Kompas

30 Dinge wat jy voor 30 moet weet! ‘n Klomp bekendes vertel van die waardevolle lesse, wat hulle op die harde manier moes leer.

Barrie Ferreira gesels met Almero Welgemoed oor die musiek wat hy vir ‘n nuwe TV-reeks geskryf het. Ons hoor ook hoe jy kan bepaal of musiekstudies vir jou is of nie.

Is jy met die maan gepla? Ruimtefisikus dr, Ruhann Steyn vertel ons meer van ons mooie maan.

Twee aktrises vertel waarmee hulle tans besig is. Ons gesels oor die Woordfees se produksies, en die belangrikheid van opvoedkundige teater.

Barrie Ferreira kuier agter die skerms by ‘n nuwe realiteitsreeks oor toneelspel vir jong mense. Hy praat met van die deelnemers en mentors om te hoor waaroor die reeks gaan.

Hannes Bruwer vind uit wat dit verg om ‘n barista te wees, en ons vier sommer ook die wonderlike koffieboon wat ons in die oggend uit die bed kry.

Wat beteken dit om te dink? Ons bespreek denke en logika, en hoe om na idees te kyk sonder om dit blindelings te aanvaar.

Het jy al begin om vir die eksamen te hersien? Dr. Cecilia Klopper, direkteur van CURAparent, deel waardevolle wenke om jou hiermee te help.

Chloè van Rooyen vier Lentedag, en kry raad oor hoe om na potplante te kyk. 'n Trotse plantpappa vertel van sy roetine met sy plantkinders.

Voel jy moeg en uitgebrand, of is jy net nie meer lus vir daardie ding, wat ons akademie noem, nie? Barrie Ferreira praat oor wat gebeur wanneer jy doelwitte aan die begin van die jaar gestel het, maar jy dit nie bereik het nie.

Wat presies gebeur tydens jou menstruele siklus? Verpleegkundige Elsabe Nienaber beantwoord Hazel Janse van Rensburg se vrae om jong meisies te help verstaan wat met hulle liggaam gebeur, en hoe hulle hulle hormone kan reguleer.

Wat het honde, drama en perde met mekaar te doen? Barrie Ferreira kyk na verskillende soorte alternatiewe terapie om te sien hoe jongmense daarby kan baat, en hoe dit verskil van tradisionele terapie.

Wat doen jy om jou geestesgesondheid te prioritiseer?

'n Terapeut gee raad oor hoe om jou denkpatrone te verander om angs en die oordink van kwessies te bestuur. Ons hoor by 'n paar jongmense wat hulle doen om hulle geestesgesondheid te prioritiseer. En 'n jongman deel sy storie van hoop met ons.

Is enkellopendheid iets om jouself oor te bekommer, of iets om te vier? Barrie Ferreira vind uit hoe om die enkellopende fase van jou lewe te vier, te midde van groepsdruk om in ‘n verhouding te wees. Baie mense weet nie wie hulle is nie, en hoop die ander persoon sal hulle leer wie hulle is. En dan is dit ‘n groot katastrofe...

Om op 'n jong ouderdom ‘n ouer aan die dood af te staan, affekteer jou nie net as kind nie, dit het ook later as volwassene ‘n groot impak op jou lewe. 'n Jong vroue wat haar ma op agtjarige ouderdom verloor het, vertel van haar ondervinding en gee jongmense in dieselfde posisie raad en hoop.

Met soveel dobbeltoepassings en dobbelwebwerwe wat deesdae geadverteer word, is dobbelverslawing iets wat toenemend ‘n probleem raak onder jongmense. Barrie Ferreira praat met ‘n voormalige dobbelverslaafde om te hoor watter impak  dit op ‘n mens se lewe kan hê.

Kamp bring baie geestesgesondheidselemente bymekaar. Hazel Janse van Rensburg gesels met Alexander Maniatis, bekend vir sy rol as Captain Curo in die Netflixsensasie One Piece, oor sy kampondervindinge.

Chloè van Rooyen gesels met 'n hokkie-uitblinker wat oorsee gaan toer. Dan kom kuier 'n paar voormalige Kompasgaste, en ons hoor waarmee hulle besig was sedert ons verlede jaar gesels het. Onder die gaste is 'n Fiëstawenner, 'n illustreerder en 'n akteur.

Barrie Ferreira praat oor bestuurderskursuse en -lisensies. Wat is die waarde van ‘n gevorderde bestuurderskursus, en wat is die verskillende lisensies wat jy kan bekom?

Hazel Janse van Rensburg gesels met ‘n groepie Stellies-studente om te kyk of hulle vir eens en altyd kan uitwerk hoe mans en meisies se koppe werk.

Barrie Ferreira praat met ‘n internasionaal bekende fotograaf om te hoor wat sy beroep behels. 'n Lektor in fotografie vertel wat jy alles in 'n fotografiekursus doen.

Sportsielkundige Jannie Putter en sy seun, die tennisuitblinker Victor Putter, gesels oor die voor- en -nadele van kompetisie op skoolvlak.

Op watter manier kan troeteldiere voordelig wees vir kinders se ontwikkeling? Wat is die beste opsie, koop of aanneem? Kan jy 'n pleegouer wees vir 'n diertjie? Ons gesels ook met Pets as Therapy om te hoor hoe troeteldiere mense se goedmoedstoestand kan verbeter.

Barrie Ferreira gesels met die 19-jarige gewigstoter, Ashley Erasmus, en die roeier, Esti Olivier, wat deelneem in die Olimpiese Spele in Parys.