Kompas

Mar-li van der Merwe praat met Tinus Beukes van die Twee Oseane Akwarium in Kaapstad oor marinebewaring, en hoe ons ons deel kan doen om by te dra tot hierdie belangrike saak.

Soek jy raad vir beter studiemetodes of net 'n paar wenke oor hoe om op datum te bly met jou skoolwerk gedurende die kwartaal? Chloè van Rooyen gesels met graad 10, 11 en 12 leerders wat jou dalk kan help.

Watter rol het onderwysers in jou lewe gespeel? Almal het daardie een onderwyser wat ‘n lewenslange impak gemaak het. Chrislynn Sias praat met 'n paar onderwysers om te hoor hoekom hulle doen wat hulle doen.

Daar is ‘n groot tekort aan ambagte in Suid-Afrika, en die opening van die nuwe opleidingsentrum is ‘n stap in die regte rigting. Mart-Leen Oosthuizen vind uit wat dit behels om ‘n ambag as 'n loopbaan te volg.

Dr Linda-Louise Geldenhuys Nicholas, ‘n loopbaanspesialis by Boston City Campus, praat oor loopbane en werksgeleenthede in ontwikkelende bedrywe, en hoe jong mense hulleself kan voorberei daarvoor. Akteur Jacques Blignaut gesels oor die kortfilm, Everything a Boy Could Want, wat handel oor die impak van afwesige pa’s op kinders.

Kan leerders en studente staatmaak op die kunsmatige intelligensie kletsbot, Chat GPT, om hulle met huiswerk en assesserings te help? Jan Vermeulen, die redakteur by MyBroadband, en professor Vasti Roodt, hoof van die Eenheid vir Sosiale & Politieke Etiek by die Sentrum vir Toegepaste Etiek aan die Universiteit Stellenbosch, het die antwoord.

Twee jaar gelede het Pedro Basson se lewe verander toe hy hoor dat hy 'n nuwe hart moet kry. Alhoewel dit 'n moeilike tyd vir die jong man was, het hy aanhou veg en 'n nuwe doelwit voor oë gehad. Hy het gaan deelneem aan die Wêreld Oorplantingspele in Perth, Australië.

Chrislynn Sias gesels met Melanie Zeeman, ‘n dieetkundige, oor gesonde en volhoubare eetgewoontes. Suretha Kannenberg, ‘n dermatoloog, deel wenke oor velsorg.

Boeliegedrag is ‘n groot probleem in skole, spesifiek laerskole. Bianca van Heerden vertel hoe jy boelies kan hanteer, en met wie jy daaroor moet gaan praat. Ons gesels ook oor die ATKV se kortfilm, boelie issie coel nie.

Byna twee uit elke drie jeugdiges sit sonder werk. Arehan Brand gesels met dr. Linda-Louise Geldenhuys Nicholas, ‘n loopbaanspesialis by Boston City Campus, oor hoe om jou kanse met werksoek te verbeter en jouself relevant te hou.

Jy mag haar dalk ken as die aanbieder van Boer Soek ‘n Vrou, maar daar is so baie dinge wat jy nie van Marciel Hopkins geweet het nie. Hoekom is selfliefde, liggaamsaanvaarding en persoonlike groei vir haar so belangrik? Marciel gesels oor haar avonture in die vermaaklikheidsbedryf en hoe haar transformerende gewigsverliesreis daartoe gelei het dat sy ‘n motiveringspreker geword het.

Rochelle Niemand het op 'n vroëe ouderdom haar liefde vir die viswater ontdek. Sy deel haar mooiste herinneringe met ons. Sy het ook vroëer vanjaar aan die SA's deelgeneem. Luke van der Merwe het by die Afrikaspele deelgeneem, en nie net 'n goue medalje gekry nie, maar ook die Afrikarekord verbeter!

Om die voordele te benut wat sosialemediaplatforms aan jou bied, moet jy ag slaan op 'n paar belangrike faktore. Justin Donald Esau, ‘n entrepreneur, vertel hoe jy jouself  met sosiale media kan bemark. Nicole Jarvis, ‘n menslike hulpbronpraktisyn, vertel wat om eerder nie op sosiale media te plaas nie.

Melony Eksteen werk by die Roodepoortteater. Sy gesels meer oor haar beroep in die teater en vertel van die opleiding wat by die teater aangebied word. 

Opedae by universiteite en loopbaanuitstallings is in die kollig, en wenke word ook met leerders gedeel oor  blokdae tydens eksamens.

Digter, aktrise, model, kunstenaar, sosiale media sensasie, Christi Steyn, het haar oorweldigende gevoelens tydens die pandemie, in New York neergepen, en die harte van ‘n miljoen mense regoor die wêreld gesteel. Mar-li van der Merwe gesels met Christi oor haar digbundel, What the Moon Gave Her, wat onlangs internasionaal vrygestel is.

Chloè van Rooyen gesels met die span van WAT DIE WATER WEET, 'n produksie wat geskep is vir ATKV- Tienertoneel. Met hierdie produksie skyn die leerders lig op kwessies wat die jeug vandag teister. Layla Fouché vertel ook hoe geskok sy was toe sy uiteindelik voor 'n muurskildery staan wat sy ontwerp het.

“Woorde het die vermoë om aan die stemlose ‘n stem te gee, en aan drome vlerke!” Chrislynn Sias gesels met professor Vivienne Lawak oor Stemme van Clarkson, wat onlangs omskep is in ‘n kortfilm. En, Jayson Goliath vertel van  sy toneelstuk, Probleemkind.

Nina Brink en Henri Pretorius gesels oor jeugbediening. Hulle vertel meer van hulle beroep as jeugleiers, en hoe hulle musiek gebruik om die jeug opgewonde te maak oor die kerk.

Wat is die probleme wat leerders ervaar? Waarom sukkel hulle om vir hulp te vra?

Die handhawing van goeie ooggesondheid is noodsaaklik om visieverlies te voorkom en sig te bewaar. Oogkundige Eone Biggs gesels oor ooggesondheid. Sy vertel wat haar beroep alles behels, en wat jy kan verwag as jy vir 'n oogtoets gaan.

Kenners sê dansvaardighede is baie voordelig vir jongmense se algehele gesondheid. Dit dra by tot ‘n beter sosiale lewe, fisiese gesondheid en leer hulle ook lewensvaardighede. Vyf leerders van Hoërskool Strand is besig om hulle danstalent baie goed te benut. Die groep het deelgeneem aan verskeie kompetisies, en is genooi om hulle talent in Portugal en Ierland te gaan wys. Ons hoor ook van ’n jong...

Van Delft tot Duitsland! Chislynn Sias gesels met 'n groep leerders van Delft en hulle fasiliteerder, Janine Fortuin, oor klimaatsverandering en wat hulle in Duitsland gaan doen. ‘n Paar bekendes kom loer ook in.

Die sportdrankie, Prime, het die wêreld in rep en roer, en dis geen geheim dat dit besonder gewild is onder die jongklomp nie. Mart-Leen Oosthuizen het ondersoek gaan instel oor die redes vir die histerie.

Arehan Brand gesels met Keagan van Blerk, ‘n jong sjef en kok oor haar werk aanboord ‘n seiljag, die uitdagings wat dit bring, asook die lekker dele van haar werk.