Monitor

In weerwil van kritiek teen sy eetplan, sê prof. Tim Noakes dat talle mense getuig van die sukses daarvan. Suid-Afrikaanse mans is veral beïndruk daarmee dat hulle nie van vleis hoef af te sien nie. Maar behels die eetplan regtig tjops, eiers en spek?

'n Kaapse film-vervaardiger, Richard Finn Gregory, het onlangs 'n klein deel van sy dokumentêr oor die Afrikaanse boere-gemeenskap in Argentinië vrygestel. Die boere is die nasate van sowat 600 boere-gesinne wat in die vroeë 1900's tydens die Anglo Boere Oorlog na Argentinië ge-emigreer het. Van die boere praat nog Afrikaans...

Meer as 40 000 eksemplare van die bekende, maar omstrede boek van prof. Tim Noakes - THE REAL MEAL REVOLUTION - is binne agt weke verkoop. In die boek verkondig Noakes 'n hoë vet, lae koolhidrate-eetplan en hy meen dit gaan die grootste verkoper in die geskiedenis van Suid-Afrika word. Maar nie almal is ewe beïndruk met die eetplan nie.

Die minister van finansies, Pravin Gordhan, lewer more sy jaarlikse begrotingsrede in die parlement. Die klimaat waarin die toespraak plaasvind is vanjaar effens anders as vorige jare want dit is kort voor 'n nasionale verkiesing. Om ons te help verstaan hoe dit 'n impak op die begrotingsrede kan hê, praat Anita Visser met die ekonoom Dawie Roodt en die politieke ontleder dr. Piet Croukamp.

Volgens die Suid-Afrikaanse Depressie en Angsgroep (SADAG) oorweeg een uit elke vyf tieners selfmoord. Die direkteur van operasies by SADAG, Cassie Chambers, sê dit is veral tussen die ouderdomme van 15 en 19 dat tieners baie kwesbaar is vir selfmoord. Dit is hoekom bewusmakingsveldtogte in skole gevoer word. Mètzi van der Merwe het so 'n byeenkoms by die Westbury Sekondêre Skool in Johannesburg b...

'n Snuffelhond met 'n verskil is op besoek aan Suid-Afrika saam met sy Sweedse eienaar. Terwyl ander honde opgelei word om dwelms en plofstof te vind, kan Rex, die Duitse Herdershond, minerale soos diamante, goud, of enige ander oksied- of sulfieddraende rotse vind. Tanya Krause het hulle op Stilbaai in die Suid-Kaap besoek.

In die aanloop tot vanjaar se verkiesing sal die poltieke partye hulle handveste bekendmaak. Volgens politieke wetenskaplikes is die meeste partye se beginsels en verkiesingshandveste waarskynlik gebaseer op wat hulle klassieke politieke ideologieë noem. Die drie vernaamste ideologieë is liberalisme, konserwatisme en sosialisme. Jean Esterhuizen het meer hieroor gaan uitvind.

Wie is links en wie is regs in die Suid-Afrikaanse politiek? Hoe word dit bepaal? En is dit vandag nog 'n akkurate en gesonde manier om mense en hulle partye te etiketteer? Cobus Bester en Anita Visser praat hieroor met Piet le Roux, senior navorser van die Solidariteit Navorsingsinstituut, en dr. Piet Croucamp, senior lektor in politieke wetenskap aan die Universiteit van Johannesburg.

Die stygende brandstof prys het talle motoriste die gebruik van openbare vervoer laat heroorweeg. In Gauteng het pendelaars 'n keuse tussen die Gautrein, minibustaxis en die nuwe Rea Vaya busstelsel. Die vraag bly egter, is dit die moeite werd om die gerief van jou motor prys te gee om op vervoerkoste te spaar? Anita Visser hieroor praat met 'n vervoerekonoom by die Universiteit van Johannesburg,...

'n Suid-Afrikaanse haar- en voorkomstilis se unieke uitvindsel om menshare aan te wend vir olielekkasies maak internasionaal opslae. Die omgewingsvriendelike proses gebruik mens- of hondehare wat in 'n houer saamgepers is. Die mat absorbeer die olie wat weer later uitgepers kan word as deel van 'n herwinningsproses. Die produk is veral nuttig in mynbou en nywerhede waar masjinerie se olielekke opg...

Die Huisgenoot en YOU-tydskrifte het onlangs beweer dat die bekende oudpredikant en skrywer, dr. Solly Ozrovech, destyds as huisvader van 'n kinderhuis, hom aan kindermolestering skuldig gemaak het. Geen regsproses om 'n klag te lê, is gevolg nie en Ozrovech ontken die bewerings. Marlinee Fouche het gaan uitvind wat die media in sulke situasies mag, en nie mag publiseer nie.

Die oud predikant en skrywer, dr. Olly Ozrovech, is in die proses om die Huisgenoot en You tydskrifte te dagvaar weens lasterlike bewerings oor kindermolestering wat hy sou gepleeg het terwyl hy 'n huisvader van 'n kinderhuis was. Sy prokureur, Jaques Louw, verduidelik.

Die moontlikheid van parool vir Eugene de Kock ontlok uiteenlopende emosies by mense. Die uitvoerende direkteur van die Instituut vir Geregtigheid en Versoening, dr. Fanie du Toit, sê die saak moet nugter in oënskou geneem word.

Sowat 20 polisielede het gisteraand die geveg van hulle lewe gehad toe 'n skare van ongeveer 1500 betogers hulle in Rhelela buite Tzaneen wou aanval. Die Limpopo polisiewoordvoerder, brigadier Hangwani Mulaudzi, sê hulle enigste opsie was om hulleself teen die betogers te verdedig en ongelukkig is twee mense dood.

Die familie van die ANC-prokureur Bheki Mlangeni is geskok oor die moontlikheid van parool aan die voormalige Vlakplaas-bevelvoerder Eugene de Kock. Mlangeni se broer Lindani sê die familie is nooit hieroor geraadpleeg nie.

Navorsers aan die Universiteit van Suid-Kalifornië in Amerika skep nuwe moontlikhede vir behuisingsuitdagings danksy die aanwending van 'n 3D-drukker in die boubedryf. Die tegnologie, bekend as kontoervervaardiging, maak dit volgens die ontwerper, dr. Behrokh Khoshnevis van die universiteit se Manufacturing Engineering Graduate Program, moontlik om 'n huis binne 20 uur te bou.

Suid-Afrika steier van die een groot verkragtingskok tot die volgende. Ons het vroeër berig oor die opspraakwekkende saak van 'n negejarige meisie van Delft op die Kaapse Vlakte wat verkrag en daarna aan die brand gesteek is. Kenners is dit eens dat gewelddadige seksuele misdrywe in Suid-Afrika uiters kommerwekkend is.

Die hulporganisasie GIFT OF THE GIVERS het die ontvoerders van Pierre Korkie in Jemen 'n maand grasie gevra om die geld vir die losprys in te samel. Korkie se vrou, Yolande, het gister in Johannesburg 'n dringende beroep op die militante groep gedoen om hom vry te laat. Sy sê hy is 'n baie siek man. Sy is Vrydag deur die groep wat hulle by Al Kaïda skaar, vrygelaat.

Prof. Ruth Hall van die organisasie PLAAS, sê 'n derde van die staat se begroting vir grondeise is opgeslurp deur die Mala Mala-grondeis, wat 1 miljard Rand aan die eienaar Michael Rattray besorg het. Dit plaas onhoudbare druk op die grondeiseproses en is nie regtig tot voordeel van die N'wandlamhlarhi-gemeenskap nie.

Cobus Bester praat met die bestuurshoof van die Federasie van Beheerliggame (Fedsas), Paul Colditz, oor probleme by skole se beheerliggame en ander probleme by skole.

Suid-Afrika kan baat by 'n model om ouers in landelike gebiede op te lei om skoolbeheerliggame te bestuur. So sê 'n besoekende akademikus by die Milaan Skool van Internasionale Sake, Bestuur en Openbare Beleid in Italië, dr. Daniel Altschuler. Sy navorsing het bevind dat ouers wat die soort opleiding ontvang die vaardighede ook op ander gebiede toepas.

Die bestuurder vir bewaring van die SA Jagters en Bewaringsorganisasie, Lizaan Nel, sê die bohaai oor die swartrenosterbul wat in Namibië gejag gaan word, is onnodig. 'n Permit om 'n bedreigde swartrenoster in Namibië te jag, is vir sowat 3,75 miljoen rand op 'n veiling in Texas in die VSA verkoop. Diereregtegroepe maak beswaar teen die jag op die bedreigde spesie. Nel sê egter renosterbevolkings...

Sasol wil 1000 werkers aflê. Telkom sê hy gaan ook 'n klomp mense laat loop. Intussen dreig mynwerkers in die platinumsektor om weer te begin staak, of aan te hou staak en die ekonomie nog verder onder druk te plaas. Brandstofpryse sal waarskynlik volgende maand tot rekordhoogtes styg. Alles aanduidings dat ekonomiese groei en werkskepping onder toenemende druk sal wees. Maar die naweek met die ui...

Net die noem van die woord "verspreider" laat sekere plaaslike rolprentmakers se bloed kook. Dit is die maatskappye en individue wat bepaal watter flieks waar en vir hoe lank vertoon word. En met die Suid-Afrikaanse rolprentbedryf wat aanhou groei sê vervaardigers hulle sal ander markte vir hulle produkte moet vind.

Die Demokratiese Alliansie het die openbare beskermer gevra om die Vrede Suiwelprojek in die Vrystaat te ondersoek. Die werkskeppingsprojek het ten doel om 'n suiwelplaas op die been te bring, waarna dit ook as 'n opleidingsentrum sal dien. 'n DA lid in die Vrystaatse Wetgewer, Roy Jankielsohn, meen egter daar is oorspandering en moontlike bande met die Gupta-familie.