Kompas

Barrie Ferreira daag die musiekgroep, ONS, uit om ‘n liefdesliedjie vir mekaar te skryf binne slegs 30 minute. Hy gesels ook met van die akteurs van die nuwe reeks, Reënboogrand, om hulle menings oor Valentynsdag te kry.

Ter viering van Wêreld Radiodag deel jong omroepers van regoor die land hulle mooiste en snaaksste radiostories.

Barrie Ferreira kyk na die gewildheid van krieket onder jong vroue in Suid Afrika.

Twee tweelinge kuier by Hazel om te vertel hoe dit is om deel van ‘n tweeling te wees.

Felicia Richardson het as tiener deur baie trauma gegaan, wat daartoe gelei het dat sy haarself begin leed aandoen het. Sy deel haar storie. 'n Sielkundige praat oor die realiteit van selfskending onder die jeug van Suid-Afrika.

Barrie Ferreira kyk na ambagte as ‘n alternatief as jy nie die tradisionele universiteitspad wil volg nie.

Ons vind uit hoe 2024 se matrikulante, wat Afrikaans oor wil skryf, kan voorberei om dieselfde slaggate te vermy.

Barrie Ferreira vind meer uit oor motorsport, wat as 'n buitemuurse aktiwiteit aangebied word vir leerders by 'n hoërskool in die Oos-Kaap.

Kan ‘n jong vrou regtig alles hê? Reinette de Beer verduidelik hoe sy haar lewe as jong mamma van twee, en as suksesvolle sakevrou, balanseer.

Chloè van Rooyen gesels met 'n jongman wat sy deel doen om die jeug van Citrusdal te inspireer en motiveer om die verskil te wees wat hulle wil sien in hulle gemeenskap.

Barrie Ferreira praat oor hoe jy die meeste kan maak van jou laaste jaar op universiteit. Hoe tref jy ‘n balans tussen om goed te eindig, maar ook om pret te hê?

Staan jou kop in ‘n aupair-rigting? Twee aktrises, Elsje Slabbert en Nadia Beukes, gee raad uit ‘n mamma se oogpunt sodat jy jou aupair-onderhoud vir ‘n ses kan slaan!

Barrie Ferreira vind meer uit van tuisonderrig, en watter tipe leerders daarby kan baat.

Hazel Janse van Rensburg gesels met Limpopo se Landsdiensvoorsitter, Christa Darvall, oor hoe jongmense betrokke kan raak, en wat hulle kan verwag.

Chloè van Rooyen praat met ʼn finansiële raadgewer oor studielenings en beurse, en hoe studente moontlik hulle akademiese loopbaan kan befonds.

Hoe kan jy as ‘n skoolleerder die beste moontlike akademiese jaar hê? Ons gee oor praktiese wenke wat jy elke dag kan toepas, en stel ook gratis hulpbronne voor wat jy kan gebruik om jou akademie te verskerp. Beplan jou week vooruit saam met jou ouers. Dit help as die hele gesin weet wat vir die volgende week voorlê.

Wil jy matriek voltooi, of vakke oorskryf? Elisna Kelly vertel watter stappe jy kan volg om hierdie droom te bewaarheid.

Wat verg dit om ‘n prokureur te wees? Barrie Ferreira gesels met sowel iemand wat in die praktyk is, as ‘n student. Jy moet probeer om soveel blootstelling moontlik te kry as ‘n regstudent, en probeer agterkom waarvan jy nie hou nie, want dan sal jy nader kom aan die area van die reg waarop jy moet fokus.

Wat is die doel van oriëntasie, en wat kan eerstejaarstudente verwag? Die Primaria van Vergeet-My-Nie Dameskoshuis en Primarius van Excelsior Manskoshuis het die antwoorde.

Is jy in 'n tweestryd gewikkel? Het jy aansoek gedoen vir 'n studierigting, maar nou bedink jy dit, en wonder of jy nie dalk na ʼn ander kursus moet skuif nie. Is dit moontlik om te skuif? Of voel jy dalk dat jy geen idee het wat jy met jou lewe wil doen nie? 'n Lewensafrigter het raad. Ons vind ook uit hoe gemaak as jy van studierigting wil verander.

Barrie Ferreira vind uit hoe jy vriende kan maak wanneer jy by ‘n nuwe skool aansluit.

Ons deel saam in die geluk en sukses van 2024 se matrikulante wat as toppresteerders uitgeblink het.

Barrie Ferreira praat met van Suid-frika se top 2024 matrikulante om te hoor hoe hulle hulle laaste jaar op skool beleef het, en hoe hulle voel oor die prestasies wat hulle behaal het.

Heidi Bartis, die bestuurshoof van die Akademie vir Omgewingsleierskap, praat oor studiegeleenthede en die opsies wat matrikulante het in hierdie veld.

Die topmatrikulante van 2023 kom kuier by Chloè van Rooyen, en hulle vertel hoe die lewe na matriek lyk.