Kompas

Chloè van Rooyen gesels oor die Suidoosterfees en watter waarde kunstefeeste vir jongmense inhou. Antjie Krog deel haar poësie, en ‘n jong skrywer vertel van hulle debuutproduksies.

Moet ‘n mens deelneem, of moet jy eerder “nee dankie” sê wanneer jy dalk nie te goed is in iets nie? Ons kyk na die belangrikheid daarvan om deel te neem in jou skool se buitemuurse aktiwiteite.

Ons doen hersiening van Afrikaans Huistaal se Vraestel 1 saam met juffrou Anica Prinsloo.

Dis Wêreld Boekedag. Hoe relevant is boeke nog in 2025? Het jy ‘n regte boek nodig, of kan jy eerder ‘n elektroniese toestel gebruik?

Dis Aardedag. Vanjaar se tema is hernubare energie. Cilnette Pienaar van Green Cape vertel meer.

'n Jong akteur vertel hoe hy tot die besluit gekom het om sonder alkohol en sigarette te leef, en sy hart vir die Here te gee. Dit volg nadat drie profete hom gewaarsku het dat sy vriende sy dood sal veroorsaak.

Is jy iemand wat graag voor ‘n groot skare mense wil praat, of dalk liewers wegkruip wanneer daar so 'n geleentheid is? Ons bespreek die waarde van redenaars en openbare toesprake. 

Wil jy deel van ‘n jeugkoor wees? Ons vind by lede van die Drakensberg Seunskoor uit hoe die lewe in die berge en op die verhoog lyk, en moedig jongmense aan om hulle eie drome na te streef.

Barrie Ferreira praat met Gerco van Deventer, wat as gyselaar gehou is deur Al Kaïda, om te hoor hoe sy deursettingsvermoë hom gehelp het.

Dr. Ezette du Plessis, ‘n opvoedkundige sielkundige, verduidelik die doel van aanlegtoetse, wie daarby kan baat.

Hoe ontwikkel iemand 'n eetversteuring? Is dit net jong vroue wat daaraan lei, of kan dit met enigiemand gebeur? Chloè van Rooyen praat met sielkundige Dewald Louw oor eetversteurings en die ernstige gevolge daarvan.

Barrie Ferreira vind meer uit van agter-die-skerms-beroepe in die TV- en filmbedryf.

Wat is jou lees-ouderdom? Ons hoor by die stigter en bestuurshoof van Stimulus Maksima, Lotta Engelbrecht, uit wat ‘n lees-ouderdom is, en hoe leerders vinniger en met meer begrip kan lees om sodoende makliker te leer.

Hoe gemaak as jy wil gaan studeer, maar jou ouers dink nie jou studierigting is die regte een nie?

Uithou, aanhou volhou. Dis woorde wat Danel Louw, algehele wenner in die professionele vrouekategorie van die Hyrox-kompetisie, al te goed verstaan. Sy deel haar ondervinding en lesse met jongmense.

Watter raad het jy om verkoue en griep te beveg? Chloè van Rooyne praat met 'n apteker om uit te vind hoe om gesond te bly in die winter. 'n Tandarts praat ook die belangrikheid van goeie mondhigiëne.

Goeiedag. Dumelang. Sawubona, Good Day. Bonjour. Hola! Wat is die waarde daarvan om 'n ander taal aan te leer?

Dit was gister Wêreld Outisme Bewusmakingsdag. Ons praat hieroor met Ilana Gerschlowitz van The Star Academy.

Barrie Ferreira vind uit wat leierskap behels, en hoe jy jou leierskapsvaardighede kan verskerp.

Lané Croucamp gee jou ‘n kykie in haar lewe as 'n jongmens met ‘n siggestremdheid.

Liggaamsdismorfie is 'n geestesversteuring wat elke aspek van jou lewe kan beïnvloed. Is hierdie gedagtes 'n werklikheid vir almal? Maak dit van my 'n oppervlakkige persoon? Hierdie is die soort vrae wat Jeandrè Hammond mee geworstel het voordat hy met liggaamsdismorfie diagnoseer is. Hy vertel hoe dit sy lewe beïnvloed het, en hoe hy daaraan begin werk het.

Ken jy jou maal-tafels, en weet jy hoe om X en Y te vind? Ons praat oor wiskunde as ‘n skoolvak. Hoekom is dit belangrik? Hoe kan jy dit meer geniet? Wiskunde is ‘n oefenvak. Dis nie iets wat jy kan sit en leer soos ‘n papegaai nie, maar iets wat jy elke dag moet oefen.

Juffrou Liné du Preez van Hoër Vollkskool hersien Lewenswetenskappe vir matrikulante.

Barrie Ferreira praat oor die belangrikheid van jongmense se stories, en die belangrikheid van kreatiewe skryfwerk.

Karl van Reenen het ná skool twee jaar lank sendingwerk in Nieu-Seeland gaan doen. Hy vertel van sy ondervinding as jongmens in die vreemde, en van sy geestelike reis.