Kompas

Wat presies is ADHD? Hoe kan jy weet of dit jou affekteer as ‘n jongmens?

Vier matiek-toppresteerders vertel hoe hulle dit reggekry het om sulke goeie punte te behaal, en wat volgende op hulle wag.

Het jy pas jou matriekresultate gekry, en is nie heeltemal tevrede daarmee nie? Hoe lyk die pad vorentoe? Moet jy matriek herhaal, of is daar ander roetes wat tot jou beskikking is?

Kompas-luisteraars vertel wat hulle die vakansie aangevang het, en wat hulle doelwitte vir 2026 is.

Chloè van Rooyen hoor hoe die Matrieks van 2025 voel oor die matriekuitslae wat binnekort bekendgemaak word, en hulle deel hulle planne vir 2026 met ons. En, twee jong mans vertel van die vakansiewerk wat hulle gedoen het.

Die skuif van hoërskool na universiteit kan nogal uitdagend en oorweldigend wees. Ons vind uit wat jy moet weet om jou eerste jaar te oorleef.

Die 12-jarige Gian du Toit van Namakwaland, maak groot golwe op Facebook, waar hy jou leer hoe om te braai.

Vir baie Graad 7-leerders is die oorgang van laerskool na hoërskool redelik oorweldigend. Wat kan jy weet om hierdie oorgang so glad as moontlik te maak?

Vier finalejaarstudente wat datawetenskap aan die Universiteit Stellenbosch studeer, het as span die 2025 GradHack-kompetisie gewen.

’n Jong man vertel sy storie van vernuwing. Ná 13 jaar van verslawing het Jadin-lu dwelms finaal gelos en ‘n volle ommeswaai gemaak. Vandag loop hy met sy kop hoog, en deel hy sy storie om ander jongmense te inspireer.

Is een van jou nuwejaarsvoornemens om te leer om ‘n musiekinstrument te bespeel? Ons vind uit wat jy moet weet voor jy met lesse begin.

Juffrou Melanie is terug om vir Hazel Janse van Rensburg en die Kompas-span te leer hoe die brein werk met die stel van doelwitte. Sy gee praktiese raad oor om jou doelwitte in 2026 te bereik.

Ons kyk terug op 2025, en hoor wat die Kompas-aanbieders se gunsteling programme was.

Ons kyk terug op ‘n jaar vol hoogtepunte.

Hoe laat ek die dinge van 2025 agter, en gaan 2026 met ‘n nuwe gemoed binne?

Ons gesels met ‘n skool wat deelgeneem het aan ’n Bybelvasvrae-kompetisie, en hoor hoe hulle presteer het, en wat die kompetisie alles behels.

Kersaand is vir stories vertel om die kerstafel. Mel die Storieverteller vermaak ons met haar staaltjies in hierdie spesiale kersuitsending.

Luister na twee stories van hoop van twee jongmense, wat deur moeilike tye gekom het.

Hazel Janse van Rensburg gesels met haar mede-aanbieders, Barrie Ferreira en Chloè van Rooyen, oor die soet en die suur van 2025.

Ons leer meer van die Nama-kultuur. Die Aitsama Homasen Nama Kultuurgroep vertel van die tradisionele dans, liedjies en hoekom dit belangrik is om hierdie tradisies aan die jonger generasie oor te dra.

Wat is die verskil tussen akademie op skool en akademie op universiteit?

Steven Schamrel, projekbestuurder van VIBE Innibos, vertel van ‘n jeugkunstesimposium en -ekspo, wat van 29 Junie tot 1 Julie 2026 in Nelspruit plaasvind.

Ons vind uit wat dit verg om ‘n tandarts te word, en wat die verskil is tussen ‘n algemene en ‘n kosmetiese tandarts.

Beroepsberader Sonia Roux gee raad aan jongmense wat daaraan dink om van beroep te verander.

Om vlerk te sleep, kan uitdagend en verwarrend wees. Wat is die rooi vlae waarvoor jy moet uitkyk? Hoe gepas is emoji’s in jou eerste boodskap aan ‘n moontlik maat. Hoe wys jy dat jy belangstel sonder om te beskikbaar voor te kom?