Wie is ek?

'n Eetversteuring is 'n patroon waardeur mense onbewustelik hul lewensprobleme (issues) probeer hanteer deur te fokus op hul verhouding met kos en met hul gewig. Die persoon vermy sodoende hul emosies oor die dinge wat regtig belangrik is. Kos en gewig raak so belangrik dat dit hulle gevoel oor hulself bepaal en 'n merkbare impak het op hul funksionering, wat lewensgevaarlik kan wees.

Selfdood syfers is hoër hierdie tyd van die jaar, so ons gaan kyk na die ervaring, moontlike tekens en die gevoelens van die agtergblewenis.

Lise Swart vind meer oor wat ons as mense sien as “normale” mense. Is jy normaal? Wil jy so graag inpas? Hoe meet ons wat normale en abnormaal is? Kom vind uit waar jy inpas.

Lise Swart vind meer uitvind oor die teenstrydige diagnose van Nomofobie. Die vrees om van jou selfoon geskei te word. Klink dit vir jou dalk bekend? Raak jy angstig wanneer jou selfoon nie aan jou sy is nie? 

Om alleen te wees, beteken nie noodwendig jy is eensaam nie, maar om mense om jou te hê beteken ook nie jy is nie eensaam nie. Diegene wat eensaamheid ervaar moet na hierdie episode luister, waar daar advies gegee word aan diegene wat niemand het nie, en diê wat wel mense om hulle het, maar eensaam voel.

Hoe gereeld voel dit vir jou dat jou lewensmaat nie hoor wat jy sê nie, jou familie luister nie na jou woorde nie, of jou werkskollegas verstaan nie altyd jou instruksies nie? Hoekom is dit so moeilik vir ander om jou te verstaan? Hoor wat die geheim is van effektiewe kommunikasie.

Word jy maklik kwaad? Só kwaad dat ander mense jou gereeld vra hoekom jy buite beheer raak? Vind meer uit oor afwisselende eksplosiewe versteuring. Dis wanneer ‘n persoon se woede gediagnoseer kan word as ‘n versteuring. Wat staan die individu en geliefdes te doen?

Hoekom sukkel mens soms om groot besluite te neem? Wat hou ons terug, en hoe kan ‘n persoon verseker wees van die beste of “regte” uitkoms? Vind meer uit oor die besluitnemingsproses.

Egskeiding kan op verskeie vlakke geweldig ingewikkeld wees. In baie gevalle is dit net een party wat gevra het vir ’n egskeiding. Hoe moet die ander party met die keuse saamleef? Daar is ook gevalle waar ‘n individu kies om te skei, maar ‘n emosionele insinking ervaar ná die egskeiding. Vind uit hoe om aan te beweeg ná ’n egskeiding.

Liggaamsdismorfiese versteuring (BDD) is 'n geestesgesondheidstoestand waar 'n persoon baie tyd spandeer om te bekommer oor gebreke in hulle voorkoms. Hierdie gebreke is dikwels onopvallend vir ander. Mense van enige ouderdom kan BDD ervaar, maar dis die algemeenste by tieners en jong volwassenes. Dit raak sowe mans as vroue.

Hoekom mag ouers nie voor hulle kinders argumenteer nie? Dis nie asof die kind dit sal onthou nie... of is ons verkeerd? Onthou kinders die argumente? Wat leer jou kinders daaruit? Wat is die langtermyngevolge van argumentering in die gesinshuis?

Voel jy vasgevang in jou beroep of verhouding, maar tog is daar eintlik niks verkeerd nie. Jy het die gepaste persoon in jou lewe; jy het die beroep gekies wat jy altyd wou hê; jy verdien dalk die perfekte salaris, maar tog voel jy nie vervul nie. Hoe kom mens uit hierdie hok wat jou so vasvang?

Hoekom is dit nodig om jou brein te oefen om te leer? Kan legkaartbou of Suduko waarlik ‘n verskil maak? Of moet mens ekstreme stappe doen soos om nuwe instrumente te leer speel? Vind watter positiewe uitwerking breinoefeninge op jou geestesgesondheid het.

Indringer-sindroom is 'n gedragsverskynsel wat beskryf word as selftwyfel van intellek, vaardighede of prestasies onder hoogpresterende individue. Hoe erken mens die tekens? Wat is die langtermyn effek? Hoe kan mens keer dat hierdie sindroom jou toekoms en toekomsdrome kniehalter?

Wat is iemand se identiteit? In die mees algemene sin van die woord kan ons identiteit definieer as 'n persoon se sin van self, gevestig deur hulle unieke eienskappe, affiliasies en sosiale rolle. Boonop het identiteit kontinuïteit, aangesien 'n mens voel om, oor tyd, dieselfde persoon te wees ten spyte van baie veranderinge in omstandighede. Tog kan iemand se identiteit hulle terughou in die lewe...

Alzheimer se siekte is 'n vorm van demensie wat probleme veroorsaak met geheue, denke en gedrag. Simptome ontwikkel gewoonlik stadig en vererger met verloop van tyd, wat ernstig genoeg raak om in te meng met daaglikse take. Vind meer uit oor die diagnose, en hoe die individu en familie dit kan bestuur.

Om uit jou gemaksone te klim, kan ‘n verskil aan jou lewenskwaliteit maak, selfs al is jou pogings nie altyd suksesvol nie. Kom vind uit hoe, en hoekom ons almal bewus moet wees van ons gemaksones en die uitwerking wat dit op ons lewe het.

Die wêreld gons oor geestesgesondheid, en hoekom ons meer bewus moet wees, maar is dit waarlik so belangrik? Kan dié kennis ‘n persoon se lewe en lewenskwaliteit verbeter? Kom vind uit hoe die navorsing deur die jare die belang van geestesgesondheid gestaaf het, en hoe jy jouself kan help.

Navorsing wys hoe die mensdom al hoe meer ongelukkig is ná die ontstaan van sosiale media. Wat is geluk? Hoekom sukkel ons om gelukkig te wees?

Die pad ná ‘n betekenisvolle verlies kan gevul wees met angs, pyn, onsekerheid en baie vrae. Hoe kan mens daardeur kom? Hoekom kom sekere mense makliker daardeur as ander? Ons kyk na verlies in kronologiese tyd en emosionele tyd.

Hoe weet ouers hulle doen die beste vir hulle kind? Waar is die lyn tussen ‘n gesonde verhouding en dalk ‘n moontlike toksiese verhouding? Kan ouers hulleself toets, en verander?

Navorsing wys dit verg ‘n sterk ondersteuningstelsel om ‘n persoon te help veg teen afhanklikheid en verslawing. Hoekom is almal nodig? Hoekom kan die individu nie self verantwoordelikheid neem, en self ophou nie? Watter lokvalle is daar waarvan geliefdes bewus moet wees?

Wat is die verskil tussen ‘n traumatiese ervaring en sielkundige trauma? Wat is die redes hoekom sekere gebeure mense anders affekteer? Wat is die mees effektiewe behandeling om trauma te verwerk?

Was jy al aan die ontvangkant van iemand wat jou dood geswyg het? Die persoon het sonder enige verduideliking alle kommunikasie gestop, en al jou kommunikasie geblok. Hoekom doen mense dit? Watter effek het dit op die ontvanger van hierdie gedrag? Kom kom leer meer oor doodswyging (ghosting).

Vandag nog word daar gereeld gebruik gemaak van elektrokonvulsieseterapie, of skokterapie. Waarvoor word dit gebruik? Watter verskil kan hierdie vorm van terapie maak aan ‘n individu se depressie en lewenskwaliteit? Wat is die gevare, en wat is die pluspunte?