Cyril Ramaphosa gaan weens beweerde etiekoortredings ondersoek word. Die omstrede sakeman, Vusimuzi Cat Matlala, begin met sy getuienis oor polisiekorrupsie voor die parlement se ad hoc-komitee.

Cat Matlala se regspan slaag nie daarin om sy getuienis vandag voor die parlementêre ad hoc-komitee uit te stel nie. Die G20-presidentskap word stil-stil aan die VSA oorhandig. Hoe haalbaar is versoeke dat leefstyloudits op senior polisielede gedoen word?

Die korrupsiesaak teen 'n lid van die Valke en ’n Tembisahospitaal-beampte word tot volgende week uitgestel. Die Konstitusionele Hof sal vandag begin besin oor die afdwingbaarheid van die Menseregtekommissie se besluite. Die Tafelberg Nasionale Park skenk aandag aan die veiligheid van besoekers.

Die G20-beraad wat in Johannesburg plaasgevind het, word as 'n sukses beskryf. 'n Twis tussen die DA-leier, John Steenhuisen, en voormalige minister Dion George, kan Steenhuisen se loopbaan kortknip. Geen plan teen fossielbrandstof word by die COP30-gesprekke in Brasilië aanvaar nie.

Die Noordwes-sakeman, Brown Mogotsi, se getuienis voor die Madlanga-kommissie word weer betwis. 'n Daling in die repokoers word verwelkom. Die Withuis onderspeel Amerika se teenwoordigheid by die G20-beraad.

Presies hóé klink die waarheid? Getuienisleiers by die Madlanga kommissie vra of Brown Mogotsi homself in 'n hoek verf. Omgewingsbewaringsgroepe skryf 'n ope brief aan president Cyril Ramaphosa oor die gebrek aan Suid-Afrika se verteenwoordiging by COP30, en Gautengse maatskappye wat pantservoertuie verhuur, kan nie byhou met die aanvraag te midde van die G20-beraad nie.

Die Demokratiese Alliansie in George in die Wes-Kaap het 'n nuwe veelparty-koalisie-ooreenkoms aangegaan, wat hul leierskap in de raad verseker. Misdaad op die N2 in die Wes-Kaap is weer onder die vergrootglas, en die Ekurhuleni metro begin 'n ondersoek teen korrupsie.

Die VSA weier blykbaar nou ook om die G20-verklaring te onderteken. Ons vra of dit die beraad se uitkoms sal verswak. Talle organisasies hou 'n beraad as teenvoeter vir die G20 onder die vaandel, We, the 99 percent... Kommer oor die vyf sluise wat gister by 'n propvol Vaaldam oopgemaak is.

Die ANC ontken dat daar 'n poging is om sy president, Cyril Ramaphosa, uit die kussings te lig. Amerika se tariefkwytskeldings op talle landbouprodukte word wyd verwelkom. Ons praat met 'n ekonoom oor Standard & Poor's se besluit om Suid-Afrika se kredietgradering oor staatskuld te verhoog. Huldeblyke stroom steeds in ná die dood van die oudambassadeur en akademikus, dr. Franklin Sonn.

Die Wes-Kaapse premier maak uiteindelik 'n verslag bekend oor die beweerde samewerking tussen die polisie en bendes. Hoe haalbaar is die voorstel dat ESKOM sukkelende munisipaliteite se kragverskaffing oorneem? Vandag, op Wêreld Diabetesdag, praat ons met 'n kenner oor die vroeë gevaartekens.

Die Tesourie verwag dat Suid-Afrika se ekonomie effens stadiger sal groei. Die president bring veranderinge aan sy kabinet aan. 'n Vervoerkenner sê die Aarto-stelsel moet herroep word. Die regering wil 'n moratorium plaas op die indiening van mosies van wantroue in munisipale rade, waar daar nie 'n volstrekte meerderheid is nie.

Die MK-party vra hulp om sy vasgekeerde lede in Oekraïne te bevry. 'n Nuwe entstof teen cholera word plaaslik ontwikkel. Ons bespreek vanmiddag se mediumtermyn-begrotingsraamwerk.

Omgewingsaktiviste kritiseer die besluit om die leeftyd van Eenheid 2 van die Koeberg-kernkragstasie te verleng. Die Suid-Afrikaanse Raad vir Opvoeders ondersoek die geestesgesondheid van onderwysers, te midde van klagtes van 'n swaar werkslading. 'n Herrie het losgebars oor die toekenning van tenders aan maatskapye vir die betekening van dagvaardings namens die Tshwane Metroraad.

Talle vrae oor bewerings dat die China 'n halfmiljard rand spandeer om een van die weermagbasise op te knap. Ons bespreek die woelinge in die DA oor kabinetskuiwe. Duduzile Zuma-Sambudla vandag in die hof op aanklagte van aanhitsing tot terrorisme en openbare geweld.