Kompas

Barrie Ferreira vind uit watter beroepe jy alles kan volg in die toerismebedryf, en wat jy in daardie rigting kan studeer.

Ons doen hersiening van Inligtingstegnologie Vraestel 1 en 2 saam met Meneer Jacques Louw.

Barrie Ferreira praat oor verhoudings waarvoor jy versigtig moet wees as ‘n jong persoon, veral aanlyn. Nie almal op die internet is daar om die lewe vir jou beter en mooier te maak nie, so hoe kan jy waaksaam wees?

Ons doen hersiening van Besigheidstudies saam met Juffrou Helena van Zyl.

Chloè van Rooyen vier Erfenisdag in haar kombuis. Sy gesels oor die rol van kos in verskillende kulture, terwyl sy haar ouma se asynkerrie maak.

Hoe word mens ‘n haarkapper? Barrie Ferreira vind meer uit oor haarkappery as ‘n beroep, en hoe jy ‘n kwalifikasie in dié rigting kry.

Ons doen hersiening van Afrikaans Huistaal se Vraestel 3, saam met Juffrou Anita Voges.

Barrie Ferreira praat oor spanwerk, iets wat sommige mense van hou, maar ander nie kan verdra nie. Hy vind uit hoe spanwerk behoort te lyk, en hoe ‘n mens dit effektief kan gebruik tot jou voordeel.

Ons doen hersiening van Engels Eerste Addisionele Taal se Vraestel 3, saam met Juffrou Natalie Goetsch.

Chloè van Rooyen kry raad oor hoe om veilig te wees by kuierplekke. Sy hoor oon by 'n paar jongmense hoe hulle eerste uitgaanervaring was.

Barrie Ferreira vind meer uit oor oor die MK-generasie, en watter invloed daai musiek op jongmense gehad het. Hoekom bestaan dit nie meer nie?

30 Dinge wat jy voor 30 moet weet! ‘n Klomp bekendes vertel van die waardevolle lesse, wat hulle op die harde manier moes leer.

Barrie Ferreira gesels met Almero Welgemoed oor die musiek wat hy vir ‘n nuwe TV-reeks geskryf het. Ons hoor ook hoe jy kan bepaal of musiekstudies vir jou is of nie.

Is jy met die maan gepla? Ruimtefisikus dr, Ruhann Steyn vertel ons meer van ons mooie maan.

Twee aktrises vertel waarmee hulle tans besig is. Ons gesels oor die Woordfees se produksies, en die belangrikheid van opvoedkundige teater.

Barrie Ferreira kuier agter die skerms by ‘n nuwe realiteitsreeks oor toneelspel vir jong mense. Hy praat met van die deelnemers en mentors om te hoor waaroor die reeks gaan.

Hannes Bruwer vind uit wat dit verg om ‘n barista te wees, en ons vier sommer ook die wonderlike koffieboon wat ons in die oggend uit die bed kry.

Wat beteken dit om te dink? Ons bespreek denke en logika, en hoe om na idees te kyk sonder om dit blindelings te aanvaar.

Het jy al begin om vir die eksamen te hersien? Dr. Cecilia Klopper, direkteur van CURAparent, deel waardevolle wenke om jou hiermee te help.

Chloè van Rooyen vier Lentedag, en kry raad oor hoe om na potplante te kyk. 'n Trotse plantpappa vertel van sy roetine met sy plantkinders.

Voel jy moeg en uitgebrand, of is jy net nie meer lus vir daardie ding, wat ons akademie noem, nie? Barrie Ferreira praat oor wat gebeur wanneer jy doelwitte aan die begin van die jaar gestel het, maar jy dit nie bereik het nie.

Wat presies gebeur tydens jou menstruele siklus? Verpleegkundige Elsabe Nienaber beantwoord Hazel Janse van Rensburg se vrae om jong meisies te help verstaan wat met hulle liggaam gebeur, en hoe hulle hulle hormone kan reguleer.

Wat het honde, drama en perde met mekaar te doen? Barrie Ferreira kyk na verskillende soorte alternatiewe terapie om te sien hoe jongmense daarby kan baat, en hoe dit verskil van tradisionele terapie.

Wat doen jy om jou geestesgesondheid te prioritiseer?

'n Terapeut gee raad oor hoe om jou denkpatrone te verander om angs en die oordink van kwessies te bestuur. Ons hoor by 'n paar jongmense wat hulle doen om hulle geestesgesondheid te prioritiseer. En 'n jongman deel sy storie van hoop met ons.