Kompas

Tenita Kidelo gesels met Michelle Jansen,'n Lewensoriëntering-onderwyseres, oor wat matrikulante in die vraestel kan verwag.

Tenita Kidelo gesels met Evangeline Dreyer, wat haar hele skoolloopbaan lank 'n masker moes dra - die masker van voorgee, wat soveel druk op jongmense plaas. Evangeline deel haar suksesstorie, en gee raad vir ander jongmense.

Die internet is 'n wonderlike plek, maar kan ook soms 'n wrede plek wees. Tenita Kidelo praat met Eric Jacobs oor kuberboelies, en hoe ons kan help om die internet 'n veiliger plek te maak. 'n TikTokker, Feigh, deel haar ervarings met kuberboelies.

Tenita Kidelo praat met Elzette Brown en Zainab Suliman oor hoe die Wes-Kaapse Onderwysdepartement graad 12 leerders ondersteun ter voorbereiding van die nasionale seniorsertifikaateksamen in November en Desember.

Tenita Kidelo gesels met Wiskunde-onderwyser Salome Madden om die afdeling, Data en Statistiek, te hersien.

Tenita Kidelo gesels met Shameega en Wageed oor hulle passie vir dans, en die hoe ver die stokperdjie hulle al geneem het. Sy gesels ook met Marlon oor sy liefde vir potspel.

Diversiteit en erfenis is in die Kompas-kollig. Tenita Kidelo gesels met Lynthia Julius oor haar debuutbundel DIE KROES, en hoe dit identiteit en erfenis vasvang. Tenita gesels ook met 'n paar jongmense om uit te vind wat erfenis en diversiteit vir hulle beteken.

Carin van Graan doen hersiening van die afdeling datahantering in Wiskundige Gelettertheid.

Tenita Kidelo gesels met Gavin de Bruyn en Susan Hanekom oor die Kaapse Ondderig en Leierskap Instituut en die Wes-Kaap Onderwysdepartement se biblioteek, EDULIS.

Omstandighede kan 'n mens maak of breek, maar met deursettingsvermoë en harde werk kan jy alles bereik. Tenita Kidelo gesels met Heinnie Sophat oor sy pad na sukses en die talle struikelblokke wat hy moes oorkom sedert geboorte.

Om die wêreld plat te reis, is elke jongmens se droom. Talle doen dit deur middel van au pairwerk en skool gee in die buiteland. Tenita Kidelo gesels met Amelia Cyster wat as au pair gewerk het in Nederland, en vind uit hoekom hierdie so 'n gewilde opsie onder jongmense is. Sy gesels ook met Vonny oor skoolgee in China, en die uitdagings wat daarmee gepaard gaan.

Tenita Kidelo hoor hoe ouers hulle kinders tuis kan ondersteun om getalvaardighede te verbeter.

Die einde kwartaal is in sig, en dit beteken die tyd kom al hoe nader na die groot keuse wat graad 9 leerders moet maak. Tenita Kidelo praat met Eurica Beukes oor die belangrikheid van vakkeuse, en hoe om die regte vakke te kies.

Tenita Kidelo gesels met twee jonng redenaar oor hulle prestasies, en loer in by Jerome Coetzee van Bishop Lavis, wat besig is met sy Meestersgraad.

Groepsdruk, en veral die druk van sosiale media, is 'n onderwerp wat baie onder die jeug bespreek word. Tenita Kidelo praat met lewensafrigter Earl Corneluis en Ivana Ceaser oor die druk wat sosiale media op jongmense plaas, en hoe hulle daarvan kan ontsnap.

Tenita Kidelo praat met Deidre Marais, 'n onderwyser by Liebenberg Primêre Skool, en Andre Pekeur, 'n vakadviseur in die Overbergdistrik,oor die vakke, Skeppende Kuns en Sosiale Wetenskappe.

Zaida van der Berg vertel vir Tenita Kidelo hoe om getalbegrip by jong kinders te ontwikkel.

Dit was 'n ongewone jaar vir skolesport. Tenita Kidelo gesels met drie graad-12-leerders oor hulle sporthelde, en wat hulle die meeste van die sportjaar gemis het. Sy loer ook by Teswin Alexander in wat onlangs sy kontrak by die WP Rugby-akademie geteken het.

Tenita Kidelo praat met jongmense oor Suid-Afrika se hoë werkloosheidkoers en die afleggings wat baie maatskappye nou gedwing is om te maak.

Tenita Kidelo praat met Eric Jacobs, 'n kuber-ambasadeur van die Wes-Kaap Onderwysdepartement, oor kubberveiligheid vir leerders.

Tenita Kidelo en Salome Madden doen Wiskunde-hersiening met die fokus op rye en reeks.

Tenita Kidelo gesels met Talitha Kruger, wat onlangs twee goue toekennings verwerf het in die Talent Africa Nationals se afdeling vir fotografie. Sy gesels ook met Jonadrie van Aardt, wat gekies is as die eerste Nuwegesig in die tydskrif, Sarie, se kompetisie.

Tenita Kidelo kyk na verhoudings en dating apps. Lisa van Rooyen, beter bekend as Lisa met die rooi hare, vertel waar haar liefde vir recap-videos oor Boer soek 'n vrou begin het.

Carin van Graan, 'n Wiskunde Gelettertheidonderwyser by die CBC St. Johns Skool in Parklands, doen hersiening van tariefstelsels.

Tenita Kidelo praat met dr. Heinie Brand, Christo Davids en Magdeleen Benn van die CTLI oor professionele opleiding van onderwysers, Kaapse onderrig en die Leierskapinstituut.