Wie is ek?

Hoekom verduur slagoffers van mishandeling die emosionele en fisieke pyn? Wat keer hierdie slagoffers om nie hulle lewensmaats aan te kla nie? Luister na Susan (skuilnaam) se verhaal van jare se emosionele, fisieke en seksuele mishandeling deur haar groot liefde - haar man. Waarskuwing: die inhoud van Susan se storie mag sensitiewe luisteraars ontstel.

Wat veroorsaak depressie? Is medikasie nodig? Diagnoseer dokters te maklik depressie? Mag jy 'n depressie-diagnose ignoreer as jy voel dis onwaar?

Ons almal ervaar druk van die lewe. Sommige van ons kry dit reg om hierdie spanning en angstigheid vining te verwerk. Ander sukkel jare lank, en baie van ons ignoreer dit. Wat is die langtermyn implikasies as mens die tekens ignoreer?

Louis en Lise bespreek twee luisteraarsbriewe wat handel oor paartjies wat as gevolg van omstandighede, steeds hulle spasie en tyd moet deel nadat hulle verhoudings beëindig is.

Voel jy hulpeloos, of dalk hopeloos? Hoe lank voel jy al so? Net vandag, die afgelope week, of dalk al jare? Louis en Lise kyk na die verskil tussen hulpeloosheid en hopeloosheid, waar depressie in die prentjie inpas, en hoe jy kan terugveg.

Ons hoor gereeld hoe ouers kla oor hoe moeilik of geheimsinnig hulle tieners is, maar hoe ervaar tieners hulle ouers? Louis en Lise bespreek twee briewe van tieners, wat handel oor algemene situasies oor tiener-ouer-verhouding.

Louis en Lise gaan voort met Sandra se storie oor haar seun, wat as gevolg van baie omstandighede probeer het om sy eie lewe te neem. Hoe het dit haar sielkundig geaffekteer? Hoe leef sy saam met alles wat al gebeur het, en wat nog moontlik kan gebeur?

Dit is nie makllik om te verwerk wanneer jongmense probeer om hulle eie lewe te neem nie, veral nie vir die ouers nie. Sandra vertel van haar seun se verskeie pogings om sy eie lewe te neem. Sy vertel hoe dit haar lewe geraak het.

Louis en Lise bespreek 'n brief van 'n luisteraar wat raad wil hê oor 'n vriendskap van meer as 30 jaar: "Ons vriend gee dikwels aanstoot wanneer die vriende by mekaar is, en wanneer iets hom irriteer. Hy sal dan sy irritasie te kenne gee deur onvanpaste dinge te sê wat almal se dag of uitstappie bederf."

Dit is reeds bewys dat oormatige, aanhoudende stres ons siek maak, selfs ernstig. So hoekom kry ons dit nie reg om beter na onsself te kyk nie? Hoe weet jy iets is nie pluis met jou gemoed, jou denke of jou gedrag nie? Kan jy jouself toets? En hoekom moet jy jouself eerste beskerm, voor ander?

Wanneer beheer van jou af weggeneem word, of dit nou is weens 'n onverwagse verkeersknoop, ander mense se besluite wat jou planne in die wiele ry, of iemand wat namens jou besluite neem, raak die meeste van ons gefrustreerd, kwaad, angstig of depressief. Louis en Lise gesels oor hoe om beheer te neem en te laat gaan, en hoe om te weet wanneer iemand beheer van jou lewe geneem het.

Is jy 'n mens? Ervaar jy emosies? Dink jy soms aan jouself of die mense om jou? En wanneer jy sukkel met iets, of dit nou met jou gemoed of beroepskeuse is, of omdat jy sommer net ongelukkig is, wat dan? Louis en Lise kyk na hoekom 'n sielkundige nog vir die meeste mense 'n laaste opsie is – die een persoon wat opgelei is om jou te help beter voel.

Ons word elke dag gekonfronteer deur geweld en misdaad in die land, maar hoe affekteer dit jou? Is jy enigsins bewus daarvan dat dit daaglikse angs of selfs depressie kan veroorsaak? En wanneer 'n geliefde regstreeks geraak word deur misdaad of geweld, hoe kan jy die persoon ondersteun? Sekondêre post-traumatiese stres word al hoe meer 'n realiteit, en kan nie meer geignoreer word nie.

Wanneer jy kwaad word vir iets, of iemand, wat gebeur dan? Kan jy jou gedrag beheer, of eskaleer jou woede vinnig buite beheer? Soos wanneer jy in die verkeer sit, of wanneer jou kind nie vir jou luister nie, of wanneer jou man jou kwaad maak… Louise en Lise kyk na hoe jy jou woede kan beheer, want selfs al is woede 'n normale emosie, kan jou gedrag lewensveranderende implikasies inhou.

Is daar 'n persoon in jou lewe wat aanhoudend, tydig en ontydig, by jou huis opdaag omdat hulle 11 jaar gelede daar gewoon het? Of sien jy hoe jou gestremde broer jou ouers manipuleer en hulle emosioneel uitput? Louise en Lise bespreek hierdie twee uiteenlopende briewe van luisteraars.

Hoe gemaak met volwasse boelies?

Voel jy soms, as volwassene, dat jou ouers jou nie 'n kans gee om keuses te maak oor jou eie lewe nie? Of is jy dalk 'n ouer van 'n volwasse kind wat gefrustreerd is met die foute wat jou kind maak? Louis en Lise kyk aan die hand van luisteraarsbriewe na twee situasies wat die kompleksiteite en frustrasies uitwys in die ouer-(volwasse)kind verhouding.

Hoekom is die selfdiagnose van sielkundige toestande op die internet nie altyd die regte diagnose vir JOU nie? Wanneer moet jy besef daar is regtig iets verkeerd?

Om te sien hoe 'n geliefde besig is om kontak met realiteit te verloor, is vreesaanjaend. Dis ook vreesaanjaend om deur 'n werkskollega dopgehou te word, of selfs agtervolg te word.

Het jy betekenis in jou lewe, soos 'n doel of doelwitte? Is jy geukkig met die keuses wat jy gemaak het, of wil jy graag weet hoe jy jou lewenskwaliteit kan verander, of dit nou in jou beroep of jou persoonlike lewe is?

Wat is 'n reeksverkuller? En hoe ondersteun jy 'n vriend of vriendin wanneer jy nie meer hulle aanhoudende geklaery kan hanteer nie?

Elke nuwe jaar is gevul met nuwe uitdagings. Voel jy jy het die nodige selfvertroue om hierdie uitdagings aan te pak? Hoe kan jy jou selfvertroue en selfbeeld verbeter?

Louis en Lise bespreek luisteraarsbriewe oor hoe om jaloesie tussen vriende te hanteer, veral wanneer dit op jou gemik is. En wat staan jou te doen wanneer jou geliefde jou isoleer van jou familie en vriende?

Kom jy goed oor die weg met jou skoonouers? Voel jy dit is jou plig om die band met aangetroude ouers te versterk, of jou lewensmaat s'n? Louis en Lise gesels ook oor hoe om jou vriend of vriendin in nood te ondersteun.

Met die vakansietyd om die draai sien almal uit na 'n ruskans, maar hoe weet jy wat jy beplan het, is genoeg? Sal jy jou battery kan herlaai? En diegene wat nie met vakansie gaan nie, hoe kan hulle steeds hulle battery herlaai?