Wie is ek?

Die algemene kenmerke van ‘n narsistiese persoonlikheidsversteuring is ‘n oormatige beheptheid met selfbeeld en mag, en om die regte beeld voor te hou. Die persoon het oënskynlik baie selfvertroue, maar die verskil tussen dié versteuring en “normaliteit” tree in wanneer die persoon se lewenskwaliteit en verhoudings daaronder lei. Wat is die verskil tussen ‘n openlike narsis en ‘n bedekte narsis. W...

Om iemand te vergewe beteken nie dat jy die skade wat jou aangerig is, vergeet of verskoon nie. Vergifnis bring ‘n soort vrede wat jou help om aan te gaan met jou lewe. Die proses van vergifnis kan selfs lei tot gevoelens van begrip, empatie en deernis vir die betrokke partye. Maar dis makliker gesê as gedaan. Hoor hoekom vergifnis ‘n kardinale rol speel in die proses om mooi na jouself kyk.

Herhalingsdwang is ‘n sielkundige verskynsel waarin ‘n persoon ‘n gebeurtenis, gedrag of gedagtes oor en oor herhaal, met die verwagting dat die uitkoms dalk sal verander. Ons breine is geprogrameer om sekere omstandighede te herhaal, om sin te maak daaruit. Maar hoe kan mens die mallemeule stop en ander gedrag toon, of die patroon verander?

Vir ouers van tieners is daar sekerlik min dinge so moeilik om te hanteer soos die eerste liefdesverhouding,  veral wanneer jy nie saamstem met jou tiener se keuse nie. Hoe kan ouers die onderwerp aanraak sonder om ‘n oorlog in die huishouding te veroorsaak, en om seker te wees dat jou tiener die implikasies van hulle keuse verstaan?

Haaruittreksteurnis is 'n sterk behoefte om jou eie hare uit te pluk. Soos piromanie en kleptomanie, voel die persoon gespanne voor die aksie, en verligting daarna. Dit is waar die persoon herhaaldelik kophare, wenkbroue en/of wimpers uittrek. Soms kan 'n persoon met haaruittreksteurnis selfs baarde, onderarmhare of pubiese hare uitpluk. Hierdie steurnis word nie geassosieer met pyn nie. Die aksie...

Is jy in ‘n verhouding (enige verhouding) waar die ander persoon meer as gereeld irrasioneel optree, baie jaloers of besitlik is, en gereeld vloermoere gooi? Voel jy die gedrag is meer intensief as hoe 'n "gewone" mens sou optree? Ons kyk na grenslyn-persoonlikheidsversteuring - ‘n diagnose wat baie kwessies in ‘n verhouding kan verklaar.

Lise Swart praat met voorligtingsielkundige Luricka Fick gesels oor die ridder-kompleks. Dis vroue wat verwag dat mans hulle moet red, of perfek moet wees. Hoekom gebeur dit?

Mede-afhanklikheid word geassosieer met verhoudings waar verslawing ‘n rol speel, maar in baie verhoudings is die een party meer afhanklik van die ander, en dit veroorsaak ‘n ongesonde balans van mede-afhanklikheid. Hoe kan mens bewus wees daarvan en die grense verstel om ‘n meer gelukkige, onafhanklike verhouding te kweek?

Ons kyk na die mag van motivering. Wil jy graag ‘n doelwit bereik (gewig verloor, ‘n nuwe vaardigheid aanleer, jouself verbeter), maar kry dit nie reg om jouself te motiveer om die nodige stappe te doen nie? Ons kry raad oor hoe om jouself te motiveer, en hoekom jy dit moet doen.

Ons kyk na die baie voordele wat 'n dagboek inhou vir ‘n persoon se geestesgesondheid. Voor jy besluit dat 'n dagboek nie vir jou is nie, luister eers na hierdie episode oor hoe dit jou lewenskwaliteit kan verbeter.

Isolasie en die soeke na intimiteit is van die kenmerke wat seks- en pornografieverslawing aanwakker - kenmerke wat deur die pandemie vererger is. Hoe kan geliefdes ‘n persoon ondersteun om die nodige hulp te kry? Wanneer is dit ‘n diagnoseerbare verslawing?

Meer en meer mense emigreer, en los hulle familie, vriende en meestal ouers agter met die lewende verlies. Hoe kan ouers aanpas? Wat ervaar hulle? Hoe kan die kommunikasiekanale oopgehou word?

Draai jou gedagtes om en om in jou kop soos die wasgoed in die wasmasjien? Raak jy soms obsessief oor nietige dinge, en sukkel jy om aan te beweeg? Hoe kan jy ophou om alles te oordink?

Wanneer ons sien hoe ‘n persoon aangeval of geboelie word, maar ons doen niks, is ons net so skuldig? Hoekom huiwer ons? Ons almal wil tog help? Hoor wat die navorsing vir ons sê oor die omstandereffek, en hoe ons ons kinders (en onsself) kan leer om meer van hulp te wees.

Ons weet oefening is baie belangrik vir die ontwikkeling van kinders, maar nuwe navorsing wys hoe ongestruktureerde speel, soos hardloop, geweldige voordele inhou vir kinders se gemoed, breinontwikkeling en algehele geluk.

Van tyd tot tyd verskil ons menings, idees, waardes en nog meer van ander s’n, veral in nabye verhoudings. Ons kyk na hoe om konflik op die mees effektiewe manier te hanteer.

Orals word hierdie woorde gebruik: Dit is OK om nie OK te wees nie. Maar is dit regtig OK? Hoe weet mens wanneer om vir hulp te gaan, of om dalk net ‘n paar veranderinge aan jou roetine te bring?

In ‘n vorige episode is die onderwerp van perfeksionisme aangeraak. Soveel mense het daarop gereageer dat ons ‘n opvolgepisode aangepak het waarin ons gesels oor opsies oor hoe om jou perfeksionisme baas te raak.

Elke jaar hierdie tyd neem selfdood toe. Alleenheid en eensaamheid word beklemtoon deur die Kersgees. Wat sê die navorsing oor selfdood en die verband met Kersfees?

Mense verwys graag na hulleself as ‘n meer linkerbrein of regterbrein soort mens. Wat beteken dit? Is dit waar dat een breinhemisfeer belangriker funksies verrig as die ander? Wat beteken dié kennis vir ‘n persoon se geestesgesondheid?

Ons almal wil die beste moontlike weergawe van onsself uitleef, maar wat is dit? Hoe is jy seker jy leef nie volgens ander se standaarde nie, of dat jy jouself fnuik oor wat jy wil wees? Vind meer uit oor hoe ons eie idee van perfeksionisme ons gereeld in die voet kan skiet.

Kan jy ‘n goeie ouer wees as jou eie ouers nie was nie? Ons kyk na hoe jy jou eie bagasie kan herken, hoe om nie dieselfde foute te began nie, en hoe om toets of jy nog op die “regte” pad is.

Psigose, paranoia en dilusies val onder die term om ‘n breuk met realiteit te ervaar. Interessant genoeg word hierdie ervarings nie net met skisofrenie geassosieer nie, maar ook met depressie, angs en Covid-19!

Ons almal gebruik die woord uitbranding, baie maklik in ons daaglikse omgang met mekaar, maar hoekom lê die mediese wêreld soveel klem op die erns van daarvan? Vind meer uit oor die simptome en hanteringsvaardighede in hierdie opvolggesprek oor uitbranding.

Daar is mense wat ontrou is in verhoudings. Een keer, twee keer, selfs meer. Maak dit van hulle ‘n reeksverkuller?