Wie is ek?

Hoe kan jy met jou kind oor selfdood praat, sonder om ‘n moontlike saadjie te plant?

Twee ouers vervul verskillende aspekte van ‘n baba en kind se lewe. Hierdie rolle sal lewenslank uitspeel in hoe die individu verhoudings handhaaf en sekere keuses maak. Hoe kan ‘n enkelouer hierdie rolle vervul? Moet hy/sy alles probeer wees vir die baba/kind? Kom vind uit wat die beste vir jou kind is wanneer jy ‘n enkelouer is, geskeide ouer en selfs ‘n enkelouer binne ‘n huwelik.

Beurtkrag is nou deel van ons alledaagse wêreld, maar watter uitwerking het dit kollektief op ons as burgers? Hoe kan ‘n individu seker maak hulle “cope” met die konstante gevoel van onsekerheid?

Om die rol van versorger te vervul, kan baie druk op meeste verhoudings plaas, wat nog te sê wanneer die pasiënt nie van die versorger hou nie, of die versorger nie van die pasiënt hou nie. Mens kyk dan na uitbranding, afknouing, depressie en nog meer. Hoe hanteer mens die situasie?

Is jy ongelukkig in jou verhoudings? Voel jy meeste van die tyd angstig vir verwerping of oorreageer jy op jou verhoudingsmaat se woorde? Ons kyk na hegtingstyl tussen ‘n ma (of primêre versorger) en ‘n baba, en hoe dit die baba se verhoudings lewenslank sal bepaal.

Voel jy vasgevang in jou beroep, of voel jy dinge was nog nooit weer dieselfde ná Covid-19 nie? Waar lê die probleem - by jou beroepskeuse of dalk by die organisasie se kultuur? Ons kyk na organisasies of besigheid se werkskultuur, en watter rol dit vervul in sowel die werknemer as die werkgewer se geestesgesondheid en finansiële bestuur.

Meer en meer vroue sukkel om swanger te word. Wat is die redes hiervoor? Hoe verwerk verhoudingsmaats die verlies van ‘n lewenslange droom, terwyl hulle ‘n nuwe betekenis vind?

Volgens navorsing is daar baie gevare vir tieners wat cannabis gebruik. Nie net is dit ‘n dwelm wat verslawing kan veroorsaak nie, maar daar is ook bewyse van ernstige neurologiese probleme wat hulle moontlik kan ervaar. ‘n Kliniese sielkundige en ‘n narkotiseur praat oor die uitwerking wat cannabis mootlik op tieners kan hê.

Ons kyk na klouerige kinders en klouerige ouers. Wanneer is die gedrag verstaanbaar? Wanneer kan die gedrag moontlike negatiewe implikasies inhou? Hoekom moet ouers baie meer bewus hiervan wees?

Ons wil amper dadelik weet wat verkeerd is wanneer dinge nie goed voel nie. Maar wat as jy begin glo wat jy lees? Wat as jy onwrikbaar saamstem met jou selfdiagnose? Tot die punt waar dit meer skade aanrig. Vind uit hoe om te self diagnoseer tot op ‘n punt van verstaan.

Ons almal het ‘n interne stem, selfs al is ons nie bewus daarvan nie. Wanneer jy besluite maak, praat jy met jouself. Wanneer jy oordeel, praat jy met jouself. Jy praat tien teen een meer met jouself as met ander mense. Watter verskil maak bewusmaking van hierdie stem, en hoe kan hierdie stem (jou stem) die antwoord wees op al jou vrae en ongeluk?

Ervaar jy elke dag kroniese pyn? Hoe belangrik is dit om hierdie pyn sielkundig aan te pak? Kan dit waarlik ‘n verskil maak aan die ervaring en hantering daarvan?

Stille bedanking is ‘n beweging wat vlam gevat het onder die nuwe generasie werknemers. Doen wat jy moet doen tydens jou werksure, maar jou ware lewe is buite die werksmure. Ons kyk na hierdie manier van dink, waar dit vandaan kom, of die ouer generasie meer agting moet bied, en wie baat hieruit, of nie?

Wat is ‘n middeljare-krisis? Wanneer is dit net ‘n lewenfase, en wanneer is dit ‘n krisis? As hierdie nie ‘n sielkundige diagnose is nie, hoekom is dit soms nodig om sielkundige hulp te kry?

Om te verstaan wie iemand is, wat hulle gelukkig of ongelukkig maak, moet ‘n mens waardesisteme verstaan. Hoe meer jy bewus is van jou eie waardesisteme, hoe beter sa jy ander mense verstaan en jouself baie moeite en seer kan spaar.

Die meeste van ons verstaan dat wanneer dinge nie goed gaan nie, of jy voel af, is een van die beste maniere om daardeur te werk, om te praat. Is daar ‘n regte of verkeerde manier om te praat? Watter rol vervul geliefdes en vriende in hierdie konteks, en watter verskil kan professionele hulp maak?

Waarna verwys mense wanneer hulle praat van toksiese manlikheid? Hoe kan mans (oud en jonk) vandag ‘n wesenlike verskil maak, en hoe sal dit die toekoms van ons verhoudings, en selfs ons land, kan verander?

Seksuele mishandeling in ‘n persoon se kinderjare kan ‘n geweldige uitwerkingop hulle hê in hulle volwasse jare. Hoe verwerk mens trauma wat jare gelede plaasgevind het, en is daar hoop?

Depressie is die siekte van ons tyd. Ons kyk na die term, swart hond, die tekens van depressie, die behandeling, die wanpersepsies, en hoe dit die indiwidu affekteer.

Ons kyk na die verwoestende effek van swangerskapverlies. Hoe kan mens hierdie ontasbare verlies verwerk, en terselfdertyd die samelewing se oortuigings teenstaan?

‘n Vraag wat sekerlik deur elke mens op aarde, die een of ander tyd gevra word, is: Wat is die doel van my lewe? Hoe beantwoord mens die vraag eerlik en gepas? Kom vind uit hoe om jou doel in die lewe te identifiseer.

Die jaar staan einde se kant toe, en baie mense begin nou vrae vra oor hulle doelwitte en hulle betekenis in die lewe. Wat as mens vashaak in hierdie negatiewe vrae? Wat as die angs te veel word, want jy het nie antwoorde nie? Ons kyk na eksistensiële angs, en hoe dit amper almal affekteer.

Wanneer moet ouers begin bekommerd raak dat hulle kind se vloermoere te veel raak? Wanneer is dit nie meer gepas vir hulle ouderdomsgroep om aggressief op te tree nie? Wat beteken dit wanneer jou kind geen beheer het oor hulle woede-uitbarstings nie?

Daar is mense wat ander vir alles blameer, of mense wat hulleself vir alles blameer, en mense wat glad nie die verskil raaksien nie. Voel jy jy is vasgevang in ‘n net van blamering waaruit jy nie kan ontsnap nie? Vind uit hoe om jouself te help, en dalk ander ook.

Het jy ‘n tipe A of ‘n tipe B persoonlikheid? Waarna verwys jy wanneer jy jouself in een van hierdie kategorieë plaas? Is hierdie groepering relevant? Is dit voor- of nadelig vir jou vooruitgaan in die wêreld? Lise Swart vind meer uit oor persoonlikheid- en gedragstipes.