Kompas

18 Mei 2026: Wie is Umalusi, en hoekom moet jy weet wie hulle is en wat hulle doen? Barrie Ferreira vind uit hoekom dit belangrik is om te weet van dié beheerliggaam.

Ons vind uit hoe ‘n praktiese landbouprogram jong leerders bemagtig om ná skool meer suksesvol te kan wees.

Moreen Coetzee, 'n dosent in opvoedkunde aan Akademia, werk deur die Fisikavraestel vir die Junie-matriekeksamen.

Suid-Afrika ryp is aan talent! Dit is die afgelope naweek weer beklemtoon tydens die finale rondtes van Tribuo se Proscenium Dramakompetisie. Chrislynn Sias-Louw gesels met die finaliste van die kompetisie asook vanjaar se algehele wenner, Johandre Viljoen.

Somaya Marais van U Go Girl Driving Academy in Kaapstad verduidelik die proses om jou bestuurderslisensie te kry.

Wat is die Suid-Afrikaanse Kwalifikasie-owerheid, en hoekom is dit vir jou as ‘n jongmens bealngrik om bewus te wees daarvan?

Hoekom is so baie jong mense bang om hulle drome te volg? Watter stappe kan jy doen om jou drome te bewaarheid?

Dane Roberts gesels oor haar ervaring as ‘n au pair in Amerika.

Chrislynn Sias-Louw gesels met Kelly-lee Ohlson oor haar Nederlandse avonture, en haar werk as kunsjoernalis.

Dis makliker om ‘n tweede of derde taal aan te leer as jou moedertaal se grondslag baie sterk is. Rene Arendse, woordvoerder en media- en kommunikasiespesialis vir Afrikaans.com, gesels oor moedertaalonderrig, veeltaligheid en hoe dit jou akademiese prestasie, selfvertroue en selfs jou toekoms kan beïnvloed.

Barrie Ferreira vind uit hoekom dit belangrik is vir matrieks wat daarin belangstel om gesondheidswetenskappe te gaan studeer, om seker te maak wanneer die sluitingsdatums vir die aansoek vir die kursusse is.

Ons kuier by die Paarl Hoërmeisieskool om met twee van hulle uitskieterleerders te gesels – een ‘n danser en die ander ‘n swemmer.

Hazel Janse van Rensburg kuier by St. Teresa’s skool in die Oos-Kaap.

Dis belangrik om jouself toe te rus met die nodige kennis om gesonde verhoudings te handhaaf in alle vlakke van jou lewe, insluitend die klaskamer. Chrislynn Sias-Louw praat met opvoedkundige kenners Elisna Kelly en dr. Jeanne Roux oor die belangrikheid van goeie verhoudings in die opvoedkundige stelsels.

Sandra de Beer van SDB Esthetiek verduidelik wat somatologie behels, is en hoe ‘n beroep as ‘n somatoloog lyk.

Hoe word jy ‘n ambagsman of -vrou? Watter werksgeleenthede is beskikbaar?

Barrie Ferreira vind meer uit van werk-geïntegreerde leer, en watter waarde dit vir jou as ‘n student kan inhou.

Vier paartjies, wat op ‘n toepassing ontmoet en voor die kansel opgeëindig het, deel hulle verhale. Hulle gee raad oor wat ‘n profiel laat uitstaan, hoe om jou veiligheid te verseker, en wat om nie te doen nie.

Waarvandaan jy kom, bepaal nié jou eindbestemming nie. Chrislynn Sias-Louw gesels met dr. Allison Matroos. Sy deel haar komvandaan in Atlantis en die kruin van haar akademiese sukses – ‘n PhD in Afrikaans en Nederlands.

Arlene Jacobs, ‘n prokureur wat struktuur en ‘n vaste salaris verruil het vir ‘n droom om haar eie blombesigheid te bestuur, vertel wat gebeur wanneer die pad wat jy gekies het, nie meer soos jóú pad voel nie. Sy gee ook raad oor hoe om jou passie en finansiële verantwoordelikhede te balanseer.

Wat is die PSET-stelsel, en hoekom moet jongmense daarvan weet?

Watter rol speel musiek in die lewe van jongmense? Barrie Ferreira praat met ‘n jong kunstenaar, Shakira Peach, om te hoor watter rol dit in haar lewe speel.

Hazel Janse van Rensburg gesels met twee bestuurslede van die Berg- en Toerklub Stellenbosch, ’n groep wat al jare lank jongmense saambring om die natuur te verken. Ons vind uit wie en wat hulle is, en van hulle gunsteling avonture en lesse om jongmense te inspireer om meer tyd in die natuur deur te bring.

Ons gesels met Wikus Olivier, ‘n geregistreerde skuldberader, oor alles wat finansies betref – van spaar en ‘n begroting tot ‘n gesonde kredietprofiel. Hy praat ook oor lewensversekering vir jong volwassenes, en die verskil tussen goeie en slegte skuld.

Dr. Hannetjie van Zyl-Edeling, ‘n sielkundige, help jongmense om te verstaan hoe hulle denke en die dinge wat hulle vir hulleself sê, uiteindelik hulle realiteit vorm.