Kompas

Barrie Ferreira vind uit wat dit verg om ‘n beroep te volg as eiendomsontwikkelaar. Hy hoor ook van ’n studiebeurs.

René Arendse van Afrikaans 100 vertel hoe jy ‘n deel van R100 000 vir jou skool kan wen!

Hoe kan navorsing oor Mars voordelig wees vir ons op Aarde? Barrie Ferreira vind uit hoe jy in hierdie rigting kan studeer om die Aarde red.

Juffrou Melanie vertel van emosionele herpatroneringstegnieke wat jongmense kan gebruik om onder andere met eksamenstres te help.

Afrikaans.com vra vir prof. Ignatius Gous om leerders te help met effektiewe studie- en leermetodes. Chloè van Rooyen stel ook vas hoe leerders kunsmatige intelligensie kan gebruik om leer te bevorder, sonder om afhanklik daaraan te raak.

Soos die lente nader kom, is hierdie die tyd van die jaar waar ‘n mens se gemoed soms ‘n bietjie laer is as gewoonlik. Barrie Ferreira vind uit hoe ons ons geestesgesondheid ‘n positiewe hupstoot kan gee.

Gabriella Marais van Kovsies het in Julie aan die Wêreld Universiteitspele deelgeneem, en ‘n bronsmedalje huis toe gebring. Sy gesels oor die ondervinding.

’n Kriminele rekord is iets wat jy liefs moet vermy wanneer jy ‘n jonk is. Maar wat gebeur as jy wel een het op ‘n jong ouderdom?

Parkrun is 'n Saterdagoggend-tradisie vir baie families. Hazel Janse van Rensburg gesels met Bruce Fordyce, die bestuurshoof van Parkrun Suid-Afrika, en met twee jong atlete, oor wat dit so gewild maak.

Toe woorde hom ontbreek, het Damian Jacobs dans gebruik om sy hart te deel. Hy het sy pad oopgedans van Malmesbury af tot op die groot verhoë, en het ’n Fiësta-nominasie onder sy belt. Hy vertel vir Chloè van Rooyen van sy reis as danser, en wat sy droom is vir die jeug van sy gemeenskap.

Wat beteken dit om diensbaar te wees? Barrie Ferreira vind uit wat die waarde daarvan is om ander te dien.

Ons skoolfokus val op Hoërskool De Aar. Ons vind uit wat in hulle water is, en wat hulle spesiaal maak.

Barrie Ferreira vind uit watter beroepe daar agter die skerms by ’n radiostasie beskikbaar is.

Mada Oosthuizen deel wenke om jongmense wat van skool verander, te help om makliker en vinniger by hulle nuwe omgewing aan te pas.

Oor die jare is VOO-kolleges as die stiefkind van tersiêre onderrig gesien, maar hierdie houding is stadig maar seker besig om te verander. Chloè van Rooyen vind uit watter deure ʼn kwalifikasie by ʼn VOO- kollege vir jou kan oopmaak, en hoekom dit dalk ‘n beter opsie as ‘n tradisionele skool is.

Ons vier al die jong vroue in ons Vrouedag-episode.

Vanessa Archer-Delport, die hoof van onderrig en opleiding by Sol-Tech, praat oor praktiese, vaardigheidsgebaseerde loopbaanopsies vir jongmense.

Het jy ‘n passie vir speletjies bou en die agter-die-skerms deel van die ontwikkelingswêreld? Barrie Ferreira kyk na speletjiesontwikkelaar as ‘n studierigting.

Nadia Moolman, die stigter van Nanuki, vertel hoe ons gesond met ons allergieë in gedagte, kan eet sonder om al die lekker dinge in die lewe prys te gee. Vanessa Mhlom, die stigter van Pleroma, vertel van ‘n nuwe manier om jou vitamiene in te neem.

Vier leerders vertel van hulle ondervinding oorsee, waar hulle wetenskapprojekte ten toon gaan stel het.

Barrie Ferreira gesels met ‘n jong uithourit-perdryer, en ‘n Suid-Afrikaanse leerder wat die nuwe onder 18-diskuswêreldrekordhouer is.

As deel van ons matriek-hersieningsreeks fokus ons op wat matrikulante moet weet om goed te presteer in Poësie, wat deel is van Afrikaans Huistaal se letterkundevraestel.

Abrakadabra! Is dit só eenvoudig om ‘n beroep as ‘n kulkunstenaar te volg? Ons gesels met iemand wat meer as 25 miljoen volgelinge op sosiale media het, wat sy kulkunsies volg.

Vier lede van die Stellenbosch Universiteitskoor gesels oor hulle onlangse toer na Denemarke, waar hulle teen 132 kore van 33 lande meegeding het. Hulle moedig studente aan om ook by ‘n koor aan te sluit.

Ons praat met die twee wenners van RSG se matriekafskeidkompetisie om te hoor wat hierdie prys vir hulle beteken.