Kompas

Mar-li van der Merwe gesels met Luzaan Pieters, 'n onderwyser en Rekenaar-toepassingstegnologie-vakadviseur in die Overbergdistrik. Sy gee ‘n paar wenke vir matriekleerders om hulle te help met die voorbereiding vir die graad 12 praktiese en teoretiese eksamens.

Chloè van Rooyen vind meer uit van Proscenium, 'n nuwe dramakompetisie vir skoliere. 'n Netbaluitblinker vertel van haar hoogte- en laagtepunte.

Hoe kan jy jouself beter bemark aan potensiële werkgewers? Chrislynn Sias gesels met Gerswin Cupido oor hoe belangrik 'n persoonlike handelsmerk is. Charnelle Davids vertel hoe jy jou sosiale media tot jou voordeel kan benut.

Daar is 'n groot aanvraag in Suid-Afrika aan elektrisiëns en ander ambagslui. Mart-Leen Oosthuizen hoor by 'n elektrisiën wat sy beroep behels, en hoe jy as een kan kwalifiseer.

Wie gaan die wenner van die Maak my ‘n Miljoenêr Entrepreneur van die Jaar kompetisie wees? Arehan Brand gesels met die tweede helfte van die Top 20 finaliste, en vind uit of hulle het wat dit verg om 'n entrepreneur te wees.

'n Paar leerders gesels oor strategieë om spanning te hanteer, en wat vir hulle beste studiemetodes is. Dieetkundige Aleché Barnard deel haar gunsteling breinkosse wat leerders se breinkrag tydens die eksamen ‘n hupstoot kan gee.

Chloè van Rooyen vind meer uit oor loopbane die maritieme bedryf. Ons hoor watter geleenthede daar vir jou op die see is, watter vaardighede jy nodig het, en wat die vereistes is waaraan jy moet voldoen.

Enrico Hartzenberg vertel hoekom hy besluit het om sy eie maatskappy te begin. Francois van Louw vertel van die aanlyn-leerprogram, Topic.

Daar is groot aanvraag vir sweisers en ander ambagte in Suid-Afrika. Mart-Leen Oosthuizen hoor by Wynand Knoetze hoe hy as sweiser gekwalifiseer het, en wat sy werk alles behels.

Arehan Brand gesels met tien van die 20 finaliste die Maak my ‘n Miljoenêr Entrepreneur van die Jaar-kompetisie, en vind uit of hulle het wat dit neem om ‘n suksesvolle entrepreneur te wees.

Watter impak het eksamenstres op leerders se emosionele welstand? Opvoedkundige sielkundige Albert Keet vertel hoe leerders kan voorkom dat abnormale stresvlakke die oorhand te kry.

Chloè van Rooyen hoor by 'n spraakterapeut hoekom dié beroep so spesiaal is, en wat jy kan verwag as jy dalk een wil word. Jannie Putter het 'n woord van bemoediging vir jongmense en hulle ouers wat dalk moedeloos voel.

Wat gebeur met renosterbabas wanneer hulle ouers gestroop word? Waar kry hulle melk? Hoor hoe jy betrokke kan raak by inisiatiewe om melk aan hierdie wesies te verskaf. Selby Williams gesels oor sy loopbaan as liedjieskrywer en kunstenaar.

Karlien Olivier is 'n jong entrepreneur. Sy is 16 jaar oud en besit haar eie besigheid. Sy gesels oor hekel, hoe sy haar besigheid begin het,  en die balansering van skoolwerk, haar besigheid en haar persoonlike lewe.

Heruitsending: Arehan Brand gesels met Christian Harmse, 'n jeugmentor, gemeenskapswerker en motiveringspreker oor tweede geleenthede vir jong misdadigers wat vervolg is en in jeugaanhoudingsentrums aangehou word. Hulle bespreek die faktore wat aanleiding daartoe gee dat jongmense die wet oortree, en dat dit nooit te laat is om jou lewe om te keer nie.

Opvoedkundige spesialis Elisna Kelly gesels oor hoe eksamenvoorbereiding en -skryf ‘n goeie instrument is om leerders voor te berei vir volwasse lewe.

Chloè van Rooyen gesels met rymkletser Early B oor sy betrokkenheid by n projek wat fokus op die bewusmaking van Alzheimers en demensie in skole. Ons leer ook meer oor dié siekte, en waar jy bystand kan kry. 

Ons almal weet hoe gewild nikotien, alkohol en energiedrankies onder die jongklomp is, maar is jy bewus van die newe-effekte wat hierdie middels kan hê? Ons hoor ook wat kenners oor verslawende middels te sê het.

Mart-Leen Oosthuizen gesels met 'n jong entrepreneur, Laurette Oberholzer. Sy is 15 jaar oud, en besit 'n seepmaakbesigheid. Sy gesels oor seepmaak, hoe sy haar besigheid begin het en, oor die balansering van skoolwerk, haar besigheid en haar persoonlike lewe.

Luize Kroukamp, die Fisiese Wetenskappe Departementshoof by die Paul Roos Gimnasium in Stellenbosch, praat oor Fisika Vraestel 2, die Chemievraestel, se inhoud en slaggate.

Arehan Brand gesels met Luize Kroukamp, die Fisiese Wetenskappe Departementshoof by Paul Roos Gimnasium in Stellenbosch, oor Fisika Vraestel 1 se inhoud en slaggate.

Ons leer meer van agritektuur, en wat jy kan verwag sou jy argitektuur gaan studeer. 'n Karate-uitblinker vertel van sy ervaring by die Wêreldkampioenskap waar hy 'n goue medalje gewen het.

Is jy bekommerd oor hoe jou dae op universiteit gaan lyk? Amoné Schoombie kyk na studentelewe op kampus. Sy hoor by studente hoe hulle hulle dae as ‘n universiteitstudente spandeer, en hoe hulle hulle finansies bestuur.

Mart-Leen Oosthuizen gesels met leerders van Hoërskool Ermelo oor die musiekblyspel, The Greatest Showman, wat hulle opgevoer het.

Lorraine Kuun, die Lewenswetenskappe Departementshoof by Hugenote Hoërskool in Wellington, praat oor die inhoud van Vraestel 2 en die verskillende probleemareas.