Monitor

Terwyl Internasionale Erfenismaand gevier word, is Suid-Afrikaners bekommerd oor plaaslike erfenisterreine wat óf besig is om te verval, óf nie optimaal benut word nie. Die restaurant-eienaar, Lame Ebersohn, sê haar droom is dat Kerkplein in Pretoria - net soos in Europese hoofstede - 'n sakekern sal wees waar mense werk en kuier.

Eerste Nasionale Bank se eiendomsagentopname vir die eerste kwartaal wys dat huiseienaars meer geld bestee aan die instandhouding van hulle wonings. 'n Eiendomstrateeg van FNB, John Loos, sê die studie vergelyk die vlakke van onderhoud en opgraderings met die van 2008 en 2009 tydens die resessie.

Die boheemse voorstad Melville in Johannesburg word deur sommige mense as die vergestalting van demokratiese ideale beskou. Dit is een van die min plekke in die land waar mense van verskillende oortuigings, rasgroepe en geloofstradisies reeds lank voor die afskaffing van apartheid in harmonie saamleef. Die 89-jarige Mienie Breedt woon sedert 1926 in die kosmopolitaanse smeltkroes.

Anita Visser lei 'n verkiesingsdebat op George in die Wes-Kaap. Die deelnemers is Lynn Brown van die ANC, Marius Swart van die DA, Monica Brown van Agang en Derrick Petersen van ICOSA.

Cobus Bester lei die verkiesingsdebat op Kerkplein in Pretoria. Die deelnemers is dr. Pieter Mulder van Vryheidsfront Plus , Anchen Dreyer van die DA en Dan Roodt van Front Nasionaal.

'n Politieke ontleder aan die Noordwes Universiteit se Potchefstroomkampus, prof. Andre Duvenhage, meen openbare uitsaaiers moet sover moontlik billike dekking gee aan politieke partye tydens verkiesings, maar wêreldwyd word daar soms te veel verwag.

Die SAUK se besluit om 'n verkiesingsadvertensie van die DA te verbied, is ongrondwetlik en onwettig. So sê die party se leier, Helen Zille, wat die naweek in Soweto gereageer op 'n besluit van die openbare uitsaaier om nie 'n televisie- en radio-advertensie van die party uit te saai nie, onder meer op grond daarvan dat die advertensie glo geweld sal aanhits. Die DA het Saterdag 'n klag by die Ona...

'n Engelsman en sy Suid-Afrikaanse vriendin het 'n innoverende manier bedink om uitgekuierde toeriste iets nuuts te bied. Hulle antwoord? Geopolitiese toere wat jou neem na gebiede wat gereeld vir die verkeerde redes in die nuus is. Die twee is op die oomblik met 'n groep toeriste in Kief vanwaar hulle met Monitor gepraat het.

Die regering het weer 'n beroep op die privaatsektor en die regstelsel gedoen om vroue te bemagtig. 'n Nasionale Genderberaad vind plaas in Benoni aan die Oosrand, waar 'n reeks gender-kwessies bespreek word en 'n terugblik gegee word op 20 jaar van demokrasie in Suid-Afrika.

Die teaterpersoonlikheid Pieter-Dirk Uys het homself uitgespreek oor humor in politiek, veral tydens 'n verkiesingsjaar. Hy moedig almal aan om selfsugtig op die 7de Mei te gaan stem. Uys het by die Universiteit van KwaZulu-Natal 'n eredoktorsgraad in letterkunde ontvang vir sy kreatiewe bydrae tot maatskaplike aktivisme.

Abduragman Adams onthou hoe sy beste vriend op elfjarige ouderdom weens bendegeweld doodgeskiet is, en Irshaad Ally was self 'n bendelid toe hy jonger was. Die twee akteurs speel in die rolprent FOUR COURNERS wat op die Kaapse Vlakte verfilm is. Vir hulle is die storie met die werklikheid verweef...

Suid-Afrika se voedselveiligheid is moontlik weer in die gedrang nadat 'n Sondagkoerant gister onthul het hoe die regering 'n opspraakwekkende voorstel oorweeg dat boere van kommersiële plase die helfte van hulle plase aan plaaswerkers moet gee. Die adjunkminister van landbou, dr. Pieter Mulder, sê die voorstel sal baie probleme veroorsaak.

Daar is nou 25-duisend leeus oor in Afrika. Die direkteur van die veldtog teen sogenaamde "geblikte" leeus, Chris Mercer, sê minder as 3000 bly oor op Suid-Afrika se wildreservate, terwyl daar sowat agt duisend in gevangeskap geteel word. Hy sê die leeuboere in Suid-Afrika bedreig die wilde leeubevolking op twee maniere. Die groot leeus in die Kalahari word doodgemaak om die kleinjties vir die geb...

Blou simboliseer vrede en vertroue. Groen weer innovasie en geel optimisme. So verduidelik die bestuurende direkteur van die advertensie agentskap, Thirty Four, Morne Fourie. Verkiesingsplakkate is in die afgelope paar weke meer gereeld op lamppale gesien, en ons wou weet watter van die plakkate is die beste. Melissa Tighy het slegs die 11 kilometer roete tussen haar huis en die SAUK as steekproef...

Die Wêreld Gesondheidsorganisasie plaas groot druk op Suid-Afrika op kodeien verkope voorskrif-pligtig te maak maar die land se Aptekers skop sterk hierteen. Vir hoekom hulle so ten gunste bly van oor-die-toonbank van middels wat kodeien bevat, praat ons nou met die President van die Aptekers vereniging, Dr Johann Kruger

Die leier van die Demokratiese Alliansie, Helen Zille was in Richie naby Kimberley die naweek, as deel van die party se verkiesingsveldtog in die provinsie. Zille het op X-Kfm se naweek aktualiteits program gesê sy is baie bevooreg om op die San gemeenskap se radiostasie te praat.

Is dit vanjaar die verkiesing waarin die ANC bloedneus gaan kry by die stembus? Daar is sekerlik opposisiepartye wat so dink. En kyk 'n mens na die chaos van gewone mense wat die afgelope jaar of meer toenemend gewelddadig hulle misnoeë met swak dienslewering en korrupsie te kenne gee, dan is die versoeking om met daardie siening saam te stem. Maar die geskiedenis van die afgelope 20 jaar het 'n m...

Gesondheids- en gemeenskapswerkers vergelyk die verkragting van verstandelik gestremde meisies en vroue in Suid-Afrika met 'n plaag wat gemeenskappe teister. Hulle sê bitter min mans wat misdade teen gestremde vroue pleeg, word vervolg. Die rede hiervoor, volgens menseregte-aktiviste, is dat baie gemeenskappe verstandelik gestremde mense as "nikswerd" beskou. Ikhaya Loxolo, of Huis van Vrede, is '...

Die Openbare Beskermer, Thuli Madonsela, maak vandag haar verslag oor president Zuma se verbeterings by sy privaatwoning openbaar. Meer as 200-miljoen rand se verbeterings is by Nkandla aangebring. Cobyus Bester praat hieroor met prof. Erwin Schwella by die Skool van Openbare Leierskap aan die Universiteit van Stellenbosch.

'N Nuwe era vir Suid-Afrikaanse krieket het aangebreek met die vertrek van 'n aantal topspelers. Die uittrede van die nasionale kaptein, Graeme Smith, Jacques Kallis, een van die wêreld se beste spelers ooit, die strydros-paaltjiewagter Mark Boucher. Hulle vertrek het gekom te midde van 'n aantal omwentelinge in wêreldkrieket. Ondermeer sal die aankondiging dat die swaargewigte Indië, Engeland en...

Die eerste operasie in Afrika om 'n slagoffer van genitale verminking se geslagsdele te herstel, vind Saterdag in Burkina Faso plaas. Volgens die nie-winsgewende organisasie CLITORAID is dit die eerste van baie soortgelyke prosedures wat hulle beplan om uit te voer. Dit val saam met die beplande bekendstelling van die eerste hospitaal wat hierdie soort operasies sal uitvoer. Ons waarsku sensitiewe...

Die IT-projekbestuurder, Charl Johnson, sal vandag weer in die getuiebank inskuif in die Noord-Gauteng Hooggeregsfhof nadat sy getuienis gister onderbreek is. Johnson getuig teen die lemnaelloper, Oscar Pistorius. Johnson se getuienis is onderbreek sodat hy notas wat hy na die voorval gemaak het aan die verdediging kan gee. Terwyl hy afgestaan het, het voormalige vriende van Pistorius getuig hoe P...

Die staat se eerste getuie sal vandag haar getuienis in die Noord-Gauteng Hooggeregshof voortsit. Michelle Burger bly in 'n landgoed langs Oscar Pistorius en haar huis is minder as 200 meter van sy huis af. Pistorius het skuld ontken op 'n aanklag van moord, twee aanklagte van die onwettige afvuur van 'n vuurwapen en die onwettige besit van ammunisie. Pistorius se advokaat Barry Roux sal vandag sy...

'n Bejaarde egpaar en hulle seun, op besoek uit Duitsland, is op 'n kleinhoewe buite Richmond in die Middellande van KwaZulu-Natal vermoor. Die gesin was besig om 'n verjaarsdagpartytjie te reël. Die polisie sê die 77-jarige Eckhardt Schutte, sy 66-jarige vrou Elizabeth en hulle 33-jarige seun Lutz is doodgesteek. Die huis is deursoek en dit lyk of die aanvallers met die gesinsvoertuig en twee vuu...

Kenners meen dat Oscar Pistorius se hofgeding 'n baanbrekersaak kan wees vir forensiese getuienis in Suid-Afrika. Met die moordverhoor wat Maandag begin, het joernaliste reeds begin regmaak om die groot hofsaak te dek. As deel hiervan, het die Wits Justice Project, saam met Wits se Joernalistiek Departement 'n werkswinkel aangebied. Anna-Marie Jansen van Vuuren het dit bygewoon.