Kompas

Atletiekbyeenkomste het hierdie jaar weer plaasgevind by skole, en talle leerders het nuwe rekords opgestel. Tenita Kidelo kuier by drie skole en gesels met leerders oor hulle prestasies in atletiek.

Tenita Kidelo praat met Gerswhin Windvogel en Ricole Faroa oor die belangrikheid van ‘n matrieksertifikaat, en wat matrikulante wat onsuksesvol in die eindeksamen was, nou kan doen.

Tenita Kidelo praat met Marita van de Vyver oor die digbundel, EK SÊ, JY SÊ, ONS SÊ, uitgegee deur Lapa Uitgewers en geskryf deur ‘n groep hoërskoolleerders. Sy gesels ook met van die leerders wie se gedigte in die bundel opgeneem is.

Tenita Kidelo praat met Hildegardt Reinsleigh, die departementshoof van tale by Hoërskool Stellenberg, oor Afrikaans Huistaal vraestel 1.

Tenita Kidelo gesels met Peter Kriel oor die belangrikheid van ‘n strategie, of padkaart, vir jou hoërskoolloopbaan. Tenita praat ook met prof. Jannie Russouw oor ‘n nuwe kursus in filantropie.

Annemarie Myburgh van All about HR praat oor uitdagings in die werkplek en hoe om dit te oorkom. Sy gee praktiese wenke wat jou kanse sal verbeter wanneer jy vir ‘n onderhoud moet gaan, en sy gee raad oor wat jy kan doen as jy ‘n loopbaan wil kies wat jou gelukkig maak.

Ons gesels met ‘n tiener oor haar doelwit om haar privaat vliegtuiglisensie te kry. Die 17-jarige Ebeth Rossouw van Upington deel haar passie vir vlieg eVanaand n vertel hoe dit net iets in haar aangewakker het toe sy haar liefde vir vlieg ontdek het. Sy gesels oor wat haar inspireer, wat haar deur moeilike tye dra en die betekenis van vlieg in haar lewe. Haar ma deel ook wenke oor wat jy kan doen...

Tenita Kidelo hoor by FasFacts van hulle skoolbesoeke. Elisna Kelly begin met ‘n reeks insetsels oor boelie.

Die internet is 'n wonderlike plek, maar kan ook soms 'n wrede plek wees. Tenita Kidelo praat met Eric Jacobs oor kuberboelies, en hoe ons kan help om die internet 'n veiliger plek te maak. 'n TikTokker, Feigh, deel haar ervarings met kuberboelies.

Tenita Kidelo praat met Whaden Johannes oor 'n inpirerende projek wat hy en ‘n groep jong mans aanpak om bewusmaking te skep van geweld teen vroue en kinders.

Tenita Kidelo praat met maatskaplike werker Ricardo Rossouw oor hoe om matrikulante wat nie so goed gevaar het nie, te motiveer sodat hulle nie swig onder druk nie.

Om die huis te verlaat ná matriek is nie altyd maklik nie. Hoe berei jong mense voor vir hierdie groot stap?

Musiek het 'n groot impak op jongmense en hoe hulle die wêreld en liefde sien. Tenita Kidelo gesels met Aidam-John en Lil Willy, 'n sangduo wat hulle eie musiek skryf en vervaardig, oor hoekom dit vir hulle so belangrik is om oor die liefde te skryf en sing.

Tenita Kidelo praat met Cecilia Hoffman, wat passievol is oor die aarde en die bewaring daarvan, oor watter bydrae jongmense kan maak om die aarde ‘n beter plek te maak.

Tenita Kidelo praat verder met Megan Werner, ‘n Suid Afrikaanse tiener wat saam met 19 ander tieners ‘n vliegtuig gebou het wat vanaf die Kaap na Kaïro gevlieg het. Tenita kuier ook by ‘n paar voormalige matrikulante om te gesels oor hulle loopbaankeuses en waarna hulle die meeste uitsien op universiteit.

Tenita Kidelo gesels met die Klas van 2020 oor hoe dit gevoel het toe hulle uiteindelik hulle uitslae ontvang. Wade Rosant vertel van sy ondervinding met die Covid-19-entstof.

Tenita Kidelo gesels met Anna Greene, ‘n jong Suid-Afrikaanse aktrise wat naam maak in Los Angeles.

Tenita Kidelo gesels met die span van Klip in die bos oor hoe hulle help om 'n verskil te maak in hulle gemeenskap.

Tenita Kidelo praat met Daniella van Heerden wat onlangs haar eerste boek gepubliseer het, en boonop in die kop van ‘n tiener moes klim om dit te skryf.

Tenita Kidelo praat met Kathie Viljoen oor Lapa se Klasgids wat vir sowel onderwysers as leerders van hulp kan wees. Tenita kuier ook by Curro Kathu in die Noord-Kaap om uit te vind hoe die leerders se eerste week terug by die skool was.

Tenita Kidelo gesels met Vernat van der Westhuizen oor sy passie vir fotografie, en hoe hy sy hakkelprobleem oorkom het.

Dit is Epilepsie-bewusmakingsweek. Tenita Kidelo praat met Helen-Rose, wie se skielike diagnose met epilepsie haar wêreld op sy kop gedraai het. Elisna Kelly is terug met episode 5 van haar reeks oor boeliegedrag.

Die lae rentekoerse het die eiendomsmark se deur vir talle jongmense wat eiendom wil koop, wawyd oopgestoot.

Tenita Kidelo praat met Wynand van Vuuren oor versekering, en hoekom dit so belangrik is vir jong mense om die regte versekering te kies vir hulle bates.

Tenita Kidelo gesels met Earl Kruger, ‘n jong akteur, oor sy pad na sukses en hoe hy in sy ouers se gunsteling sepie ‘n rol vertolk het.