Monitor

Adj.pres. Cyril Ramaphosa se teenwoordigheid by die Wêreld Ekonomiese Forum-beraad in Davos het die internasionale gemeenskap en media behoorlik van hom laat kennis neem. Hoe vergelyk dit met die beeld van Amerika se pres. Donald Trump, wat ook by die beraad was, het Heindrich Wyngaard aan die politieke en beleidsanalis Theo Venter van die NWU se Besigheidskool gevra.

Suid-Afrika het 'n belangrike rol gespeel om die Jode in Nazi-konsentrasiekampe te help. Só sê die direkteur van die Centre for Holocaust and Genocide in Johannesburg, Tali Nates. Nates het met die stories grootgeword, omdat haar pa self 'n Joodse konsentrasiekamp oorleef het. Hy het sy oorlewing aan Oskar Schindler toegeskryf, die Duitse nyweraaar wat meer as 'n duisend Jode se lewens gered het -...

Die drukgroep SA Eerste wys vinger na politici oor die Kaapse waterkrisis. Die groep beplan nou 'n beraad waar rolspelers kan saamdink oor oplossings, het adv. Rod Solomons aan Heindrich Wyngaard gesê.

Die langverwagte riglyne vir die geregtelike ondersoek na staatskaping is in die staatskoerant gepubliseer. Dit spruit voort uit die ondersoek en aanbevelings van die voormalige Openbare Beskermer, adv. Thuli Madonsela, wat met Heindrich Wyngaard gepraat het.

Die grondwetlike kenner prof. Pierre de Vos van die Universiteit van Kaapstad gee in gesprek met Heindrich Wyngaard ook sy mening oor die bekendmaking van die riglyne vir die geregtelike ondersoek na staatskaping. Die ondersoek word deur regter Ray Zondo gelei.

Wat hou 2018 vir Suid-Afrika in wat betref die politiek, onderwys, ekonomie en die tegnologie? Dit is die vraag wat kundiges beantwoord het by die Universiteit van Stellenbosch Bestuurskool se jaarlikse scenario-beraad. Heindrich Wyngaard praat hieroor met dr. Morne Mostert, direkteur van die Instituut vir Toekomsnavorsing.

Hugh Masekela... Beskermer van jazz en 'n belangrike rolspeler in die Suid-Afrikanse musikale en politieke landskap. Dit is onder meer hoe veterane wyle Masekela beskryf. Maar, wat het die sogenaamde vader van Suid-Afrikaanse jazz-musiek vir die jeug beteken? Joan-Marie Verhoef het met die pianis Randall Scheepers oor sy verhouding met Masekela gepraat...

'n Bestanddeel wat algemeen in tandepasta voorkom kan ingespan word teen vorms van malaria wat weerstandig teen bestaande medisyne geword het. Hierdie ontdekking deur navorsers by die Universiteit van Cambridge in Engeland, is met die hulp van 'n kunsmatig-intelligente robot gedoen. Hendrik Martin het meer besonderhede....

'n Suid-Afrikaanse rolprentmaker, Triggerfish, is vir die Oscar-toekennings genomineer. Dit is vir 'n kort film, Revolting Rhymes, in die beste animasiekategorie. Een van die firma se karakteranimeerders, Anneke Pienaar, het aan Hendrik Martin gese^ dit is 'n verrassende, maar welverdiende eer......

Heindrich Wyngaard het met die projekleier van die Interdissiplinêre Forum vir Populêre Musiek by die Africa Open Instituut vir Musiek, Navorsing en Innovering, Dr Stephanie Vos, oor Hugh Masekela se lewe en werk gepraat.

Suid-Afrikaners hou asem op om te hoor of die plaaslike fliek "The Wound" wel vandag vir die Oscars benoem gaan word. Die benoemings word vanmiddag in Los Angeles aangekondig. Die Oscar-bekroonde regisseur, Gavin Hood, het aan Anna-Marie Jansen van Vuuren gesê toe sy fliek Tsotsi vir die Oscars benoem is, het sy lewe verander.

Die politieke kommentator Max du Preez meen die 2019-verkiesingsveldtog het vir alle praktiese doeleindes reeds begin. Dit voorspel niks goeds vir die DA en die EFF nie, het hy in gesprek met Heindrich Wyngaard gesê.

Die private ondersoeker Mike Bolhuis begin vandag met 'n hernieude veldtog om die vermiste bendebaas Ralph Haynes te vind. Haynes het sewe jaar gelede op pad tussen Middelburg en Krugersdorp verdwyn. Niemand het hom sedertdien weer gesien nie, of het iemand dalk? Izak du Plessis berig.

Volgens Outisem Suid-Afrika is die fliek, Raaiselkind, die mees realistiese uitbeelding van die outisme-spektrum-afwyking wat hulle nog gesien het. Raaiselkind is gegrond op die gelyknamige boek van Annelie Botes. Outisme SA het 'n spesiale voorskou vertoning daarvan bygewoon. Anna-Marie Jansen van Vuuren berig.

Die digter en skrywer, Antjie Krog sal die eerste Suid-Afrikaner ooit wees om 'n gesogte Nederlandse kulturele toekenning te ontvang. Die sogenaamde Goue Gansveer word jaarliks aan 'n persoon of 'n isntelling oorhandig wat 'n belangrike bydrae in geskrewe-en gedrukte werke in Nederlands lewer. Corbin August doen verslag

Facebook, WhatsApp en Twitter is die norm vir moderne gemeenskappe, so waarom kan die bankwese nie ook gebruik maak van hierdie wyer aanlyn-netwerke nie? Dit is die vraag wat die entrepreneur Michael Jordaan geinspireer het. Dit is ook die dryfveer agter 'n nuwe, slegs elektroniese bank, genaamd Bank Zero. Joan-Marie Verhoef het by Jordaan, ook die medestigter van Bank Zero gaan uitvind wat die ko...

Fort Klapperkop in Pretoria word vandeesweek 120 jaar oud - en groot feesvieringe word beplan. Melissa Tighy het by 'n professor in Geskiedenis van die Noordwes Universiteit, Professor Anton von Vollenhoven gaan uitvind wat die geskiedkundige betekenis en waarde is.

'n Hof in Myanmar het aanklagte teen twee Reuters joernaliste aanhangig gemaak ingevolge oortredings van die Wet op Geheimhouding. Dit is weens hul dekking van die probleme wat Roehindja Moslems in die noordelike Rakhine provinsie, daagliks ervaar. Diewet laat toe dat die twee joernaliste, Wa Lone en Kyaw Soe Oo, vir tot 14 jaar lank tronk toe gestuur kan word. Hulle is laas maand gearresteer na h...

'n Nuwe dorpie is besig om uit die snuif gebrande grond van Namakwaland te verrys. Die dorpie, bekend as Eureka, is eksklusief bedoel vir wit Suid-Afrikaners. En die man agter die plan is Suid-Afrika se kubuskoning, Adriaan Nieuwoudt. Izak du Plessis doen verslag...

Sy of haar naam is Forfeus en die kan tennis speel en jou lyftaal so goed interpreteer om jou van die baan af te speel. Hoekom is dit hoegenaamd belangrik? Want ons praat hier van n robot - daarom dat die soort interpretasie besonders is. Alhoewel die spesifieke robot pas deur die Japanese ontwerp is, word daar in Japan ook hard gewerk aan 'n robotprogram, getitled: "Bemagtiging, Ervaring en Empat...

Selfone en selfs slimfone word deur miljoene Suid-Afrikaners gebruik in plakkerskampe, middelklaswoongebiede en luukse huise. Die fone en gepaardgaande sosiale media netwerke verbind so baie mense dat 'n organisasie die tegnologie gebruik om mense regte te beskerm. Amandla.mobi is 'n selfoon-gebaseerde platform wat mense in verbinding hou met mekaar oor kwessies soos misdaad en werkloosheid. In di...

Duisende studente het nie ag geslaan op waarskuwings dat hulle nie toegelaat sal word by universiteite as hulle net opdaaag nie. Studente by verskeie universiteite was veronderstel om aanlyn te registreer. Die wat dit nie gedoen het nie, is die deur gewys, soos Hanri Wondergem berig

Agri-Wes-Kaap sê byna 400 000 permanente- en seisoenale werksgeleenthede sal in gedrang wees as die damme in die provinsie heeltemal. Die departement van Water en Sanitasie sê hulle sal amptenare binne die volgende 2 weke stuur om met waterbesparingsmetodes te help. Lyndon Khan het meer besonderhede oor die Wes-Kaapse waterkrisis.

'n Ekonoom by Graan S.A, Luan van der Walt, sê dit is nog te vroeg om die skade van die hittegolf op oeste te bepaal, maar daar sal grooot skade wees. Die temperatuur was op plekke in Noordwes veertig grade selsuis. Van der Walt sê die warm Januarie en Februarie maande is 'n kritieke tyd vir graanprodusente. Hy het met Metzi van der Merwe gepraat.

Die inhegtenisname van die Nigeriese pastoor, Timothy Omotso het groot belangstelling gewek. Die valke het hom in hegtenis geneem op aanklag van onder meer mensehandel, seksuele aanranding en verkragting. Die selferkende profeet en leier van die "Jesus Dominion International Church" is reeds maande in aanhouding nadat twee borgaansoeke onsuksesvol was weens die aard van die aanklagte. Hy staar 48...