Kompas

Wendy Solomons, die Toerisme-Vakadviseur in die Kaapse Metropool, rus leerders toe met die nodige kennis en vaardighede ter voorbereiding van die eindeksamen.

'n Fotograaf vertel ons hoe sy haar kennis van fotografie met haar gemeenskap deel. Suid-Afrika se wêreldkampioen-trompoppies vertel van hulle ervaring in Kroasië. En, n matrikulant wat na sy matriekafskeid geloop het, vertel hoekom hy besluit het om dit te doen.

Bors- en servikskanker is as ’n nasionale prioriteit geïdentifiseer. Anel Bezuidenhout deel haar reis met borskanker, en Chenal Kock vertel hoe kanker nie net die gediagnoseerde affekteer nie, maar ook hulle families.

Alana Olivier is 'n jong entrepreneur. Sy besit haar eie bakbesigjeid. Sy gesels oor hekel, hoe sy haar besigheid begin het, en hoe sy balans vind tussen haar werk en persoonlike lewe.

Trevor Forbes, ‘n Besigheidstudies-onderwyser by die Zandvliet Sekondêre Skool in Macassar, praat oor die inhoud van Besigheidstudies se eindeksamenvraestel 2.

Suzette Van Niekerk, die Vakadviseur: Afrikaans vir Graad 10 tot 12 by die Wes-Kaapse Onderwysdepartement deel wenke ter voorbereiding en aflegging van die Afrikaans Huistaal-eindeksamen.

Die Studenteplein-debatspan van Stellenbosch Universiteit vertel hoekom debat, veral Afrikaanse debat, op universiteitsvlak bevorder moet word. Hulle vertel ook hoe hulle gevaar het in die Dink of Sink onvoorbereide debatkompetisies.

Die dood is vir baie ‘n taboe-onderwerp, maar hoe gemaak as jy skielik ouerloos is? Chrislynn Sias gesels met Joshwin Sampson en Karien Maasdorp oor hoe hulle deur hulle verlies moes werk.

Mart-Leen Oosthuizen gesels met ‘n haarkapper oor haar beroep as lektor by ‘n haarkapperskool. Sy verduidelik die verskil tussen mans en vroue se hare, en wat jy moet doen as jy 'n haarkapper wil word.

Jacques Louw, ‘n Inligtingstegnologie vakspesialis by die Wes-Kaapse Departement van Onderwys, praat oor die vak se twee eindeksamenvraestelle.

Wat kan Graad 12's in Besigheidstudies se eerste vraestel verwag? Mar-li van der Merwe gesels met Rhozane Dreyer-Albanie, die vakadviseur vir Besigheidstudies in die Kaapse Wynland Onderwysdistrik. Sy gee wenke en bied ondersteuning aan leerders ter voorbereiding van Vraestel 1.

'n Boogskutter van formaat deel haar sportprestasies met ons. Chloè van Rooyen is in die Witzenberg-streek waar Miss Bloom 2023 vertel van haar ervaring met hierdie projek, en wat sy alles tydens haar tydperk as Miss Bloom wil doen.

Is die gras groener aan die anderkant van die wêreld? Chrislynn Sias gesels met Bradley Syster en Ra-ees Moerat, twee jongmense wat oorsee getrek het op soek na beter werksgeleenthede.

Ronelle le Roux vertel wat haar beroep as ‘n tuisversorger alles behels.

Arehan Brand gesels met Anrich Fortuin, die Geskiedenis-vakadviseur van die Weskus Onderwysdistrik oor die twee eindeksamenvraestelle.

Mar-li van der Merwe gesels met Luzaan Pieters, 'n onderwyser en Rekenaar-toepassingstegnologie-vakadviseur in die Overbergdistrik. Sy gee ‘n paar wenke vir matriekleerders om hulle te help met die voorbereiding vir die graad 12 praktiese en teoretiese eksamens.

Chloè van Rooyen vind meer uit van Proscenium, 'n nuwe dramakompetisie vir skoliere. 'n Netbaluitblinker vertel van haar hoogte- en laagtepunte.

Hoe kan jy jouself beter bemark aan potensiële werkgewers? Chrislynn Sias gesels met Gerswin Cupido oor hoe belangrik 'n persoonlike handelsmerk is. Charnelle Davids vertel hoe jy jou sosiale media tot jou voordeel kan benut.

Daar is 'n groot aanvraag in Suid-Afrika aan elektrisiëns en ander ambagslui. Mart-Leen Oosthuizen hoor by 'n elektrisiën wat sy beroep behels, en hoe jy as een kan kwalifiseer.

Wie gaan die wenner van die Maak my ‘n Miljoenêr Entrepreneur van die Jaar kompetisie wees? Arehan Brand gesels met die tweede helfte van die Top 20 finaliste, en vind uit of hulle het wat dit verg om 'n entrepreneur te wees.

'n Paar leerders gesels oor strategieë om spanning te hanteer, en wat vir hulle beste studiemetodes is. Dieetkundige Aleché Barnard deel haar gunsteling breinkosse wat leerders se breinkrag tydens die eksamen ‘n hupstoot kan gee.

Chloè van Rooyen vind meer uit oor loopbane die maritieme bedryf. Ons hoor watter geleenthede daar vir jou op die see is, watter vaardighede jy nodig het, en wat die vereistes is waaraan jy moet voldoen.

Enrico Hartzenberg vertel hoekom hy besluit het om sy eie maatskappy te begin. Francois van Louw vertel van die aanlyn-leerprogram, Topic.

Daar is groot aanvraag vir sweisers en ander ambagte in Suid-Afrika. Mart-Leen Oosthuizen hoor by Wynand Knoetze hoe hy as sweiser gekwalifiseer het, en wat sy werk alles behels.

Arehan Brand gesels met tien van die 20 finaliste die Maak my ‘n Miljoenêr Entrepreneur van die Jaar-kompetisie, en vind uit of hulle het wat dit neem om ‘n suksesvolle entrepreneur te wees.