Monitor

Die voormalige minister van finansies, Pravin Gordhan, het vandag die nuutste ontvanger geword van die Afrika-netwerk vir etiese sakeleierskap (BEN-Africa) se Orde van die Kremetart. Gordhan het met Heindrich Wyngaard op Monitor gepraat.

Die minister van Finansies, Malusi Gigaba, sê President Jacob Zuma het 'n ondersoek na die Suid-Afrikaanse Inkomstediens goedgekeur. 'n Afgetrede regter sal die ondersoek na die onderverhaling van belastinginkomste lei. Gigaga sê die kommissaris van die Inkomstediens, Tom Moyane, is oor die ondersoek ingelig en het onderneem om sy samewerking te gee. Ons praat met 'n ekonoom by Rebalance Fund Mana...

Die minister van Finansies, Malusi Gigaba, sê President Jacob Zuma het 'n ondersoek na die Suid-Afrikaanse Inkomstediens goedgekeur. 'n Afgetrede regter sal die ondersoek na die onderverhaling van belastinginkomste lei. Ons praat hieroor met die politieke en beleidsontleder prof. Erwin Schwella van die Skool vir Publieke Leierskap by die Universiteit Stellenbosch.

Pres. Jacob Zuma beplan glo om gratis tersiêre onderrig in te stel ten spyte daarvan dat 'n kommissie van ondersoek hierna daarteen besluit het. Die president het tot nou versuim om die kommissie se verslag openbaar te maak. Ons praat met Adv. Frans Rautenbach wat in sy boek "South Africa Can Work: How a Free Market and Decentralised Government Can Make Us a Winning Nation" ook oor die kwessie van...

Die onvertelde stories van Suid-Afrikaners wat in die verlede oor die hoof gesien is en deur die geskiedenis opsy gelaat is, gaan die lig sien. Dit is te danke aan ʼn nuwe projek gesetel in die Universiteit Stellenbosch se Fakulteit Lettere en Sosiale Wetenskappe. Hierdie projek is getiteld Biography of an Uncharted People. Ons praat met die projekleier, Prof Johan Fourie.

Die Nelson Mandela-stigting het 'n kat in die duiwehok gegooi deur 'n oproep dat die ou Suid-Afrikaanse vlag verbied word - en dit weens die verdeling wat dit dikwels veroorsaak. Maar is dit die beste wyse om verdelende simbole uit die verlede te hanteer? Die uitvoerende hoof van die Instituut vir Geregtigheid en Versoening, Stan Henkeman, en die sanger, akteur, skrywer en sosiale aktivis Steve Ho...

Die Cyril Ramaphosa-veldtog vir die ANC se leierskapstryd het verras deur min. Naledi Pandor aan te kondig as sy kandidaat om as ANC-adjunkpresident verkies te word. Melanie Verwoerd, politieke ontleder en oud-ANC-LP, beantwoord Heindrich Wyngaard se vrae hieroor.

Die uitgewers van die boek "The President's Keepers" het die Staatsveiligheidsagentskap (SSA) se regsverteenwoordiger laat weet hulle gaan nie die boek van die mark onttrek nie, terwyl die familie van die SSA-baas Arthur Fraser nou ook met regstappe dreig. Heindrich Wyngaard praat hieroor met grondwetkenner prof. Pierre de Vos.

Carl Niehaus, woordvoerder van die ANC se MK militêre veterane, reageer op min. Naledi Pandor as adj.pres. Cyril Ramaphosa se verkiesingsmaat vir die ANC se Top 6-leierskapstryd. Heindrich Wyngaard het die vrae gevra.

Die mediamaatskappy Tiso Black Star se besluit om die gedrukte weergawe van sy dagblad The Times te sluit, en dit slegs aanlyn voort te sit, laat opnuut vrae ontstaan oor die lewensvatbaarheid van gedrukte media in Suid-Afrika. Styli Charalambous, uitgewer van die nuuswebwerf Daily Maverick, praat oor die toekoms van gedrukte en digitale media.

Vandag (6 November 2017) is dit die internasionale dag vir bewusmaking oor die effek van oorlog op die omgewing. Die Verenigde Nasies se algemene vergadering het 16 jaar gelede besluit dat die publiek meer moet weet oor die effek van konflik op moeder aarde en natuurlike hulpbronne. Allessandra Vellucci, die VN se direkteur van inligting in Geneve verduidelik....

Minstens agt ontsoutingsaanlegte sal al langs die Kaapse kus gebou word. Dit sluit in by Houtbaai, Strandfontein, Monwabisi en die Kaapse Hawe. Maar wat is die omgewingsimpak van 'n ontsoutingsaanleg? Die departementshoof by die Departement Siviele Ingenieurswese by die Universiteit Stellenbosch, Professor Kobus du Plessis sê dit is waarom behandeling van die stowwe wat gebruik word, so belangrik...

Tuisonderwys kan binnekort deur die Departement van Basiese Onderwys ge-mikroreguleer word, indien voorgestelde wysigings aan die skolewet aanvaar word. Dit is die mening van die voorsitter van die Pestalozzi Trust vir Tuisonderwys, Bouwe van der Eems. Hy beweer verder dat die voorgestelde wysigings administratiewe laste en finansiële implikasies vir ouers tot gevolg kan hê. Joan-Marie Verhoef ber...

Die Wêreldrugbybeheerraad het Suid-Afrika as voorkeurland - bó Frankryk en Ierland - aangewys om die 2023 Wêreldrugbybekertoernooi aan te bied. 'n Amptelike stemming word op 15 November gehou om die wenner amptelik aan te wys. Hier is Heindrich se onderhoud met SA Rugby se uitvoerende hoof, Jurie Roux.

Die burgemeester van Kaapstad het vandeesweek gesê dat agt ontsoutingsaanlegte gebou sal word, om die waterkrisis in die Wes-Kaap die hoof te bied. Melissa Tighy het by die departementshoof by die Departement Siviele Ingenieurswese by die Universiteit Stellenbosch, Professor Kobus du Plessis gaan uitvind hoe die aanlegte werk.

Daar word verskeie planne met water gemaak, maar dit beteken nie dat Kapenaars nou 'n verskoning het om meer water te gebruik nie. So verduidelik die burgemeester van Kaapstad, Patricia de Lille. Die gemiddelde damvlak in die Wes-Kaap is op die oomblik 36,3%, waar dit verlede jaar 61% was. De Lille het aan Melissa Tighy vertel dat 'n ontsoutingsaanleg reeds in Februarie twee miljoen liter water pe...

'n Video wat bende-geweld en misdaad op die Kaapse Vlakte uitbeeld het die sosiale media netwerke aan die gons, en die polisie warm onder die kraag. Die video is nie realiteit nie, maar is as soetkoek opgevreet voordat die man wat dit gemaak het verduidelik het waaroor dit gaan. Die minister van polisie is glad nie hiermee ingenome nie.

Suid-Afrika se water krisis is nie beperk tot die Kaap nie, maar dit help nie om nou beskuldigings rond te slinger nie, ons moet praktiese oplossings kry wat op die lang termyn volhoubaar sal wees. So sê een van Suid-Afrika se mees gerespekteerde water aktiviste, professor Anthony Turton verbonde aan die Universiteit van die Vrystaat se Sentrum vir Omgewingsbestuur.

Die IVP staan voor sy grootste krisis met die voorgenome uittrede van dr. Mangosuthu Buthelezi as partyleier, sê die politieke ontleder Theo Venter van die Noordwes-universiteit se besigheidskool. Venter het met Heindrich gepraat en begin met 'n beskrywing van Buthelezi se rol oor byna 60 jaar in die Suid-Afrikaanse politiek.

'n Navorsingsprojek, wat in 'n kuns ervaring verander het. So vertel die kunstenaar, Masello Motana, oor hul Kwaito-pedia-projek by die pas afgelope Aardklop Kunstefees in Potchefstroom.

Leeus en ander groot katspesies is op bylaag twee van die Konvensie op Migrerende diere geplaas. COP 12 het pas in Manila in die Filipyne plaasgevind, en alle aanduidings volgens navorsing was dat die leeus en luiperde, en alle ander groot katsoorte, bedreig is. Die programkoordineerder van die CITES en van die konfensie op migrerende diere, Clara Nobbe, sê hoewel leeubevolkings in lande soos Suid...

Die voormalige Gautengse LUR vir Gesondheid se beweerde akademiese verpligtinge word met agterdog bejeën. Daar is wyd berig dat Qedani Mahlangu nie spoedig kan getuig voor die Life Esidimeni Arbitrasie proses nie, omdat sy akademiese verpligtinge by die London School of Economics and Political Science in Engeland het. Die Mail & Guardian se gesondheids-joernalistiek-sentrum, Bhekisisa, het egter b...

Die veteraan-joernalis en skrywer Jacques Pauw maak opspraakwekkende onthullings in sy nuwe boek, "The President's Keeper", oor pres. Jacob Zuma se beweerde belastingontduiking en geldskieters wat hom finansieël sou ondersteun. Heindrich Wyngaard het Pauw hieroor uitgevra.

Die minister van finansies, Malusi Gigaba, het vanjaar se Mediumtermynbegrotingsoorsig onder die valkoë van opposisiepartye, die finansiële markte, gaderingsagentskappe en politieke waarnemers gelewer. Heindrich het die ekonoom Dawie Roodt en die politieke ontleder dr. Piet Croucamp hieroor gepols.

Pres. Jacob Zuma en presidente Donald Trump van Amerika, Vladimir Poetin van Rusland en Recep Tayyip Erdogan van Turkye vorm 'n viermanskap, wie se ooreenkomste 'n nuwe soort ideologie aandui, aldus 'n sosioloog van die Universiteit van Pretoria, prof. Andries Bezuidenhout. Hy verduidelik sy standpunt aan Heindrich Wyngaard.