Kompas

Chloè van Rooyen praat met Monotone Mel en Avril Albettie oor hoe die lewe van 'n smaakmaker lyk. Is dit net pret, of gaan daar baie werk in?

Barrie Ferreira kyk na die impak van pornografie op jongmense se lewe, en praat met iemand wat deur so ‘n verslawing is.

Ons doen hersiening van Graad 12 Visuele Kuns saam met meneer Markus Steinmann.

Barrie Ferreira vind meer uit van inkomstebelasting, waarvan jongmense skynbaar nie baie weet nie.

Sal jy ‘n orgaan skenk om ‘n vriend se lewe te red? Dis die vraag wat Dean Frost in die gesig gestaar het toe sy vriend Francois Swartz ‘n nier nodig gehad het.

Is jy moeg daarvan om elke week dieselfde kos te eet? Soek jy raad oor hoe om met 'n klein begroting kos te koop? Chloè van Rooyen vind by 'n paar jongmense uit wat hulle gunsteling disse is, en hoe hulle sorg dathulle hulle geld op die beste moontlike manier gebruik. Charisa Weyers van Vrek Lekker deel 'n paar van haar resepte.

Almal het daai een persoon met wie ons nie oor die weg kom nie. Hoe gemaak wanneer jy met hierdie persoon moet saamwerk?

Kompas vier Wêreld Teedag, wat op 21 Mei was. Lize du Preez, die bemarkingsdirekteur van Carmien-rooibostee, vertel meer van die produksie van hierdie eg Suid-Afrikaanse kommoditeit.

Hoe verander die definisie van plagiaat, namate kunsmatige intelligensie al hoe meer deur studente gebruik word op universiteit?

Hazel Janse van Rensburg het die eindronde van Tribuo se Proscenium-dramakompetisie bygewoon, en by die top agt gehoor wat hulle raad aan jong aspirantakteurs is.

Met meer as 29 jaar se ervaring in die polisiediens, vertel Richard Brussouw wat die beste manier is om jouself teen motorkaping te beskerm.

Wat is waarheid? Barrie Ferreira probeer om die koring van die kaf te skei.

Die Poort-skryfkompetisie se wenners vir 2025 is pas aangekondig, en Hazel Janse van Rensburg hoor wat hierdie twee manne se wenresep is.

Dis die derde en laaste deel van Kompas se studieskou, waar ons jou blootstel aan moontlike studieopsies wat nie tradisionele universiteite is nie.

Die Kompas-span klop by ‘n paar akademiese instansies aan om te hoor wat hulle jongmense kan bied om die beste besluit vir ‘n blink toekoms te maak.

Chloè van Rooyen gesels met Magnet Theatre, College of Audio Engeneering, Cape Town Butler en Weskus College oor die studiegeleenthede wat hulle bied.

Barrie Ferreira kyk na die realiteite van enkelma wees in Suid-Afrika, en watter impak dit op kinders kan hê.

Hazel Janse van Rensburg praat met deelnemers, organiseerders en beoordelaars oor wetenskap-ekspo's en die deure wat dit vir jongmense oopmaak.

Waaraan dink jy as jy die woord “mislukking” hoor? Dink jy dis deel van sukses, of is dit iets wat jy eerder wil vermy?

Ysterman Alwyn Uys vertel hoe ‘n fratsongeluk in 2014 sy lewe drasties verander het.

Kyle Mendoor het op 23-jarige ouderdom die dominee geword van 'n gemeente wat vir 13 jaar vakant was. Hy vertel vir Chloè van Rooyen hoe die lewe van ʼn dominee lyk, en hoe hy die groot ouderdomsgaping hanteer tussen hom en meeste van die lidmate.

Barrie Ferreira kyk na kerningeneurswese, en probeer die kern vind van hierdie nagraadese studierigting.

Gerrie Niemand van die Nasionale Seereddingsinstituut praat oor waterveiligheid, en hoe jongmense as vrywilligers by die NSRI betrokke kan raak.

Om die regte bronne te kry, is ’n groot deel van ‘n universiteitstudent se lewe. Hoekom is dit so belangrik om betroubare bronne te kry?

Wat is ‘n ware vriend, en hoe kan jy een wees? Anneke Langner, ‘n maatskaplike werker, help jongmense met ‘n paar belangrike wenke oor vriendskap.