Monitor

Die 17-jarige Breyton Poole het die afgelope naweek uitgeblink by dieInternasionale Atletiekfederasie se onder-18 wêreldkampioenskap in Kenia. Hy het weggestap met 'n goue medalje en 'n prag-rekord van 2,24 m in hoogspring. Wat hierdie rekord besonders maak, is dat Polle maar net 1,72 m lank is. Vincent Mofokeng het met hom oor sy toekoms gepraat.

Die Moerane-kommissie wat ondersoek instel na die toename in politiek-gedrewe moorde in KwaZulu-Natal, duur vandag voort. 'n Onafhanklike navorser en KwaZulu-Natal se geweldsmonitor, Mary de Haas, het vroeër die week voor die kommissie getuig. Sy het aan Dianke Nel gesê die grootste struikelblok, en die kern van die probleem, is swak polisiëring.

Die nasionale atletiek jeugspan het Saterdag vier medaljes by IAAF onder-18 wêreldkampioenskappe verower. Een van die atlete wat die skare op hulle voete gehad het, is Breyton Poole, wat 'n 18 jaar oue rekord vir hoogspring verbeter het. Poole wat net 1,72 m lank is, het 'n rekord van 2,24 m gespring. Atletiek Suid-Afrika se uitvoerende hoof, Richard Stander, sê hy is baie trots op die span. Poole...

Munisipale afvalwater kan dalk ʼn belangrike bondgenoot wees in die stryd teen antibioties-weerstandige bakterieë en swamme wat verskeie siektes veroorsaak. Dít is een van die hoofbevindinge van 'n nuwe studie aan die Universiteit Stellenbosch. Dianke Nel het meer besonderhede.

Eskom ontken dat hy finansieël in die moeilikheid is. Die woordvoerder van die kragverskaffer, Khulu Phasiwe, sê die waarheid is eerder dat Eskom finansieël op 'n spoedige herstelplan is. Dit ten spyte van berigte dat daar net R20 miljard beskikbaar is vir bedryfkoste wat slegs tot die einde van Oktober sal hou. Mètzi van der Merwe doen verslag.

Die Onafhanklike Polisie Ondersoekdirektoraat sê 240 mense is vanjaar in polisie-aanhouding dood. In die vorige jaar is daar net 169 mense dood. 'n Misdaadkenner, dr. Johan Burger, sê die toename is 'n weerspieëling van die toenemende misdaad en geweld in die land.

Die Suid-Afrikaanse Kommunisteparty sê sy besluit by die party se veertiende kongres om afsonderlik aan verkiesings deel te neem is nie 'n wegbreek van die ANC-alliansie nie. Die party het egter die alliansie se bestaande formaat gekrtitiseer, en is bekommerd oor die toekoms. Die SAKP kla daaroor dat hy glo soos 'n junior-vennoot behandel word, en dat president Jacob Zuma steeds aan bewind is. Ani...

Afrikaanse digkuns verower stukkie vir stukkie die harte van internasionale filmfeeste. Filmverse 2 is die ATKV en die animasiekunstenaar, Diek Grobler, se tweede digkuns-animasieprojek sedert 2014. Films wat gebasseer is op Afrikaanse-gedigte, wat hierin te sien is, word nou gewys by feeste in Spanje, Portugal, Duitsland, Amerika en Frankryk. Marlinee Fouche berig.

Ons fokus op 'n groepie Afrikaners, wat tuis as kommuniste beskryf is, se besoek aan Dakar dertig jaar gelede. Die rede vir die sogenaamde Dakar-safari, Senegal toe, was om met die ANC te gaan gesels. Jy kan luister na die stemme van Max du Preex, Monitor se voormalige Uitvoerende Regisseur, wyle Chris Louw, Theuns Eloff en dr. Andries Treurnicht van die destydse Konserwatiewe Party.

Die Suid-Afrikaanse joernalis en skrywer, Nathaniel Ndazana Nakasa, beter bekend as Nat Nakasa, is vandag 52 jaar gelede oorlede. Hy het op 14 Julie 1965 sy eie lewe in New York geneem. Nat Nakasa het Suid-Afrika in 1964 verlaat en 'n Nieman-beurs by die Harvard Universiteit aanvaar. Deur dit te doen moes hy onder die apartheidsregering sy Suid-Afrikaanse burgerskap prysgee. Dianke Nel doen versla...

Suid-Afrika beklee wêreldwyd 'n topdrie posisie op die ranglys van atlete wat orgaanoorplantings gehad het. Dit is pas weer bevestig by die 2017 Wêreld-Oorplantingspele in Spanje. Heindrich Wyngaard praat met Stan Henkeman, voorsitter van die SA Oorplantings-Atletiekvereniging.

Die week is dit presies dertig jaar gelede dat 'n groep Afrikaners vanuit verskillende beroepe en politieke standpunte, Dakar toe gevlieg het om eerstehands te gaan kennis maak met die ANC, wat destyds nog in ballingskap was. Die baanbreker joernalis, Max du Preez, was een van diegene wat die besoek aan Senegal meegemaak het. In die bydrae kan jy ook die stemme hoor van Monitor se voormalige uitvo...

Ons fokus op die sogenaamde Dakar-safari wat van die land se mees hoëprofiel Afrikaners 30 jaar gelede meegemaak het. Theuns Eloff gesels oor die verskeidenheid mense wat die besoek meegemaak het. Jy kan ook die stemme hoor van Max du Preez, Monitor se voormalige uitvoerende regisseur, en wyle Chris Louw.

Die skolerugby Cravenweek is op die oomblik in Bloemfontein by Grey Kollege aan die gang. Keurders het die seuns deur die loop van die jaar dop gehou, en volgens Hannes Nienaber, 'n skolerugbyjoernalis, is skolerugby baie gesond.

Die DA het sy visier op die Gupta-familie ingestel na bewerings van korrupsie by 'n suiwelplaas naby Vrede in die Vrystaat. Die DA-leier, Mmusi Maimane, het die plaas besoek. Saam met hom was die mense wat bedoel was om voordeel uit die plaas te trek. Hulle sê egter hulle het nog nooit enige inkomste uit die suiwelprojek gekry nie, en die plaas word skynbaar teen 'n verlies bedryf.

Die dood verlede week van die rugbylegende, Salie Fredericks, het opnuut 'n debat ontketen oor of swart sportlegendes uit die apartheidsera genoeg erkenning geniet. Heindrich Wyngaard berig.

Die Openbare Beskermer, Busisiwe Mkhwebane, het erken dat sy verkeerd was om die parlement te beveel om die grondwet te verander. Sy sê verder dit was verkeerd van haar om 'n verandering in die reserwebank se mandaat te beveel. Mkwhebane gaan nie die reserwebank se aansoek teenstaan dat haar verslag ongedaan gemaak moet word nie. Tog berig Marlinee Fouche dat Mkhwebane steeds volhou dat haar versl...

Die nasionale verbruikerskommissie se ondersoek na wanpraktyke in die tyddeelbedryf begin vandag in Kaapstad. Die kommissie hoop dat die openbare verhoor aanleiding sal gee tot een wet wat die bedryf kan reguleer. Een van die groot tekortkominge van die huidige wetgewing is dat verbruikers geen seggenskap het in die vakansieskemas nie. Talle verbruikers voel hulle is vasgevang in 'n tronk waaruit...

Eskom se gebrek aan deursigtigheid is Vrydag gekritiseer tydens openbare verhore wat deur die Nasionale Energie-reguleerder gelei is. Die direkteur van Energie by OUTA, Ted Blom, sê Eskom kon nie syfers gee oor hoeveel steenkool en water hulle gebruik by die verskeie kragopwekkingsfasiliteite nie.

Die !Khomani-kulturele landskap se insluiting by Suid-Afrika se nege wêrelderfenisgebiede, is volgens inwoners nog net die begin. Die woordvoerder vir die gebied se inheemse tale en ook die huidige leier se raadgewer, Ruben Festus, sê die proses om ingesluit te word was nie maklik nie.

Baleka Mbete het haarself beskikbaar gestel vir die posisie van die ANC-president. Mbete was ook voorheen Suid-Afrika se adjunkpresident en sekretaris-generaal van die ANC vroueliga. Maar 'n politieke ontleder verbonde aan die Universiteit van die Witwatersrand, Professor Susan Booysen, het aan Jean Esterhuizen gesê Mbete se kans om die top posisie te beklee is baie skraal.

Die speaker van die parlement, Baleka Mbete, het haar steun toegesê aan die reserwebank se hofaansoek rakende die bevindinge van die openbare beskermer se CIEX verslag. Advokaat Busisiwe Mhkwebane het in haar verslag gevind dat die mandaat van die reserwebank verander moet word van 'n instansies wat inflasie teiken, na 'n instansie wat ekonomiese groei bevorder. Die hoofekonoom van economist.co.za...

Die !Khomani-kulturele landskap in die Kalahari Gemsbok Nasionale Park, is deur die VN aangewys as 'n wêrelderfenisgebied. Die gebied van meer as negehonderd duisend hektaar is deel van die Dawid Kruiper Distrik-munisipaliteit en sluit die hele park in. Suid-Afrika het nou nege wêrelderfenisgebiede. 'n Professor in geskiedenis aan die Noordwes Universiteit, en die direkteur van Archa-Etnos Argeolo...

Die Britse openbare skakelgroep Bell Pottinger het 'n senior vennoot afgedank en drie ander werknemers geskors na beskuldigings dat die groep 'n veldtog ondersteun het wat rasseverdeling in Suid-Afrika aangeblaas het. Dit hou verband met hulle hantering van die mynmaatskappy Oakbay se rekening. Oakbay behoort aan die Gupta-familie. Bell Pottinger het ook 'n internasionale regsfirma, Herbert Smith...

Die volgende bydrae bevat enkele vloekwoorde, en kan sensitiewe of jong luisteraars ontstel. Die gelykheidshof het vroeer die week beslis dat die kunswerk bekend as "f**k white people" as 'n uitdrukking van kuns beoordeel moet word, eerder as haatspraak. Jack Miller, die leier van die politieke party, die Cape Party, het die kunstenaar, Dean Hutton, vir haatspraak hof toe geneem. Die uitspraak het...