Wie is ek?

Hoekom is dit nodig om jou brein te oefen om te leer? Kan legkaartbou of Suduko waarlik ‘n verskil maak? Of moet mens ekstreme stappe doen soos om nuwe instrumente te leer speel? Vind watter positiewe uitwerking breinoefeninge op jou geestesgesondheid het.

Indringer-sindroom is 'n gedragsverskynsel wat beskryf word as selftwyfel van intellek, vaardighede of prestasies onder hoogpresterende individue. Hoe erken mens die tekens? Wat is die langtermyn effek? Hoe kan mens keer dat hierdie sindroom jou toekoms en toekomsdrome kniehalter?

Wat is iemand se identiteit? In die mees algemene sin van die woord kan ons identiteit definieer as 'n persoon se sin van self, gevestig deur hulle unieke eienskappe, affiliasies en sosiale rolle. Boonop het identiteit kontinuïteit, aangesien 'n mens voel om, oor tyd, dieselfde persoon te wees ten spyte van baie veranderinge in omstandighede. Tog kan iemand se identiteit hulle terughou in die lewe...

Alzheimer se siekte is 'n vorm van demensie wat probleme veroorsaak met geheue, denke en gedrag. Simptome ontwikkel gewoonlik stadig en vererger met verloop van tyd, wat ernstig genoeg raak om in te meng met daaglikse take. Vind meer uit oor die diagnose, en hoe die individu en familie dit kan bestuur.

Om uit jou gemaksone te klim, kan ‘n verskil aan jou lewenskwaliteit maak, selfs al is jou pogings nie altyd suksesvol nie. Kom vind uit hoe, en hoekom ons almal bewus moet wees van ons gemaksones en die uitwerking wat dit op ons lewe het.

Die wêreld gons oor geestesgesondheid, en hoekom ons meer bewus moet wees, maar is dit waarlik so belangrik? Kan dié kennis ‘n persoon se lewe en lewenskwaliteit verbeter? Kom vind uit hoe die navorsing deur die jare die belang van geestesgesondheid gestaaf het, en hoe jy jouself kan help.

Navorsing wys hoe die mensdom al hoe meer ongelukkig is ná die ontstaan van sosiale media. Wat is geluk? Hoekom sukkel ons om gelukkig te wees?

Die pad ná ‘n betekenisvolle verlies kan gevul wees met angs, pyn, onsekerheid en baie vrae. Hoe kan mens daardeur kom? Hoekom kom sekere mense makliker daardeur as ander? Ons kyk na verlies in kronologiese tyd en emosionele tyd.

Hoe weet ouers hulle doen die beste vir hulle kind? Waar is die lyn tussen ‘n gesonde verhouding en dalk ‘n moontlike toksiese verhouding? Kan ouers hulleself toets, en verander?

Navorsing wys dit verg ‘n sterk ondersteuningstelsel om ‘n persoon te help veg teen afhanklikheid en verslawing. Hoekom is almal nodig? Hoekom kan die individu nie self verantwoordelikheid neem, en self ophou nie? Watter lokvalle is daar waarvan geliefdes bewus moet wees?

Wat is die verskil tussen ‘n traumatiese ervaring en sielkundige trauma? Wat is die redes hoekom sekere gebeure mense anders affekteer? Wat is die mees effektiewe behandeling om trauma te verwerk?

Was jy al aan die ontvangkant van iemand wat jou dood geswyg het? Die persoon het sonder enige verduideliking alle kommunikasie gestop, en al jou kommunikasie geblok. Hoekom doen mense dit? Watter effek het dit op die ontvanger van hierdie gedrag? Kom kom leer meer oor doodswyging (ghosting).

Vandag nog word daar gereeld gebruik gemaak van elektrokonvulsieseterapie, of skokterapie. Waarvoor word dit gebruik? Watter verskil kan hierdie vorm van terapie maak aan ‘n individu se depressie en lewenskwaliteit? Wat is die gevare, en wat is die pluspunte?

Watter langtermyneffek het dit op ‘n kind wat die ouerbed deel? Kom vind uit wat die kenners en navorsing hieroor sê.

Hoe afhanklik is jy van jou selfoon, sosiale media en skootrekenaar? Is dit belangriker as jou familie en vriende, of selfs jouself? Kom vind uit watter prys jy betaal vir die tegnologie in jou lewe.

Navorsing wys dat pa’s wat by hulle kinders betrokke is, ‘n groot verskil kan maak in die land se geslagsgeweldstatistiek. Wat maak ‘n pa se rol so belangrik? Hoekom sukkel pa’s om hierdie skoene vol te staan? Hoor hoe pa’s waarlik saak maak in Suid-Afrika se toekoms.

Ons bespreek bi-polêre versteuring. Hoe verskil bi-polêr 1 en 2 van mekaar. Wat is die tekens, en hoe word dit behandel?

Ervaar jy jou werksomgewing as negatief, maar weet nie hoe om dit te verander nie, behalwe om van beroep te verander? Wat as daar meer opsies is?

Bepaal jou ouers se opvoeding wie jy vandag is? Is dit regverdig om jou ouers te blameer vir die issues wat jy vandag ervaar? Die antwoord sal jou dalk skok. Kom vind uit hoe wie jy vandag is, bepaal is deur jou ouers/opvoeders se gedrag.

Daar word gereeld gesê dat jy jouself moet lief hê om geluk in die lewe te bereik. Is dit waar? Wat beteken selfliefde? Hoe lyk iemand wat hulle self lief het? Wanneer is dit narsisme?

‘n Onsekere toekoms kan baie spanning veroorsaak. Tans is ons vasgevang in die web van kunsmatige intelligensie, sonder om seker te wees wat die uitwerking sal wees op ons toekomstige beroepe, gesondheid en geestesgesonheid. Hoor hoekom hierdie belangrik is om dit nou al te begin bespreek.

Vaskulêre demensie is die tweede mees gediagnoseerde vorm van demensie. Wat is die oorsake van hierdie dodelike siekte? Kan mens voorkomend leef? Wat is die tekens en die behandelingspad?

Lise Swart kyk na die outismespektrum en waar neurotipiese mense hulle verkeerd verstaan. Ons gee raad aan ouers en verduidelik hoe die neurotipiese wêreld sagter kan kyk na die neurodiverse wêreld.

Hoe realisties is jou verwagtinge van jouself, jou familie en jou verhoudigs? Hoe beïnvloed dit jou geluk? Vind uit hoe om rustiger en meer realisties te wees met jou verwagtinge.

Wat beteken dit om betekenis in jou lewe te hê? Waar kry mens betekenis? As jy nie betekenis vind nie, wat beteken dit vir jou geestesgesondheid?