Kompas

Staan jou kop in ‘n aupair-rigting? Twee aktrises, Elsje Slabbert en Nadia Beukes, gee raad uit ‘n mamma se oogpunt sodat jy jou aupair-onderhoud vir ‘n ses kan slaan!

Barrie Ferreira vind meer uit van tuisonderrig, en watter tipe leerders daarby kan baat.

Hazel Janse van Rensburg gesels met Limpopo se Landsdiensvoorsitter, Christa Darvall, oor hoe jongmense betrokke kan raak, en wat hulle kan verwag.

Chloè van Rooyen praat met ʼn finansiële raadgewer oor studielenings en beurse, en hoe studente moontlik hulle akademiese loopbaan kan befonds.

Hoe kan jy as ‘n skoolleerder die beste moontlike akademiese jaar hê? Ons gee oor praktiese wenke wat jy elke dag kan toepas, en stel ook gratis hulpbronne voor wat jy kan gebruik om jou akademie te verskerp. Beplan jou week vooruit saam met jou ouers. Dit help as die hele gesin weet wat vir die volgende week voorlê.

Wil jy matriek voltooi, of vakke oorskryf? Elisna Kelly vertel watter stappe jy kan volg om hierdie droom te bewaarheid.

Wat verg dit om ‘n prokureur te wees? Barrie Ferreira gesels met sowel iemand wat in die praktyk is, as ‘n student. Jy moet probeer om soveel blootstelling moontlik te kry as ‘n regstudent, en probeer agterkom waarvan jy nie hou nie, want dan sal jy nader kom aan die area van die reg waarop jy moet fokus.

Wat is die doel van oriëntasie, en wat kan eerstejaarstudente verwag? Die Primaria van Vergeet-My-Nie Dameskoshuis en Primarius van Excelsior Manskoshuis het die antwoorde.

Is jy in 'n tweestryd gewikkel? Het jy aansoek gedoen vir 'n studierigting, maar nou bedink jy dit, en wonder of jy nie dalk na ʼn ander kursus moet skuif nie. Is dit moontlik om te skuif? Of voel jy dalk dat jy geen idee het wat jy met jou lewe wil doen nie? 'n Lewensafrigter het raad. Ons vind ook uit hoe gemaak as jy van studierigting wil verander.

Barrie Ferreira vind uit hoe jy vriende kan maak wanneer jy by ‘n nuwe skool aansluit.

Ons deel saam in die geluk en sukses van 2024 se matrikulante wat as toppresteerders uitgeblink het.

Barrie Ferreira praat met van Suid-frika se top 2024 matrikulante om te hoor hoe hulle hulle laaste jaar op skool beleef het, en hoe hulle voel oor die prestasies wat hulle behaal het.

Heidi Bartis, die bestuurshoof van die Akademie vir Omgewingsleierskap, praat oor studiegeleenthede en die opsies wat matrikulante het in hierdie veld.

Die topmatrikulante van 2023 kom kuier by Chloè van Rooyen, en hulle vertel hoe die lewe na matriek lyk.

Barrie Ferreira deel sy oorlewingsgids vir universiteit, die wonderlikste tyd van jou lewe waar jy baie keer lewenslange vriende maak.

Droom jy van ‘n oorsese reis? Dee Theart wat die wêreld plat gereis het as lugwaardin, deel wenke om hierdie droom ‘n realiteit vir jongmense te maak.

Soos die skoolvakansie stadig maar seker tot ‘n einde toe kom, kyk Barrie Ferreira na die belangrikheid van voorbereiding vir die nuwe skooljaar.

Is jy ‘n avontuurdier? Johan du Toit is. Hy vertel van perde-uithouritte en berede boogskiet.

Heruitsending: Ons verwelkom die nuwe jaar saam met die Kaapse Klopse. Chloè van Rooyen vind meer uit oor die ontstaan van die Klopse en die tradisies van die Tweede Nuwejaar.

Barrie Ferreira vind uit wat dit verg om 'n musiekvervaardiger te wees. Hy gesels met Loki Rothman om beter te verstaan hoe hierdie beroep prakties werk.

TikTok-ster, Buksem, loer in om allerhande grappige wenke met jongmense te deel.

Barrie Ferreira bespreek die relevansie van nuwejaarsvoornemens vir jongmense. Is dit nog ‘n ding? Moet jy voornemens stel vir die jaar wat voorlê?

Aangesien ons nog ‘n keer om die son is, gesels Hazel Janse van Rensburg met dr. Ruhann Steyn, ‘n ruimtefisikus, oor interessante sonfeite, en hoe jongmense in sy voetspore kan volg.

Ons sê totsiens aan 2024, en ons verwelkom 2025 met ope arms. Ons kyk terug op die  jaar, gesels oor nuwejaarstradisies, 2024 se hoogtepunte, en waarna ons uitsien in die nuwe jaar.

Barrie Ferreira vind uit hoe tegnologie jongmense se sosiale vaardighede affekteer.