Kompas

Ons vier Wêreld Wiskundedag. Athina Jansen gesels met mnr. Nicolaas Zaayman, die vakhoof van Wiskunde by Laerskool Kathu, oor hulle Wiskundeweek. ‘n Paar luisteraars en wiskundeliefhebbers vertel ook wat hierdie vak vir hulle beteken.

Chrislynn Sias gesels met twee jongmense met joernalistieke agtergrond, wat hulle nou bevind in die wêreld van openbare skakelwerk. Tarryn Josephs vertel hoe dinge in die televisiewêreld werk, en Tarryn-Leigh Solomons gesels oor haar skuif na die korporatiewe wêreld.

Carmichelle Fransch praat oor Engels Eerste Addisonele Taal en hoe leerders blitsvinnig die struikelblokke van hierdie vak onder die knie kan kry. Jeremy Dietsiso gee handige wenke en hulpbronne vir Lewenswetenskappe.

Athina Jansen gesels met digter Sharunay Karolus wat haar digbundel, Sonneblom Dagdrome, gepubliseer het. Sy praat ook met skrywer Leigh Kordom wat sy kinderboekie, Awures, gepubliseer het. Hulle deel die stappe om dit te doen, en gee raad aan jongmense wat hulle eie werk self wil publiseer.

Anina Lundie praat oor die vak, Skeppende Kunste, en die belangrikheid daarvan in 'n kind se lewe.

Athina Jansen gesels met die toneelgroep van die Hoërskool Martin Oosthuizen in die Noord-Kaap oor hulle woordkunsproduksie, Sonsak. Dean Richard Olivier, bekend vir sy rol Anton in Arendsvlei, gee raad en wenke aan jong akteurs.

Henriette Cook vertel van haar stryd met bipolêre versteuring. Dr. Liesl Cassel gee raad hoe om ‘n geliefde met ‘n geestesversteuring te hanteer. Billy Coetzee, direkteur van SAFREC, ‘n niewinsgewende organisasie, vertel hoe die organisasie hulp verleen.

Chrislynn Sias hoor by Denzel Koenana hoekom hy besluit het om ‘n sjef te word en sy kosherinneringe. Leerders van Portlands Sekondêr in Mitchell’s Plain vertel hoekom hulle in die kosbedryf wil werk.

Athina Jansen praat met twee besigheidseienaars oor entrepreneurskap. Mutaaz Aspeling besit Bodyshop Studio en deel wenke met jongmense. Zene Kaye, die eienaar van ‘n bokmelkskoonheidsproduktebesigheid, deel raad en idees hoe jy ook jou eie onderneming kan begin.

Michele Fortuin, 'n vakadviseur  vir  Natuur- en Lewenswetenskappe, praat oor die belangrikheid van natuurwetenskap in die alledaagse lewe.

Athina Jansen praat met Elisna Kelly, ‘n opvoedkundige spesialis, oor leierskap. Die leiers van Hoërskool Die Wilgers in Pretoria vertel watter uitdagings hulle ervaar.

Tamline Links vertel hoe haar liefde vir fotografie gebore is, en Edrea du Toit praat oor die tegniese aspekte van fotografie.

Prof. Jean Greyling van die Nelson Mandelabaai Universiteit vertel hoe leerders meer betrokke kan raak by programmering.

Leierskap word op alle vlakke van die samelewing vereis, maar wat verg dit van iemand om ‘n leier te wees? En watter soorte leiers is daar? Athina Jansen praat hieroor met psigometris Anri van Jaarsveld. 

Immanuel Europa van die Wes-Kaapse Onderwysdepartement praat oor die rol van ouers in die ondersteuning van graad 8 en 9 leerders.

Athina Jansen gesels met die leiers van Hoërskool Namakwaland op Springbok. Hulle verduidelik hoe die verkiesingsproses werk om op die VRL en gekoöpteerde raad aangewys te word. Hulle vertel ook watter rol ‘n leier moet speel.

Ons gesels met twee jong entrepreneurs. Hulle is studente wat hulle eie besighede begin het tydens hulle studies. Om ’n student te wees is nie kinderspeletjies nie, en om boonop jou eie besigheid te begin, is bewonderenswaardig. Gailynn Potts spog oor haar skoonheidsalon, en Bainca Stallenberg vertel hoe een van haar passies, hare, in ’n besigheid ontaard het.

Ons praat oor voedselveiligheid. En, Johnny Davids, ’n manlike vroedvrou, vertel wat sy beroep behels en hoe hy daarin beland het.

Ons gesels met ’n dokter en ’n doktor... Jaydey Sass het haar doktorsgraad in Afrikaans en Nederlands verwerf, en sy deel haar passie en liefde vir taal. Dokter Gerald Maarman, ‘n biomediese wetenskaplike, vertel wat sy werk behels, en wat jy moet doen as jy dieselfde beroep wil volg.

Patsy Marthinussen van die Wes-Kaapse Onderwysdepartement gee nog wenke vir ouers oor hoe om hulle kinders tuis te help met getalvaardighede deur middel van speletjies.

Patsy Marthinussen van die Wes-Kaapse Onderwysdepartement gee wenke vir ouers oor hoe om hulle kinders tuis te help met getalvaardighede deur middel van speletjies.

Ons gesels met sanger Cheswyn Ruiters, die wenner van Maak My Famous Seisoen 1. En ons hoor by joernalis Bohemia Hoffmeester-Jumatt hoekom sy joernalistiek as beroep gekies het.

Selfaanvaarding en liggaamspositiwiteit loop hand-aan-hand. Hoe kom ’n mens by daardie punt dat jy jouself so onvoorwaardelik aanvaar dat jy gemaklik en gelukkig is in jou liggaam? Hope Haas, ‘n Graad 11-leerder deel haar storie.

Athina Jansen praat met Elisna Kelly, 'n opvoedkundige spesialis, wat ‘n tydsbeplanner vir matrikulante opgestel het. Sy verduidelik hoe jy die beplanner kan gebruik om jou tyd effektief te bestuur.

As jy onseker is oor wat jy na skool wil doen, gee ons vir jou meer inligting oor 'n gap-jaar.