Kompas

Velsorg is ‘n groot uitdaging vir baie jong mense. Wat kan jy doen om seker te maak dat jy mooi na jou vel kyk?

Het jy geweet jy het groente in jou dieet nodig vir goeie spysvertering? Katinka Meiring deel resepte uit haar nuwe kookboek, MATINKA SE VEGETABLE MAGIC COOKBOOK.

Tyd en produktiwiteit is twee dinge wat baie mense sukkel om reg te bestuur. Hoe kan jy produktief wees én jou tyd reg bestuur?

Ons loer in by die Merensky Landbou Akademie om meer van die unieke sport, sweepslaan, te leer. Hulle verduidelik hoe dit werk, en hoekom hulle ‘n sweepslaanspan gestig het.

Wat doen ’n voorkomskonsulant? Chloè van Rooyen vind meer uit oor hierdie beroep, en wat die jongste modegiere is.

Is daar genoeg geleenthede vir jong Afrikaanse musikante om hulle talente te ontwikkel?

Hazel Janse van Rensburg gesels met die wenskool van die Afrikaans 100-skolekompetisie, om te hoor hoe hulle Afrikaans verder gaan vier noudat hulle ‘n ekstra R50 000 in die sak het!

Is jy pas klaar met skool of universiteit? Hoe gaan jy nou te werk met jou geld?

Hazel Janse van Rensburg vind uit waarmee jongmense hulleself besig hou, sodat jy idees kan kry vir die vakansie.

Chloè van Rooyen vind uit hoe jy kan kwalifiseer as ’n tuisversorger. En ons kry raad oor hoe om in Desember jou finansies slim te bestuur.

Het jy al ooit gewonder hoe afslaers so vining kan praat, en hoe om een te word? Barrie Ferreira vind meer uit van beroepsgeleenthede in die veilingbedryf.

Renee Potgieter, ‘n haargesondheidsaktivis, verduidelik hoe jongmense hulle hare goed kan versorg.

Barrie Ferreira praat met drie hoërskoolleerders wat Suid-Afrika oorsee gaan verteenwoordig in teikenskiet en dans.

Hazel Janse van Rensburg het by Laerskool HM Swart gaan inloer om te hoor wat hulle so spesiaal maak.

Chloè van Rooyen gesels met ‘n verpleegkundige wat haar eie praktyk begin het, waar sy verpleging en drama integreer om pasiënte te versorg. Sy vertel hoekom verpleegkunde so ’n uitdagende, maar belonende beroep is.

Met die toenemende ontwikkeling van kunsmatige intelligensie wat intreevlakwerke oorneem, moet jy as ‘n jongmens bekommerd wees dat jy dalk nie werk sal kry nie? Om probleme op te los, om ‘n kollega of ’n klant in die oog te kyk, om waarde toe te voeg, is iets wat mens leer, en KI kan dit nie doen nie.

Dit was ‘n goeie jaar vir Kovsies se sportsterre. Bianca Lubbe, Erich Visser en Rolene Streutker loer by Hazel Janse van Rensburg in om te vertel wat hulle wenresep is.

Wat is die verskil tussen alledaagse spanning en uitbranding? Hoe gemaak as jy uitbranding ervaar?

Twee susters vertel van hulle besluit om ‘n dubbele mastektomie te kry nadat die borskankergeen by hulle bevestig is.

Chloè van Rooyen gesels met Danel Wentzel, ’n onderwaterfotograaf, oor wat die veld van mariene biologie alles in behels, en hoekom hierdie bewaringswerk so belangrik is.

Ons hoor watter beroepe daar in die veiligheidsbesdryf is.

Jason Barnard en Jacobus "Trompie" Claassen vertel wat ‘n beroep in die sirkus behels.

Wat verg dit om ‘n wenner te wees in ’n sêr-kompetisie? Ons praat met een van die kategoriewenners van die onlangse ATKV Sêrkompetisie.

Dr. Hannetjie Van Zyl-Edeling, ‘n voorligtingsielkundige, praat oor hoe die netheid van jou kamer of woonstel iets oor jou geestesgesondheid kan verklap. Sy gee ook wenke vir die positiewe gebruik van spasie.

Bemarking- en sosiale media-strateeg Magriet Groenewald gee wenke vir jong entrepreneurs oor hoe om sosiale media tot jou voordeel te gebruik. Ons vind ook uit wat die werk van ‘n sosiale media-bestuurder behels, en hoe jy een kan word sonder ‘n kwalifikasie.