Kompas

Hoe goed ken jy jouself? Watter impak het dit op jou toekomstige loopbaan? Barrie Ferreira vind uit hoekom selfkennis belangrik is in hoe jy loopbaankeuses maak.

Is dit waar dat vrees altyd negatief moet wees? Barrie Ferreira vind uit hoe ons vrees reg moet benader.

Alhoewel dobbel onwettig vir minderjariges is, sien ons dat al hoe meer tieners daarmee in aanraking kom, selfs met die speel van speletjies wat onskuldig lyk. Hoe begin dit, en wanneer raak dit ’n probleem? Om ons te help om hierdie komplekse onderwerp beter te verstaan, gesels Hazel Janse van Rensburg met sielkundige Nadia Liebenberg.

Kennis is beperk. Verbeelding omring die wêreld. Ons gesels met Meggan-Lee Johnstone, medestigter van Talente vir ‘n Toekoms. Sy vertel hoekom dit belangrik is om ‘n kunstekultuur te kweek, veral in kleiner dorpe.

Die 16-jarige Joban Botha komponeer orkesmusiek in sy vrye tyd. Hierdie stokperdjie het hom met ‘n tweede plek in ‘n internasionale kompetisie laat wegstap. Hy vertel hoe die proses werk, en waar dit alles begin het.

‘n Groep studente het van Nairobi af gery na Stellenbosch op ‘n elektriese motorfiets, wat in Suid-Afrika vervaardig is. Barrie Ferreira het met hulle gepraat.

Wat is deernis, en hoekom is dit belangrik dat ons dit in ons lewe moet toepas? Barrie Ferreira gesels met Emma van der Walt, wat mensehandel bestry, om te hoor hoe sy deernis in haar werk waarneem.

Hazel Janse van Rensburg verwelkom ‘n nuwe Kompas-kollega, Chrislynn Sias-Louw. Ons ontmoet die vrou agter die mikrofoon, wat op Woensdagaande die program sal aanbied.

Chrislynn Sias-Louw gesels met Courtney Campbell, ’n arbeidsterapeut, wat glo in die krag van speel om kinders te leer en hulle vaardighede te ontwikkel. Sy vertel ook meer oor haar opvoedkundige emmertjies.

Susan Kemp, bemarkingsdirekteur by Sloom, deel skokkende statistiek oor die kwaliteit van Suid-Afrikaners se slaap. Sy gee raad om jongmense te help om meer uitgerus te voel.

Trudi van Wyk, Hoofdirekteur van Onderwys in die Nasionale Departement van Hoër Onderwys en Opleiding, en Danielle Heyns, adjunkhoof van Afrikaans Hoër Meisieskool in Pretoria, gee raad oor Graad 9-vakkeuses.

Wat kan jy verwag as jy binnekort met jou regsklerkskap begin? Barrie Ferreira vind uit wat jy moet weet om seker te maak dat jy hierdie ervaring oorleef.

Hazel Janse van Rensburg kuier by Laerskool Anton van Wouw in Pretoria om te hoor wat hulle uniek maak.

‘n Onbekende siekte, en die verlies van ‘n pa. Hoe vind ‘n mens hoop in só ‘n situasie? Barrie Ferreira praat met twee jongmense wat deur hierdie moeilike tye gaan om te hoor waar vind hulle hoop in weerwil van die omstandighede.

Ons vind uit of ‘n oggendroetine bydra tot jou sukses. Hazel Janse van Rensburg het by vyf suksesvolle mense gaan inloer om uit te vind hoe hulle die oggend begin, en of hulle glo dat dit regtig ‘n verskil maak.

Barrie Ferreira vind meer uit van gesogte skaars vaardighede in verskeie bedrywe, waarvan jongmense kennis moet neem.

Op Wêrelddag van Geluk praat Barrie Ferreira met ‘n professor wat navorsing hieroor doen.

'n Pastorale berader en kliniese sielkundige wat weet waarmee tienermeisies in 'n moderne samelewing worstel, gee raad om jong vroue se las ‘n bietjie ligter te laat voel.

Barrie Ferreira vind meer uit van Rekeningkunde as ‘n studierigting en beroepskeuse. Hy praat met ook met iemand wat hulle klerkskap voltooi het.

Hazel Janse van Rensburg loer in by die uitdunrondtes van die 2026 Proscenium-dramakompetisie, en hoor wat beoordelaars en afrigters se raad aan deelnemers is.

Ons kyk ons na internasionale studie- en werksgeleenthede vir jongmense, wat hulle horisonne wil verbreed. Trudi van Wyk, Hoofdirekteur van Onderwys in die Nasionale Departement van Hoër Onderwys en Opleiding, gee raad.

Barrie Ferreira vind uit wat ‘n graad in grond- en plantkunde behels.

Wat begin het as ‘n besigheidsidee om vir sy matriekafskeid te betaal, het gelei tot ‘n beurs om besigheid te gaan studeer. Rudolph Lekay deel sy inspirerende verhaal.

Hoe sal die wêreld van loopbane lyk oor vyf of tien jaar? Barrie Ferreira vind uit watter vaardighede belangrik sal wees vir loopbane in die toekoms.

Hazel Janse van Rensburg hoor by Josef du Plesis, ‘n huisleningkonsultant, of dit ‘n goeie idee vir jongmense is om in eiendom te belê. Hy gee praktiese wenke oor hoe om jou eerste huis ‘n realiteit te maak.