Kompas

Arehan Brand gesels met Pieter Kirsten, vakadviseur vir Natuurwetenskap en Tegnologie by die Wes-Kaapse Onderwysdepartement, oor klaskamerbestuur. Hy verduidelik hoe om die onderwysproses in die klaskamer meer kreatief en aangenaam te maak vir leerders.

Arehan Brand gesels met Natasha Swart van Kathu in die Noord-Kaap oor haar studies in veeartsenykunde en diereversorging. Sanet Badenhorst gesels ook oor haar passie vir digkuns, skryf en kitaarspeel, en haar besluit om op 27 haar Wiskunde te verbeter.

Juandre Visser, ‘n graad 11-leerder,  presteer op alle vlakke – kultuur, sport en akademie. Hy is ook onderhoofseun vir 2023. Juandre gee wenke aan leerders om hulleself te motiveer vir die pylvak van die jaar. Hy gesels ook oor tydsbestuur, en hoe dit jou kan help om gemotiveerd te bly.

KRAGKAMP - Episode 4: Arehan Brand en Mar-li van der Merwe gee die tweede uitdaging aan die deelnemers – mode en stilering. Voormalige Mej. SA-finalis en Boer Soek ‘n Vrou-aanbieder, Marciel Hopkins, gee raad en terugvoer aan die deelnemers oor die uitdaging.

Mar-li van der Merwe gesels met Glen Samaai, adjunkhoof-onderwyskundige vir Geografie in die Wes-Kaap en skrywer van Graad 10-12 handboeke, om leerders goed toe te rus met die nodige inligting en vaardighede ter voorbereiding van die eksamen. Hortoloog en grondkundige Enzo Jansen vertel wat sy beroep behels.

Arehan Brand gesels met Ismail Taladia van die Wes-Kaapse Onderwysdepartement, wat werksaam met die vakke, Lewensoriëntering en Lewensvaardighede. Hy deel wenke oor die praktyk van selfgereguleerde en gemengde leer, en hoe leerders dit tot hulle voordeel kan benut vir eksamenvoorbereiding.

Candice Baron deel haar gesondheidsreis met servikale kanker, en Glenda Tutt vertel van die gebruik van menstruaiebekers.

Top Dogs is ‘n landswye nie-winsgewende organisasie wat honde oplei om terapiehonde te wees. Hulle gebruik die honde in hospitale, ouetehuise en kinderhuise, en selfs universiteite om die studente se stresvlakke te verlaag.

KRAGKAMP - Episode 3: Arehan Brand en Mar-li van der Merwe gee die eerste uitdaging aan die deelnemers. Die bekende Suidooster-akteur en sosiale media boffin, Dean John Smith, gee raad oor selfbemarking, en assesseer ook elke deelnemer se vordering. Wie sal die mas opkom, en wie gaan faal?

Mar-li van der Merwe gesels met Keenan Moses, vakadviseur vir Rekeningkunde in die Wes-Kaap, oor wat Matrieks kan verwag in die eksamen. Lohandi Whitmore, ‘n geoktrooieerde rekenmeester, vertel wat haar beroep behels.

Arehan Brand gesels met drie leerders aan die Hoërskool Durbanville wat onlangs vir die eerste keer die Suidstreek Afriforum se Dink of Sink-debatskompetisie gewen het. Anne-ne Venter, Megan Lourens en Jacobus Smuts vertel van hierdie prestasie, en die landsfinaal wat voorlê in Oktober.

September is bewusmakingsmaak oor polisistiese ovariale sindroom. Marlise September, ‘n neonatale verpleegster, vertel van die siekte en deel haar eie reis met endometriose. Ivor Swartz, ‘n motiveringsspreker en televisieaanbieder, praat oor geestesgesondheid, veral depressie onder mans.

TikTok is die gewildste sosiale mediaplatvorm onder jongmense. Mart-Leen Oosthuizen gesels met Jezelle Catherine, ‘n Suid-Afrikaanse TikTok-ster wat 7,5 miljoen volgers het. Hoe is die lewe van ‘n TikTok-ster?

Episode 2 van RSG se tiener-realiteitsreeks, KRAGKAMP. Arehan Brand & Mar-li van der Merwe stel jou aan die volgende groep deelnemers bekend wat hul vaardighede en kragte wil slyp. Is die volgende tienerheld in hierdie groep? Hulle is Lisa Maree (14) van die Hoërskool Outeniqua, Solakha Noyi (15) aan die Hoërskool Wittedrift in Plettenbergbaai, Jody Lackay (15) aan die Hoërskool Wellington, en Lua...

Athina Jansen gesels met Wendy Solomons, Toerisme-vakadviseur in die Wes-Kaap, oor wat Matrieks kan verwag in die eindeksamen.

Mar-li van der Merwe gesels met Mathilda Botha, die senior-kurrikulumbeplanner vir Kodering en Robotika in die grondslagfase in die Wes-Kaap, oor hoe om rekenaargeletterdheid by jong leerders te ontwikkel.

Is jou liggaam gereed vir die somer? Die warm seisoen is vinnig besig om ons te bekruip, en nou is die perfekte tyd om jou kop, liggaam en kas skoon te kry! Hoeveel oefening is genoeg, en hoe neem ‘n mens volhoubare gesonde eetgewoontes aan?

Roman is ‘n jong onderwyser wat vyf jaar lank in China skoolgehou het om studielenings af te betaal. WHy vertel van sy avonture daar.

RSG se nuwe tienerrealiteitsreeks, KRAGKAMP, skop af! Ontmoet die eerste vier deelnemers wat aan hierdie baanbrekerreeks gaan deelneem: Claudia Stipp (17) van Hoërskool Jan van Riebeeck, Carla van Schalwyk (15) van Hoërskool Stellenbosch, Jaco Venter (15) van Hoërskool Durbanville, en Melri Nel (17) van Pionier Skool vir Blindes.

Mar-li van der Merwe praat met Patrick Julius, senior onderwyskundige en hoofnasiener vir Ingenieursgrafika en ontwerp in die Wes-Kaap, oor hierdie vak. Hy gee wenke om leerders te help met die voorbereiding vir die eksamen. Argitek Christiaan van der Spuy vertel wat sy beroep behels.

Athina Jansen gesels met hokkie-uitblinkers van Bloemfontein en musiekkunstenaar Jodi Jantjies. ‘n Jong akteur van Johannesburg, Liam Bosman, gee raad en wenke aan jong opkomende akteurs.

Digkuns is om te skilder met woorde. Almal het al probeer gedigte skryf, hetsy dit die oulike gediggie is wat jy vir jou laerskoolonnie moes skryf, of toe jy ouer word en diep geheime in gedigte verklap het. Twee digters, Quinton Stuurman en Suné Damons, vertel van hulle eerste liefde,  woorde, en wat hulle skryfproses behels.

(N)YDO is ‘n gemeenskapsorganisasie in Eersterust, Pretoria. Hulle fokus op die jeug, en werk nou saam met die Departement van Korrektiewe Dienste om jong misdadigers deur ‘n program te rehabiliteer en gereed te maak om terug te keer na hulle families en gemeenskappe. Die benadering is holisties, waar ouers en skole in die omgewing betrek word om die probleem van jeugmisdaad te bekamp. Terrance Ap...

Arehan Brand gesels met Christian Harmse, jeugmentor, gemeenskapswerker en motiveringspreker, oor tweede geleenthede vir jong misdadigers wat vervolg is en in jeugaanhoudingsentrums aangehou word. Hulle bespreek die faktore wat aanleiding daartoe gee dat jongmense die wet oortree, en dat dit nooit te laat is om jou lewe om te keer nie.

Mar-li van der Merwe gesels met Johan Moolman, 'n Landboutegnologie-onderwyser by Hoër Landbouskool Boland. Hy bespreek ‘n paar belangrike aspekte wat leerders sal help met hulle voorbereiding vir assesserings en die eindeksamen. Willie Nutt vertel ook wat dit behels om te boer.