Kompas

Mart-Leen Oosthuizen praat met Amanada Fourie oor Club21, ‘n skool vir kinders met Downsindroom. Sy vertel hoe die skool die leerders bevorder en die tegnieke wat sy gebruik.

Arehan Brand vind meer uit oor uitbranding in die werkplek, die impak daarvan op geestesgesondheid, en waarom dit belangrik is om daaroor te praat.

Tieners en selfbeeld: Hoe kan ouers hulle tieners hiermee help? Watter hulpbronne is daar? Hoe kan swak akademiese prestasie tieners se selfbeeld aantas?

Dieetkundige Nicki de Villiers praat oor gewigsverlies, en wat die beste manier is om aanvullers te gebruik.

Hoekom is dit belangrik om te spaar? Waar kan ek my spaargeld belê?

Tieners en selfbeeld - Hoe kan ouers weet as daar fout is? Hoe kan hulle hulle tieners help?

Arehan Brand kry raad oor hoe om tipiese loopbaan- en beroepsuitdagings te oorkom. Hy vind ook uit hoe leerders by e-leer kan baat.

Hoe goed kyk studente na hulle gesondheid? Is hulle bewus van die impak wat sosiale media op hulle geestesgesondheid het? Watter strekoefeninge kan jy doen na ‘n lang dag se sit agter die rekenaar? Amoné Schoombie praat hieroor met ‘n kliniese sielkundige, 'n biokinetikus en 'n dieetkundige.

‘n Dieetkundige verduidelik wat ‘n gesonde dieet behels, hoe om jou kafeïen- en suikeriname te verminder, en hoe om groente deel te maak van jou daaglikse spyskaart.

Dis Wêreld Vrouedag! Chrislynn Sias gesels met Edna Ellman en Cathleen Manuel, wat die weg baan vir die jonger geslag in hulle onderskeie velde.

Mart-Leen Oosthuizen  gesels met twee sjefs oor die opleiding van sjefs, die verskeie werksgeleenthede wat daar is, en wat die opleiding alles behels.

Arehan Brand verken die nomadiese-leefstyl, en vind dan uit of dit moontlik is om te reis en terselfdertyd ‘n inkomste te verdien. Hy gesels met Sonja van Niekerk, van Four Kids and a Bus, oor haar, haar man en hulle vier kinders se drie jaar lange reis, terwyl beide ouers gewerk het en die kinders skoolgegaan het.

Die danser, DfeatSA, vertel sy lewensverhaal. Dans het toevallig op sy pad gekom, en al het hy in die geheim gehoop dat hy 'n loopbaan daaruit sou kon maak, kon hy nooit raai dat hierdie droom n realiteit sou word nie. Sy talent, geloof en harde werk het hom uit moeilike omstandighede gelig, en vandag leef hy sy drome uit.

Chrislynn Sias gesels met Enrico Hartzenberg oor sy eerste kortfilm, Sister Dinges. Euodia Samson vertel meer oor haar selfhelpgids, Know Thyself.

Anri van Jaarsveld praat oor die ondersteuningsnetwerke wat tieners kan bou voor hulle ‘n romantiese verhouding aanpak. Sy vertel hoe tieners kan verseker dat die romantiese verhouding nie hulle skoolwerk beïnvloed nie, en hoe hulle dit kan verbeter as die verhouding hulle akademiese prestasies laat verswak.

Arehan Brand gesels met jongmense oor hoe om die impak van tegnologie en ander steurnisse op hulle akademie en werk te veminder. Hy vind ook uit hoe oud en jonk elke dag iets nuut kan leer.

Anri van Jaarsveld gesels oor tienerverhoudings. Sy kyk na die ondersteuningsraamwerke wat tieners vir hulleself kan bou voordat hulle ‘n romantiese verhouding aanpak. Sy verduidelik hoe tieners kan verseker dat romantiese verhoudings nie hulle skoolwerk beïnvloed nie, en hoe hulle dit kan verbeter as die verhouding hulle akademiese prestasies laat verswak.

Om 'n teaterproduksie op die planke te sit, is nie kinderspeletjies nie. Dit kos fyn beplaning en harde werk. Die persoon wat verantwoordelik is om die visie van die regisseur lewe te gee, is die verhoogbestuurder wat  die tegniese span lei. Ons loer agter die skerms van 'n teaterproduksie, en leer wat die werk van 'n verhoogbestuurder behels.

Chrislynn Sias gesels met Lezandre Louw van die Onafhanklike Verkiesingskommisie oor die kommissie se intensiewe stembriefopvoeding-veldtog in die aanloop tot die verkiesing.

Ds. Jaco Oosthuizen kyk in die maand van liefde na tienerverhoudings. Hy gesels oor die rooi vlae en ander belangrike dinge wat tieners moet raaksien wanneer hulle in verhoudings tree. Hy vertel oor hoe sosiale media verhoudings altyd laat goed lyk, en waarna tieners regtig moet kyk.

Deur professionele ontwikkelingsdoelwitte te stel, kan jy jouself meer aanloklik maak vir groeigeleenthede in jou beroep, bedryf en sektor. Arehan Brand vind meer uit hieroor en van professionele vaardigheidsontwikkeling.

Is jy onseker wat om te doen nadat jy ingeskryf het vir ‘n kursus, en dan besef dis nie die een vir jou nie? Dalk is jy ontevrede met jou studenteverblyf, en weet nie hoe om die saak aan te pak by die universiteit se behuisingsbeamptes nie. Amoné Schoombie het verskeie universiteite se administratiewe beamptes gekontak om die prosesse so eenvoudig moontlik deur te gee aan studente.

Chloè van Rooyen gesels met 'n voormalige skoonheidskoningin oor wat dit verg om 'n goeie rolmodel te wees, en wat dit beteken om selfvertroue te hê. Sy gee ook raad oor hoe om jouself voor te berei vir skoonheidskompetisies.

Chrislynn Sias praat met Lezandre Louw van die  Onafhanklike Verkiesingskommisie oor spesiale stemme, en wat die proses behels. Ian Cameron van Action SA vertel of mense in gemeenskappe dié konsep verstaan.

Ds. Riaan Steenkamp verduidelik hoe jy ‘n positiewe ingesteldheid kan kweek. Hy vertel hoe ouers hulle kinders kan leer hoe om positief te bly, en hoe om hulle doelwitte te bereik. Hy gesels oor positiewe en goeie doelwitte, en hoe om te meet of jou doelwitte bereikbaar is.