Kompas

Athina Jansen gesels met uitblinkers van Worcester in die Wes-Kaap. Selby Williams, ‘n sendingwerker en musiekkunstenaar, vertel wat hom gemotiveerd hou. Dymkletser Giga en stigter van die NuVader-groep het raad vir opkomende rymkletsers.

Chrislynn Sias gesels met Simone-Briesies Thomas wat besig is om haar doktorsgraad in bemarking in Duitsland te voltooi. Ons gooi ook ‘n draai by ‘n paar studente om te hoor wat Paasfees vir hulle beteken, en hoe hulle dit vier.

Mart-Leen Oosthuizen kyk na werkloosheid en entrepreneurskap. Sy gesels met twee jongmense wat hulle eie besighede begin het. Werkloosheid onder jongmense tussen 15 tot 35 is tans 65,5%! Dit is baie hoër as die algehele koers van 35,5%. Dit is dus uiters belangrik vir jongmense om entrepreneurskap te verstaan en self entrepreneurs word.

Hoe vind jy werk sonder om vir ‘n lang periode werkloos te wees? Arehan Brand kry die antwoord by Johann van Niekerk, bestuurder by ‘n finansiële konsultasie maatskappy, wanneer hulle oor vaardigheidsontwikkeling gesels. Arehan vind ook uit hoe die niewinsgewende organisasie, Harambee Youth Employment Accelarator, jong Suid-Afrikaners help om werk te vind.

Karen Woodward en Nunia Josephs van die Wes-Kaap Onderwysdepartement gee raad vir ouers van kinders in grade 4 tot 7  oor hoe om  hulle kinders se geletterdheid te verbeter.

Athina Jansen gesels met die deelnemers aan die Karoo Kaarte KKNK-projek wat in Oudtshoorn woon, oor die projek wat deur drama, musiek en visuele kuns uitgebeeld word.

Chrislynn Sias gesels met digter en kunstenaar Gracia Nicholls, wat ook een van haar gedigte voordra. Die vermaaklikheidsverslaggewer, Kelly-Lee Ohlson, vertel wat haar werk behels, en wat sy in haar vrye tyd doen.

Mart-Leen Oosthuizen gesels met ‘n matriekleerder wat disleksie het, en met opvoedkundige sielkundige Christelle du Plessis. Disleksie is ‘n leergestremdheid wat een uit elke tien persone wêreldwyd raak.

Arehan Brand gesels met Clirissa Olivier, ‘n werwingsagent, en kry waardevolle en praktiese wenke vir suksesvolle werksaansoeke. Hy vind ook uit hoe om te netwerk. Dit kan 'n waardevolle hulpmiddel wees om jou voet in die deur te kry. ‘n Paar jongmense vertel van hulle werksonderhoud-blapse.

Elzette Brown van die Wes-Kaap Onderwysdepartement praat oor vervlegte leer, en hoe hierdie manier van leer baie leerders kan help.

Meneer MJ Scholts praat oor leierskap, en hoekom dit 'n waardevolle ervaring kan wees om te probeer om 'n leier te word. Ons kyk ook na depressie en angs, en wie jy kan kontak as dinge te veel word.

Chrislynn Sias gesels met Warren Theunis, beter bekend as Mr Barber South Africa, oor die gemeenskapswerk wat hy doen. Lluwellyn Afrika neem ons op ‘n reis van ritme en danspassies. En omdat dit die eerste Vrydag in April is, is daar ‘n bederf - Gracia Nicholls lees een van haar gedigte voor.

Chrislynn Sias praat met Jonathan Arries oor die vak, geskiedenis. Juffrou Alicia Baartman vertel hoe sy haar vakke, tegnologie en natuurwetenskappe, prakties maak sodat leerders dit kan verstaan. Dis skoolvakansie, en ons het by ’n paar leerders gaan inloer om te hoor waarmee hulle hulself besig hou en wat hulle gunsteling vak is.

Stap die pad saam met dr. Randal Ortell wat spesialiseer in huisartskunde en primêre versorging. Hy vertel wat hy daaglikse doen en watter vakke leerders moet kies as hulle in sy voetspore wil volg. Allistino Williams, ‘n meganiese passer, vertel wat sy beroep behels.

Albertha van der Merwe van die Wes-Kaap Onderwysdepartement gee wenke vir ouers van kinders in grade 1 tot 3 oor die verskillende teksssorte en vraagstellings om kinders se begripsvaardighede te versterk.

Wickus Zerwick, 'n drama-onderwyser,  vertel hoe jy beter kan voorberei vir mondelinge eksamens, en watter oefeninge om te doen om jou stem op te warm.

Ons hoor wat ‘n sosiale media-beïnvloeder doen. Chrislynn Sias gesels met Peadon Smith, ’n influencer en stigter van die aanlynprogram, Spill the T with P. Kelly Manus, beter bekend as Daai Kind, vertel wat haar blad behels en wat sy hoop haar volgelinge daaruit sal put.

Tina Viktor praat oor die vak, Lewensoriëntering, en die belangrikheid daarvan. Tonya Martin gesels oor haar vak, Besigheidstudies, en gee raad oor hoe jy die inhoud van hierdie vak kan toepas op jou alledaagse lewe.

Jan-Hendrik Opperman gesels oor die filmit-fees en verduidelik hoe jy kan deelneem. 'n Pryswenner van verlede jaar deel ook ervaring en gee raad vir vanjaar se deelnemers.

Dr. Marietha Terblanche van die Wes-Kaap Onderwysdepartement verduidelik hoe jy in Graad 4 tot 7 Sosiale Wetenskap moet benader.

Athina Jansen praat met die Stigting vir Bemagtiging deur Afrikaans oor hulle kinderboek, DIE KOKERBOOM, ‘N KERSTORIE, wat in ‘n animasierolprent omskep is.

Chrislynn Sias gesels met komediant Tracey-lee Oliver, wat vertel hoe jy lag-lag jou geld as komediant kan verdien. Jaydy Warnick neem ons deur haar geboortedorp, die Morawiese sendingsdorpie Goedverwacht.

Chrislynn Sias praat met Jaftha Makwena oor Afrikaans Eerste Addisionele Taal. Amy-Caie April verduidelik hoekom een plus een twee is, en gesels lekker oor haar vak, Wiskunde! Chrislynn vertel van die Jakes Gerwel Stigting se skrywersresidensie, en hoe jy daarvoor kan inskryf.

Odette Du Preez wat betrokke is in bemarking, vertel wat 'n loopbaan in bemarking behels, en die voordele daarvan om ekstra werk te doen terwyl jy jonk is.

Wat is die belangrikheid van Lewensoriëntering vir leerders?