Kompas

Christene Bosman Vosloo, ‘n opvoedkundige sielkundige van Stellenbosch gesels met Arehan Brand oor die praktyke van introspeksie en mindfulness en hoe dit alles ‘n rol speel om sukses te behaal in die nuwe jaar.

Arehan Brand gesels met Christene Bosman Vosloo, ‘n sielkundige oor identiteit en hoe jong mense dit kan benut om aan te pas in nuwe omstandighede en situasies.

Sportsielkundige Jannie Putter kom vertel hoekom sport noodsaaklik is vir die ontwikkeling van jou kind asook die voordele van 'n aktiewe lewensstyl.

Hoe kan jy ‘n blywende indruk maak gedurende 'n werksonderhoud? Die stylafrigter en motiveringsspeker, Marinda Aucamp, deel haar professionele kennis oor hoe luisteraars hul handelsmerk sowel as hul styl en-kleuranalise kan bou.

Wat is die proses om opgelei te word as ‘n ballet afrigter? Wat behels dit om jou eie dans studio oop te maak? Haleigh van Rooyen gesels oor haar beroep as ballet onderwyser en wat dit alles behels om haar eie studio oop te maak.

Arehan Brand gesels met Charl Davids, ‘n berader en sielkundige oor middel-misbruik en verslawing, asook die skadelike impak wat dit op jong mense se gesondheid het. ‘n Paar van 2023 se matrikulante deel ook raad aan die Klas van 2024.

Jy ken haar dalk as Veronè van Suid-Ooster of Riekie van Binnelanders maar vir haar vriende en familie is maar net Zandelle. Vanaand skuif Zandele Meyer agter die Kompasmikrofoon in en vertel ons hoe die lewe as 'n vryskut akteur lyk.

Ons welkom 2024 met 'n Kaapse Klopse Kompas program! Chloè van Rooyen vind meer uit oor die ontstaan van die Kaapse Klopse en die 2de Nuwejaar tradisies.

Jongmense deel hul menings rondom voornemens en dra ook goeie wense oor aan die luisteraars vir 2024. En die joernalis en TV-navorser Carryn-Ann Nel kom vertel oor haar hoogtepunt van die jaar – haar meestersgraad.

Die jaar is op sy einde en almal voel angstig daaroor. Jaco Oosthuizen gee sy 5 wenke as beraader vir ‘n suksesvolle 2024. Hy gesels oor die padkaarte van 2024 en hoe om rustig te raak voor die nuwe jaar aanbreek.

Arehan Brand draai die horlosie terug en doen ‘n terugblik op die belangrike en interessante gesprekke wat Woensdagaande in Kompas in 2023 plaasgevind het.

Mar-li van der Merwe gesels met Dr. Cornélle Tait, wie tans besig is om haar nagraads in die spesialiteits veld gesins geneeskunde te voltooi. Sy deel raad aan aspirante dokters, gesels oor die hoogtepunte en laagtepunte van haar beroep en vertel wat dit als behels om ‘n dokter te wees.

Ons hoor wat van die luisteraars se gunsteling kersstories is en wat kersfees vir hulle spesiaal maak. Dan dra Saskia Mcdilling vir ons haar gunsteling Kerslied voor.

Hoe kan jy jou gedagtes stimuleer gedurende die vakansie? Die kenner, Elisna Kelly, kom deel waardevolle raad en Christa Kleynhans gesels oor die slypskole waarby sy betrokke is en haar skryfwerk.

Dit is Kersfeestyd, maar hoe kan jongmense dit bekostig om geskenke te koop vir hulle familie en vriende? Ons maak goedkoop Kersgeskenke, van kerskaartjies tot by badsout.

Arehan Brand gesels met die wenners van vanjaar se Maak My ‘n Miljoenêr – Entrepreneur van die Jaar kompetisie, asook Albert van Wyk, die stigter daarvan. Hulle deel entrepreneurskaps-wenke en deel ook waarom die toekoms blink lyk vir tiener-entrepreneurs!

Paramedikus, Dewan Lombard, vertel wat om in sekere mediese noodgevalle tydens die vakansie te doen en Dawid Mocke, ‘n voormalige wêreld see roei kampioen, asook ‘n voormalige lied van die Nasionale lewensredding span, deel belangrike wenke sodat ons veilig kan wees in en om die water.

Twee entrepreneurs vertel hoe hulle hul besighede gebruik om ander jongmense te bemagtig en om na die omgewing te kyk.

Verandering is nie altyd maklik of lekker nie, maar dis noodsaaklik. Hannelie Spies, opvoedkundige sielkundige, deel raad oor hoe matrikulante die kopskuif kan maak van skool na die grootmenswereld, en Warren October vertel van die organisasie Scouts for Kids.

Seisoenale depressie is ‘n siekte waarmee baie ouer mense sukkel en die Kerstyd roep rook baie hartseer emosies vir ou- en jongmense. Ds. Riaan Steenkamp gesels oor wat seisoenale depressie is, asook oor die behandeling daarvan.

Arehan Brand gesels met ‘n paar jong mense oor hul werk en die lewe na skool. Hulle klets oor hoe om voltydse studies en deeltydse werk te balanseer, asook hoe hul loopbaan-keuses oor die jare ontwikkel en verander het.

Mar-li van der Merwe gesels met opvoedkundige spesialis, Elisna Kelly, oor die verskeidenheid geleenthede wat ‘n beroep in die Inligtingstegnologie sektor kan bied.

Dimitri “The believer” Wlliams wil mense help op hulle ware identiteit in God te vind en het dus die boek “Ken jy jouself” geskryf. Hy vertel vir Chloè van hierdie boek.

Aimee Basson en Amandre Vermaak gesels albei oor modelwerk en hulle gemeenskapsdiens platforms. Aimee Basson het vanjaar Mej. West Coast KwaZulu-Natal gewen. Amandre Vermaak is ‘n sosiale media ster en self ‘n model wat al ‘n paar skoonheidskompetisie krone agter haar naam het.

Arehan Brand gesels met ‘n paar jong mense oor die lewe na skool en dié fase van hul lewe. Hulle gesels ook oor om ‘n af-jaar te neem en jouself te ontdek.