Kompas

Hoe gaan jy te werk om jou keusevakke te kies in Graad 9?

Leon van der Westhuizen, stigter en hoofargitek by Westhaus, vertel hoe argitektuur as 'n loopbaan in die praktyk lyk.

Wanneer jy geboelie word, is daar gewoonlik baie dinge wat jy vir hulle wil sê, en aan hulle wil doen. Maar is vergifnis een van daai dinge?

Dr Hannetjie van Zyl-Edeling praat oor die invloed wat kleur op jou het, en hoe jy dit tot jou voordeel kan gebruik wanneer dit by produktiwiteit, stres en selfs eerste indrukke kom.

Waarheen gaan jongmense om uiting te gee aan hulle emosies. Met wie kan hulle praat? Wie luister? Dít is die vrae wat die Millborrows gehad het. Hulle het toe 'n projek begin waar hulle leerders 'n uitlaatklep gee vir hulle emosies, en werklik na hulle luister.

Barrie Ferreira kyk na die impak van vaderloosheid op jongmense.

Adriaan Havenga en Janco Nel gesels oor hulle gedagteprikkelende verhoogproduksie, Om skoon te wees, en oor die sterk temas wat jong gehore laat nadink.

In hierdie episode van ons Graad 9-vakkeuseskou sluit ons die reeks af met wat Lewenswetenskappe en Geografie as keusevakke behels van Graad 10 tot 12.

Gian-Quen Isaacs is Suid-Afrika se ysprinses! Sy was die enigste figuurskaatser wat Afrika by die Vier Kontinente Kampioenskappe verteenwoordig het. Sy vertel hoe sy hierdie druk op só 'n jong ouderdom hanteer.

Hommeltuigkenner Lyverne Prinsloo leer vir Chloè van Rooyen meer oor hommeltuie, wat die werksgeleenthede in hierdie veld is, en hoekom dit 'n loopbaan is wat skoliere moet oorweeg.

In hierdie episode van ons Graad 9-vakkeuseskou bespreek ons wat Wiskunde, Wiskunde Gelettertheid en Fisiese Wetenskap as keusevakke behels van Graad 10 tot 12.

Karkoop is nie perdekoop nie! Gys Pitzer, ‘n motorhandelaar, help jongmense om die slaggate te vermy.

In hierdie episode van ons Graad 9-vakkeuseskou bespreek ons wat Geskiedenis en Rekeningkunde as ‘n keusevak behels van Graad 10 tot 12.

Ons vier Wêreld Sjokoladedag met iemand wat sjokoladeprobleme vir ‘n lewe oplos. Haar naam is Minette Smith, en sy is ‘n trots Suid-Afrikaanse kok wat vir die afgelope drie jaar in België werk.

Alicia Willemse het haar debuut vir die Vroue Springbokspan sowel as die Sewes-span vroeër vanjaar gemaak. Om die groen en goud te dra is 'n droom wat waar geword het, maar dit het nie maklik in haar skoot geval nie. Jare se opoffering en harde werk het gesorg dat sy vandag haar land kan verteenwoordig.

In hierdie episode van ons Graad 9-vakkeuseskou vind ons uit wat Ekonomie en Besigheidstudies as ‘n keusevak behels van Graad 10 tot 12.

Reginald Hufkie, beter bekend as Reggie Peace, gesels oor sy boek, Vredemaker, en hoe mens die innerlike werk doen om te genees en te verbeter.

Ons skop ons Graad 9-vakkeuseskou af deur uit te vind wat Drama, IT en RTT behels as ‘n keusevak van Graad 10 tot 12.

Professor Christie Dorfling van die Universiteit Stellenbosch vertel wat chemiese ingenieurswese behels.

Mnr. Suid-Afrika, Marcel Roux, en sy vrou, Simonè, kuier by Chloè van Rooyen. Vir dié twee is jeugontwikkeling uiters belangrik, en een van hulle grootste fokuspunte. Marcel vertel van Truly Able, 'n liefdadigheidsinisiatief, wat vlerke gekry het uit die Mnr. Suid-Afrika-kompetisie.

Het jy geweet dat selfmoord die vierdie grootste oorsaak is van dood onder jong mans tussen die ouderdom van 15 en 24? Barrie Ferreira kyk na die geestestoestand van jong mans in Suid-Afrika.

Ons doen hersiening van Musiek Vraestel 1 en 2 saam met Juffrou Trudi van Wyk.

Is die aarde te klein vir jou? Is die heelal iets wat jou prikkel? Ons praat met ‘n dosent oor beroepe wat met die ruimte te doen het.

Leer jy hard, of leer jy slim? Juffrou Melanie vertel hoe ons breindominansie effektief kan gebruik en ‘n geïntegreerde, heelbreinbenadering kan bereik.

Chloè van Rooyen vind meer uit van bemarkingbestuur as 'n studierigting. Sy hoor wat die toelatingsvereistes is, hoekom dit 'n goeie opsie is vir voornemende studente, en hoe die werksgeleenthede lyk.