Kompas

Barrie Ferreira vind uit hoekom dit belangrik is om te weet of jou naskoolse program geakrediteer is, sodat jy nie onbewus om die bos gelei word nie.

Is poësie iets waarvan jy nie hou nie wanneer jy dit in die klas moet doen? Barrie Ferreira gesels met Lefra Produksies om meer oor hulle poësieproduksie uit te vind.

Menán van Heerden, bestuurder van LitNet Akademies, vertel van gratis hulpbronne wat leerders kan gebruik, soos vraestelle en memorandums, om hulle akademie te ondersteun en algemene kennis te verbreed.

Kompas kuier by die Hoër Meisieskool Bloemhof om met twee van hulle uitblinkers te gesels – een is ‘n oopwaterswemmer en die ander ‘n klarinetspeler.

Ons vier Wêreld-wilddag. Keren Colgate, koördineerder van die Junior Ereveldwagters vir die Pretoriastreek, vertel wat hulle doen. Ons eregaste is ereveldwagters Lire, Amber en Catherine.

Ons kyk na hoe en wanneer om aansoek te doen vir naskoolse studies. Trudi van Wyk, Hoofdirekteur van Onderwys in die Nasionale Departement van Hoër Onderwys en Opleiding, gee raad.

Ons vier Melktertdag met ‘n bekroonde melktertresep. Barrie Ferreira praat ook met ‘n jong bakster om te hoor hoekom sy ‘n passie het vir bak.

In hierdie maandelikse skoolfokus, vind Hazel Janse van Rensburg by Hoërskool Uitenhage uit hoekom dit so lekker daar by hulle is.

Wat verg dit om ‘n redenaarskompetisie te wen? Watter waarde het dit vir skoolleerders?

Nicki de Villiers, 'n geregistreerde dieetkundige met 'n spesiale belangstelling in sportvoeding, gee jongmense raad oor watter aanvullings jou oefening kan ondersteun, en wat om heeltemal te vermy.

Barrie Ferreira kyk na verskil tussen openbare en private hoër onderwysinstellings.

In die tweede episode van ons loopbaanskou, vind ons uit watter ongewone beroepe daar is om te volg.

Kompas loer in by ‘n loopbaanskou om jongmense met studie- en beroepskeuses te help.

Hoe inkorporeer universiteite KI? Watter impak het dit op studente? Hoe relevant sal ‘n universiteitsgraad bly vir studente met die toenemende gebruik van KI?

Die oumas en oupas by Wilgers Aftree-oord het raad vir al hulle Kompas-kleinkinders.

Ons vind uit hoe om ‘n CV op te stel, watter aanlynplatforms gebruik kan word, hoe om praktiese blootstelling deur gemeenskapsdiens te verkry, en hoe om oordraagbare vaardighede te ontwikkel, wat deur werkgewers waardeer word.

Op Wêreld Radiodag vind ons uit wat radio alles behels. Barrie Ferreira vertel hoe radio die basis vorm van verskeie soorte tegnologie.

Jody Hendricks het by Skurweberg Sekondêr gaan inloer. Die skool het 20 skootrekenaars ontvang. Dit is een van die vele uitreikingsprogramme waarby RSG betrokke is, in samewerking met die SABC.

Ons kuier by Hoërskool Bultfontein in die Vrystaat om te hoor hoe hulle gees bou met hulle Waatlemoenfees. Hulle vertel ook hoekom hulle klassieke musiek in die klaskamer speel.

Ons vind meer uit van aanhegtingstyle - hoe ons liefhet, hoekom, en wat dit vir ons verhoudings beteken. Dr. Louis Awerbuck, 'n kliniese sielkundige, help ons om hierdie patrone te verstaan.

Ek het dit nie gemaak nie. Wat nou? Dít is ‘n vraag wat sommige matrikulante mee worstel. Sukses is nie ‘n reguit lyn nie. Baie mense slaag deur ‘n tweede kans, vaardigheidsopleiding of entrepreneurskap. Barrie Ferreira vind uit watter moontlikhede daar vir jou is as jy nie die regte punte in matriek gekry het nie.

Wat is ‘n mentor? Barrie Ferreira hoor watter waarde hulle by ‘n jongmens se lewe kan voeg.

Anelma van Heerden gesels oor haar reis na genesing nadat sy vir langer as 15 jaar met twee verskillende eetversteurings geworstel het. Sy moedig jongmense aan om nie in stilte te sukkel nie, maar om met iemand te praat oor die dinge wat jou lewensvreugde steel.

Barrie Ferreira vind uit wat dit verg om ‘n Protea-krieketspeler te word. Hy praat ook met ‘n krieketkommentator oor sy beroep.

‘n Jong man wat met wiskunde gesukkel het, vertel van sy reis nadat hy besluit het om die vak oor te skryf om universiteitstoelating te kry. Hy gee wenke wat hom gehelp het om uiteindelik sukses te behaal.