Monitor

'n Onlangse verslag deur die Cancer Alliance, dui aan dat sekere lewensnoodsaaklike kankermedikasie nie in die land beskikbaar is nie, omdat dit onbekostigbaar is in beide die openbare- en privaat sektore. Monitor het verneem dat dokters selfs in uitsonderlike gevalle, nie hulle pasiënte inlig oor behandeling wat in ander lande beskikbaar is nie, omdat pasiënte dit nooit in die hande sal kry nie....

Die lys van 19 kossoorte wat vrygestel is van belasting op toegevoegde waarde in die land is hopeloos te min. Die Suid-Afrikaanse Inkomstediens ondersoek tans die lys om te kyk wat hierby gevoeg kan word. Ekonome het uiteenlopende standpunte oor die belasting op voedselprodukte wat gemik is op armes. Malixole Gwatyu doen verslag.

Een van die hoofdoelwitte wat die nuwe Suid-Afrikaanse Inkomstediens wil hersien is om sy eens groot maatskappyesentrum, wat deur die voormalige SARS-hoof, Tom Monyane gesluit is, weer op die been te bring. 'n Afname in belastingbetaling weens wantroue onder Suid-Afrikaners gaan ook dringend herstel moet word. So se^ Randall Carolissen van die Suid-Afrikaanse Inkomstediens...

Die SAUK sê hy wag vir 'n volledige verslag oor 'n voorval Vrydag, waartydens 'n radio-aanbieder op SAFM, Sakina Kamwendo, halfpad deur haar uurlange Forum At Eight program van die lug verwyder is. Dit was Kamwendo se laaste program tussen ses uur en nege uur die oggend. Die Nasionale Redakteursforum, SANEF, sê die besluit deur die openbare uitsaaier om Kamwendo te verwyder, kom neer op sensuur. J...

Twaalf Britse toeriste is op die N17 tussen Warburton en Chrissismeer in Mpumalanga beroof. Die groep is deel van 'n televisieproduksiespan uit Londen, en was op pad om 'n kinderprogram in Swaliland te verfilm. Anita Visser praat met 'n verteenwoordiger van die Kamer van Handel en Toerisme in Ermelo, Athol Stark, oor die voorval.

Plaas uitsettings in die Wes-Kaap is onder die vergroot glas geplaas deur die Suid-Afrikaanse Menseregte kommissie tydens 'n spesiale indaba hiervoor, wat in die provinsie gehou is. Plaas werkers organisasies beweer al 'n geruime tyd dat plaas uitsettings in die provinsie hoogty vier en onverpoos voortgaan. Chris Nissen is die Wes-Kaapse menseregte kommissaris.

Groot onsekerheid heers oor wat die uitslag van vandag se mosie van wantroue teen die DA-burgemeester in die Nelson Mandela baai metro, Athol Trollip, gaan wees. Die EFF gaan die mosie teen Trollip bring, om die DA te "straf" omdat die party nie die EFF se mosie vir grond onteiening sonder vergoeding gesteun het nie. Professor Erwin Schwella van die Universiteit van Stellenbosch gee sy indrukke

Verskeie organisasies met belange in die landboubedryf sê die nasionale forum vir dialoog se grondonteieningsberaad is 'n eensydige affêre wat niks goeds vir die land inhou nie. Die geleentheid wat vandag en more plaasvind, word deur die In Transformation Initiative gereël. Volgens berigte sou president Cyril Ramaphosa die openingsrede gelewer het, iets wat Afrisake ook kritiseer. Izak du Plessis...

Die Xhosa rolprent Inxeba, oftwel The Wound het skoon skip gemaak by die glansryke Suid-Afrikaanse Film en Televisie toekennings, SAFTAS, wat die naweek by Sun City gehou is. Crystal-Donna Roberts is bekroon as beste aktrise in 'n rolprent, vir haar ROL in die fliek "Krotoa" wat die storie van 'n Khoi-slaaf met dieselfde naam vertel. Monitor praat met Roberts hieroor.

Mense wat deur vorige regeringsbeleid met betrekking tot grondbesit benadeel is, glo vrese vir die ekonomie as so 'n beleid nou weer ingestel word, is net gedeeltelik waar. Norman Makhutle wat deesdae in Noordwes bly, sê sy mense is na 1913 stelselmatig verarm en van hulle grond onteien. Dat regstelling hiervoor moet gebeur deur grond sonder vergoeding te onteien, is vir hom 'n uitgemaakte saak. M...

'n Merino skaapboer van Smithfield in die Vrystaat, Eddie Prinsloo, sê hy het besluit om een van sy plase aan die Departement van Landelike Ontwikkeling en Grondhervorming te verkoop, wat dit vir die plaaswerkers gekoop het. Prinsloo het 'n vennootskap met nege van sy plaaswerkers begin in die eerste landelike ontwikkeling projek in die provinsie waar plaaswerkers volle titelaktes sal ontvang. Vin...

Die plaaslike rolprent Meerkat Maantuig is deur drie internasionale kritici aangewys as een van die beste flieks van 2018. Dit is reeds wêreldwyd by veertien rolprentfeeste, van Noord-Amerika tot Suid-Korea, vertoon. Meerkat Maantuig se regisseur en draaiboekskrywer, Hanneke Schutte, het aan ANNA-MARIE JANSEN VAN VUUREN gesê dat verbeelding die sleuteldoepa in haar towerpot was.

Gautengers hoef voortaan nie meer in lang rye by klinieke te staan om chroniese medisyne te kry nie. Hulle kan dit nou by 'n outomatiese masjien kry. Die Gautengse Departement van Gesondheid in samewerking met die nie-winsgewende organisasie, Right To Life, het 'n E-apteek in ALEXANDRA, noord van Johannesburg geopen. Dit werk soos 'n outomatiese tellermasjien.

Vroue wat in hulle middeljare fiks en aktief is, se kans om demensie in later jare te ontwikkel is 90 persent laer as vroue wat minder aktief en onaktief is. Dit is volgens 'n studie van Sweedse wetenskaplikes, wat aanlyn in die vaktydskrif, Neorology van die Amerikaanse Neorologiese Vereniging gepubliseer is. Vir meer hieroor praat ons nou met ons wetenskapkorrespondent, George Claassen.

Stephen Hawking wat gister op 76 in Cambridge dood is aan motorneuron-siekte, is al in 1963 met die toestand gediagnoseer. Maar wat behels motorneuron-siekte? Vir meer inligting hieroor, praat ons nou met die neuroloog, dr Etienne van der Walt:

Die departement van Landbou, Bosbou en Visserye slyp sy tande teen sindikate in die vissersbedryf. Amptenare in bestuursposisies van die departement se Vissery-tak, moet nou veiligheidsklaring kry. Dit volg na die inhegtenisname van nege amptenare wat verbind word met onwettige perlemoenhandel. Marlinee Fouche berig die departement het hom na staatsintelligensie gewend om amptenare se agtergronde...

Intussen berig Marlinee verder dat bedrog by Vissery-departemente glad nie 'n nuwe ding is nie....

Die bekende Britse fisikus, Stephen Hawking, is op die ouderdom van 76 oorlede. 'n Professor in fisika by Stellenbosch universiteit, Kristian Muller-Nedebock, sê Hawking is veral bekend vir sy werk oor swart gate in die ruimte....

Ons het gisteroggend met die registrateur van die Noordwes Universiteit, professor Marlene Verhoef, gepraat oor 'n konsep-taalbeleid wat aan die Universiteit se konvokasielede gestuur is, waarvolgens fakulteite, en nie die onderskeie kampusse nie, sal kan besluit in watter taal klas gegee moet word. Boonop doen 'n dokument die rondte wat voorstel dat die Pukke teen 2022 slegs Engels as voertaal ge...

Die gewilde sanger John Legend, het groot opgewondenheid veroorsaak toe hy die Stellenbosch Universiteitskoor op Twitter komplimenteer het met hulle weergawe van sy liedjie All of Me. Die koor se dirigent, Andre van der Merwe, het die treffer na aca-pella verwerk. 'n Video is op Youtube gelaai, en die legende self het hierop gereageer met een, kragtige woord: BEAUTIFUL...

Die organisasie South Africa Day het besluit om 'n opbouingsprojek in die Noordwes-dorpie Coligny te loods. Die dorp sal later hierdie maand weer in die nuus wees wanner twee mans in verband met die dood van 'n tienerjarige, Matlhomola Mosweu, in die hof sal verskyn. Anita Visser praat met die bedryfshoof van South Africa Day, Barend La Grange.

Om daai wen-gevoel terug te kry... Dit is die korttermyn doelwit wat die nuwe Springbokafrigter vir sy span het. Die slegste geheimhouding ooit - so word daar geskerts oor die aanstelling van Rassie Erasmus. Maar die aap is gister amptelik uit die mou gelaat: Erasmus sal die Springbokke afrig tot aan die einde van die 2023 Rugby Wêreld beker.

Vir meer as twee dekades het Suid-Afrika wetgewing wat veronderstel is om aborsies wettig en veilig te maak. So hoekom word daar steeds duisende onwettige, onveilige agterstraataborsies gedoen in een van die min lande wat vroue se voortplantingsregte beskerm? Mail and Guardian se Sentrum vir Gesondheidsjoernalistiek, Bhekisisa, het die vraagstuk by 'n werkswinkel in Johannesburg gepak. Hanri Wonde...

Die Instituut vir Rasseverhoudinge s^e daar is wydverspreide verwarring oor die fynere besonderhede van die ANC se planne om die grondwet te verander sodat grond sonder vergoeding van eienaars geneem kan word. Die Nasionale Vergadering het 'n mosie oor grondonteiening van die EFF aanvaar. Die beleidsgenoot by die Instituut wat grondkwessies bestudeer, Terrence Corrigan, s^e artikel 25 van die gron...

Verskeie nuwe kabinetslede is Dinsdag (27.02.18) , deur hoofregter Mogoeng Mogoeng in die Parlement ingehuldig.