Monitor

Suid-Afrikaners word aangeraai om eerder reisplanne na Madagaskar uit te stel. 'n Dodelike pes in Madagaskar het reeds meer as 50 lewens geeis en meer as 500 is dodelik siek. Skole is gesluit en massabyeenkomste is voorlopig verban. Op lughawens, in banke en elders by openbare plekke word maskers gedra om te probeer om die verspreiding van die pes te keer. Dr Albie de Frey van die reiskliniek, The...

Die Nasionale Vervolgingsgesag en Pres. Jacob Zuma se mislukte aansoek by die Appèlhof om bedrogklagte teen die president te laat vaar, het die vraag laat ontstaan oor wat volgende met die saak gaan gebeur of behoort te gebeur. Ons praat nou hieroor met die grondwetlike kenner prof. Pierre de Vos en de hoofredakteur van News24, Adriaan Basson, skrywer van die boek "Zuma Exposed".

Die Irakese ambassadeur in Pretoria, Dr Saad Kindeel, het die naweek gereageer op die roofgtog op sewe lede van n Irakese afvaardiging na Suid-Afrika, wat deur n groep misdadigers aangeval is. Suid-Afrika se oud-ambassadeur in Tokio wat steeds op n ad hoc basis betrokke is by die Departement van Internasionale Samewerking, Gert Grobler sê misdaad bly 'n belangrike besprekingspunt onder hoofde van...

'n Voormalige ondersoeker van die Waarheids-en-versoeningskommissie (WVK), Zenzile Khoisan, reken die volgende saak wat ondersoek behoort te word ná die Timol-uitspraak is die van die sogenaamde Guguletu-7 wat deur die veiligheidspolisie koelbloedig doodgeskiet is. Hy sê een van die uitdagings met die soort ondersoeke, is die traagheid van die vervolgingsowerhede.

Die leier van die UDM, genl. Bantu Holomisa, sê in reaksie op die Ahmed Timol-uitspraak dat dit reg is dat oortreders van menseregteskendings vervolg word. Maar hy wys ook vinger na hoe Pres. Jacob Zuma versoeningspogings in die land in die wiele ry deur die raskaart te speel. Heindrich Wyngaard het met hom gepraat....

Die 48-jarige Dan Kriek, die president van Vrystaat Landbou en 'n boer van Tweeling in die Oos-Vrystaat, is Donderdag (12 Oktober 2017) op Agri SA se nasionale kongres in Muldersdrift, noordwes van Johannesburg, as die nuwe persident aangewys. Hy is die afgelope drie jaar 'n visepresident van Agri SA, en neem die leisels oor by Johannes Möller van die Noord-Kaap.

Die Universiteit Stellenbosch-dosent in ekonomie, prof. Rachel Jafta, het Donderdag (12 Oktober 2017) die jaarlikse kongres van die landbou-organisasie AgriSA toegespreek. Haar fokus was die belangrikheid van vennootskappe vir kommersiële landbou in Suid-Afrika.

Fatah en Hamas het 'n vredesooreenkoms bereik wat 'n elf-jaar lange stryd tussen die twee Palestynse faksies beeindig. Die ooreenkoms wat grootliks deur Egipte gefassiliteer is, is gistermiddag in Kairo bekendgemaak. Maar Suid-Afrika het ook hier 'n rol gespeel om die tafel te dek vir n vrede, wat hopelik wyer as Palestina sal strek. Roelf Meyer verduidelik wat die ooreenkoms presies behels.

Aan die Wes-Rand in Gauteng, word skadebepaling vir versekeringsdoeleindes na Maandag se storm gedoen. Die eienaar van die Versilia Blommeplaas net buite Krugersdorp, Riana du Plessis, het aan Jamaine Krige gesê hulle het miljoene rand se skade gely.

Ander inwoners van Krugersdorp het wonderbaarlik aan die stormskade ontkom. Elsa Erasmus is die eienaar van die Bankenveld House-gastehuis, en sy sê hulle het hulle deure oopgemaak vir diegene wat dakloos gelaat is.

Jy kan, en veral in 2017, leer uit die geskiedenis. So meen die skrywer, Frans Johan Pretorius. Hy is die redakteur, en een van 11 skrywers, van die boek Verskroeide Aarde, wat gaan oor die beleid tydens die Anglo Boere Oorlog. Hy het aan Melissa Tighy gesê dat kennis van die geskiedenis is nou meer belangrik as ooit.

Die Spaanse eerste minister, Mariano Rajoy, het die Kataloniese streeksregering gistermiddag vyf dae tyd gegee om te besluit of hy werklik onafhanklik van die res van Spanje te wees. Vir meer konteks hieroor, praat Monitor met Theo Bekker van die Noordwes Universiteit.

Daar was wye reaksie op die Minister van Polisie, Fikile Mbalula, se versoek aan President Jacob Zuma om die weermag in bendegeteisterde gebiede in die Wes-Kaap te ontplooi. Sommige waarnemers meen dat dit nie die taak van die weermag is nie. Monitor praat hieroor met Prof Abel Esterhuyse van die Krygskunde-fakulteit by Universiteit Stellenbosch.

'n Asteroïde het na verwagting vanoggend (Donderdag 12 Oktober 2017) om 07:42 Suid-Afrikaanse tyd rakelings verby die aarde beweeg. Die asteroïde sou op sy naaste punt aan die aarde gewees het, en op 'n soortgelyke hoogte as geo-stasionêre satelliete. Vir meer hieroor praat Monitor met 'n senior navorsingsgenoot by die Suid-Afrikaanse Nasionale Ruimteagentskap, Dr Pieter Kotze.

Die landbou-organisasie AgriSA hou Donderdag en Vrydag (12-13 Oktober) sy jaarlikse kongres met vennootskappe as oorhoofse tema. Monitor praat met die uitvoerende hoof van AgriSA, Omri van Zyl.

Liberiers is gister na die stembus om 'n opvolger vir Afrika se eerste vroue president en Nobel vredespryswenner, Ellen Johnson Sirleaf te kies. Gegewe die land se 14-jaar lange burger-oorlog en geskiedenis van brutale geweld, het Sirleaf haar landsburgers gemaan om vreedsaam hul kruisies te gaan trek. Nie minder as 20 presidents kandidate het hulself verkiesbaar gestel, onder andere, die voormali...

Die literator en Taurus uitgewer, Ampie Coetzee, het 'n lang pad met die oorlede skrywer Ryk Hattingh geloop. Coetzee het met Anita Visser gesels oor Hattingh se lewe en werk.

'n Lid van die regerende Demokratiese party in Suid-Korea, Lee Cheol-Hee, sê Noord-Koreaanse kuberkrakers het in September verlede jaar die weermag se data basis geinfilitreer en dokumente gesteel wat 'n bloudruk vir 'n oorlog tussen die twee buurlande is. Die onthulling wat hy gisteroggend gemaak het, het die politieke kwik verder laat styg te midde van die Hoof van die Amerikaanse weermag, Mark...

Ryk Hattingh, die bekroonde Suid-Afrikaanse skrywer wat in Nieu Zeeland woon, is op sestigjarige ouderdom aan 'n hartaanval daar dood. Die skrywer, Joan Hambigde, sê Ryk Hattingh het 'n groot bydrae tot Afrikaanse letterkunde gegee, toe hy in 1984 met "Die Tonnel" gedebuteer het. Sy ander boeke was, Marcus Vermoed 'n Verhaal, Ingnatius Brand, Mynhoop, Witskrif en Mnr van Bonge, Die Forster Bende s...

Oor die afgelope paar weke was daar verskeie boelie-voorvalle by skole in die nuus. Maar Dr Ruan Spies van die Noordwes Universiteit sê boelies kom ook in by die werk voor. Melissa Tighy het met hom oor die omvang van die probleem selfs in 'n professionele omgewing gepraat.

Maatskaplike werkers wêreldwyd het in 2010 tot die besef gekom dat haweloses die beste deur mense in hulle eie omgewing gehelp kan word. Sedertdien word 10 Oktober elke jaar as Wêreld Hawelose-dag beskou. Een organisasie wat hom vir die welstand van hawelose beywer is JOSH, die Johannesburg Organisation of Services to the Homeless. Anita Visser het met die stigter en uitvoerende hoof van JOSH, Mar...

Die Wes-Kaapse DA het hierdie naweek 'n nuwe leier verkies om Patricia de Lille op te volg. De Lille het in Januarie verras met haar bedanking en die leierspos is in die tussentyd deur Bongikosi Madikizela, die provinsie se minister van behuising, beset. Madikizela is Saterdag bevestig as nuwe provinsiale leier toe hy die verkiesing teen adv. Lennit Max gewen het. Heindrich Wyngaard het met hom ge...

Die Kaapse musiekmeester Camillo Lombard, mede-stigter van die Cape Music Institute, praat met Heindrich Wyngaard oor hoe die instituut 'n tuiste van ontvlugting bied vir jong musikante van die Kaap se minder gegoede gebiede. Hier word hul talent en sakevaardighede geslyp.

Dis kuberveiligheidsmaand en 'n deskundige in die gebied, Professor Elmarie Biermann, sê die regering se beleid oor kuberruimte is na ses jaar nog nie behoorlik uitgetrap nie. Sy sê 'n groot deel van die modêrne mens se lewe gebeur in die digitale ruimte. Dit is voeg sy by, uiters noodsaaklik om jou digitale identiteit te beskerm en om die nodige leiding van die regering te kry.

Die Departement van Menslike Nedersettings stel ondersoek in na die gebruik van innoverende bou-tegnologie en ander modelle, wat kan help om die agterstand in die verskaffing van behuising te laat krimp. Afgevaardigdes by 'n konferensie in Durban het gehoor dat Suid-Afrika een van die grootste verskaffers van gratis laekoste-behuising ter wêreld is. Dries Liebenberg berig.