Kompas

Arehan Brand gesels met Elisna Kelly, ‘n Opvoedkundige Spesialis en vind uit wat die alternatiewe roetes is om ‘n kwalifikasie gelykstaande aan dié van ‘n matriek-sertifikaat te behaal.

Die geselskap van Wegwêreld wat die ATKV- Tienertoneel kompetisie gewen het kom kuier by Chloè van Rooyen en gesels oor die kompetisie.

Hoe bou ons beter gemeenskappe? Ons raak self betrokke! So glo twee jongmense, Edwina Hamilton en Marsheleen Williams, wat Vrydagaand meer kom deel oor hul onderskeie projekte in hul gemeenskappe.

Jandre Lubble gesels oor die positiewe invloed wat klassieke musiek op die leer vermoë, opvoeding en emosionele ontwikkeling van leerders het, as die musiek ingekorporeer word in hulle opvoeding. Hy gesels ook oor hoe die musiek op ander vlakke en vakke gebruik kan word, soos in wetenskapsvakke.

Johan Moolman, ‘n Landbou Tegnologie Departementshoof by die Hoër Landbouskool Boland, net buite die Paarl kuier saam met Arehan Brand en gesels oor die inhoud van die Landbou Tegnologie Eind-Eksamen Vraestel, asook slaggate, en deel ook wenke, raad en advies.

Janine Opperman en Dean John Smith gesels oor die splinternuwe Proscenium Drama kompetisie vir skoliere. Janine praat oor wat die kompetisie als behels en Dean vertel wat dit vir hom beteken het om ‘n soortgelyke kompetisie op skool te wen.

Caitlin Rooskrantz was in 2020 die eerste gimnas van kleur, wat Suid-Afrika verteenwoordig het by die Olimpiese Spele. Sy het vanjaar weer gekwalifiseer vir volgende jaar se Olimpiese Spele. Caitlin vertel wat dit vir haar beteken het om hierdie besonderse prestasie te behaal, en wat sy dink van iemand 'n uitstekende atleet maak.

Wat gaan anders wees met aanstaande jaar se nasionale verkiesing? Henrico Frederikse en Lezandre Louw van die Onafhanklike Verkiesingskommisie praat oor die veranderinge en die wysingswet.

Mart-Leen Oosthuizen gesels met die elfjarige Zhara du Toit oor haar kankerbehandeling, en die lammetjieprojek wat sy tydens haar tyd in die hospitaal begin het.

Wilna Coetzer, ‘n Vakhoof vir Ontwerp by Hoërskool Stellenberg in die Kaap, praat oor die inhoud van die eindeksamen.

Maritza Theron, vakadviseur vir Verbruikerstudies in die Overberg-distrik, deel wenke met matrikulante om hulle te help met die voorbereiding van die eindeksamen.

'n Jong man van 'n klein dorpie het sy wildste drome oortref, en gaan Suid-Afrika verteenwoordig by die 2024 Olimpiese Spele in Frankryk. Hy vertel vir Chloè van Rooyen hoe hy sy talente ontdek.

Weet jy waar om te registreer as kieser? Willem Arnoldus en Lezandre Louw van die Onafhanklike Verkiesingskommissie stuur jou in die regte rigting.

Uitbranding is 'n toestand van emosionele, fisiese en geestelike uitputting, wat veroorsaak word deur oormatige en langdurige stres. Dit vind plaas wanneer jy oorweldig voel, emosioneel uitgeput voel en nie aan konstante eise kan voldoen nie. Riaan Steenkamp vertel hoe om dit te voorkom.

Johan Moolman, ‘n Landbouwetenskap-onderwyser en Landboutegnologie-departementshoof by die Hoër Landbouskool Boland, praat oor die inhoud van die twee eindeksamen-vraestelle.

Bianka Prinsloo, hoof van die Departement Engels by Hoërskool Noordheuwel in Krugersdorp, deel wenke met die matriekleerders om hulle te help met voorbereiding vir die finale Engels Eerste Addisionele Taal se vraestelle.

Die 16-jarige Janien Muller is ‘n kunstenaar van formaat, en het al vele kompetisies gewen. Sy ontwerp in haar vrye tyd gelukbringers vir haar skool, doen illustrasies vir kinderboeke, en teken strokiesprente vir haar plaaslike koerant. Janien vertel wat alles in 'n illustreerder se kop aangaan.

Chrislynn Sias vind by Henrico Frederikse en Lezandre Louw van die Oanafhanklike Verkiesingskommissie meer uit van kiesersregistrasie.

Hoërskool Florida in Johannesburg het as deel van hulle LO-kurrikulum ‘n gemeenskapdiensprojek waaraan die leerders moet deelneem. Hulle moet 150 uur se gemeenskapdiens daar doen. Hulle werk ook met ‘n niewinsgewende maatskappy wat skoolskoene maak uit herwinbare plastiek.

Glenn Samaai, 'n adjunk vakspesialis by die Wes-Kaapse Onderwysdepartement, praat oor die inhoud van Geografie se tweede eindeksamenvraestel.

Helouise Pretorius van Langenhoven Gimnasium bepreek ‘n paar belangrike aspekte wat matriekleerders sal help met die voorbereiding vir hulle finale rekeningkunde-eksamen.

'n Opvoedkundige sielkundige verduidelik hoe om die beste leerstyl vir jouself te identifiseer. Sy gee tegnieke vir tydsbestuur, en hoe om realistiese en haalbare doelwitte te stel vir die eksamen.

Wie en wat is die Onafhanklike Verkiesingskommissie? Ellsforth Booyse, distriksuitreikbeampte vir die OVK, en Elzandre Louw het die antwoorde.

Magedie Baker en Petrus Radebe gesels oor hulle werk as loodgieters. Ineke Goosen verduidelik wat ‘n rooi-sertifikaat is, en wat dit beteken as jy in ‘n ambag is.

Glenn Samaai, ‘n adjunk-vakspesialis by die Wes-Kaapse Onderwysdepartement, praat oor die inhoud van die Geografie-eindeksamen se eerste vraestel.