Wie is ek?

Ons het almal iets wat ons oor droom, of iets wat ons voel ons móet bereik. Lise Swart kyk na hoe om doelwitte aan te pak, en hoe om jou motivering te vind om die plan deur te voer.

Deel van die Suid-Afrikaanse kultuur is dat ons nie altyd seker is wanneer, of hoe, om nee te sê, of selfs ja te sê nie. Hoekom is dit so moeilik? Watter verskil kan die aanleer van hierdie vaardigheid aan jou geluk maak?

Gesinsmoord - Indien 'n persoon nie meer wil lewe nie, hoekom sal hy sy hele gesin se lewe ook neem? Hoor wat die navorsing hieroor sê, hoekom Suid-Afrika se gesinsmoordsyfer so hoog is, en watter tekens daar is.

Wat ervaar 'n persoon wat gediagnoseer word met Alzheimer se siekte? Watter rol speel medikasie? Waar kan mens die regte diagnose kry?

Suid-Afrika se winter is in volle swang, en hiermee saam kom 'n toename in selfdood. Kombineer seisoenale depressie met die druk en stres van ons omstandighede, en ons is in die moeilikheid. Vind meer uit oor die tekens waarvan jy bewus moet wees, hoe om vir hulp te vra, en hoekom ondersteuning van kardinale belang is.

Daar is verskeie stappe wat gedoen moet word voor verhoudingsmaats die opsie van egskeiding/skeiding moet oorweeg. Lise Swart kyk na hierdie stappe, watter faktore in ag geneem moet word, en onder watter omstandighede egskeiding die enigste opsie is.

Outisme: Wat beteken "die spektrum"? Is dit 'n siekte? Wat is die probleemareas vir ouers?

Ons geheue affekteer ons emosies, maar emosies affekteer ook ons geheue. Om beter te onthou, moet jy verstaan hoe jou brein werk, wat jou geheue affekteer en watter oefeninge kan help, want 'n beter geheue kan 'n beter toekoms voorspel.

Neem jou vrese oor die toekoms tans jou lewe oor? Is jy meer gespanne as ooit te vore? Ons kyk na realistiese en onrealistiese vrese, hoe om tussen die twee te onderskei, en hoekom dit belangrik is.

Saam met al die probleme wat gepaard gaan met inperking en 'n onsigbare siekte, het die klaar hoë syfers van huishoudelike geweld toegeneem. Hoekom? Wat sê dit van ons nasie se vaardighede om stres te hanteer? Ons het raad vir slagoffers en hulle geliefdes om effektiewe ondersteuning te bied.

Voel jy meer angstig a.g.v. die inperking? Was jy voor inperking in 'n traumatiese situasie, en nou ervaar jy weer dieselfde simptome? Hoor hoe om jou stres en traumatiese stres van mekaarte onderskei, en hoe om dit self reg te kry om traumatiese stres te voorkom.

Die term gaslighting kom uit 'n film waar 'n vrou tot die afgronde gedryf is deur haar man wat haar emosioneel manipuleer. A.g.v. die film het dit 'n erkende term geword vir 'n sekere vorm van manuipulasie. Is iemand besig om jou so te manipuleer dat jy nie meer in jouself glo nie?

Wat is jou frustrasie-toleransie? Voel jy jou manier om 'n moeilike situasie te hanteer, is aanvaarbaar? Ons help jou verstaan hoe die aanleer van 'n hoër frustrasie-toleransie 'n groot verskil kan maak in hoe jy die wêreld ervaar en verwerk.

Hoor hoe jy as indiwidu jou geliefdes, vriende en jouself kan help om jou emosies beter te bestuur, deur aan te leer om aktief te luister. Deur hierdie vaardigheid aan te leer, kan jy 'n verskil aan ander mense se geestesgesondheid maak – wat selfs 'n verskil aan die ekonomie kan maak.

Hoekom is dit belangrik in vandag se onseker tye om meer in die oomblik te leef. Hoe kan hierdie vaardigheid jou help om stres te verminder, konsentrasie te verbeter en om 'n beter lewenskwaliteit te hê?

Lise Swart en twee ervare sielkundiges beantwoord verskeie vrae van luisteraars. Wie weet, miskien bied een van die antwoorde 'n oplossing vir jou probleem tydens inperking.

Die eerste week van inperking is verby. Wat ervaar mense? Is jy die enigste een wat sukkel om so alleen te wees? Luister na raad oor hoe om te verstaan wat jy ervaar, en om deur die volgende twee weke te kom.

As gevolg van die internet is dit baie makliker vir pedofiele om met kinders kontak te maak. Hoe kan ouers hulle kinders bemagtig om vir hulp te vra, of om self die kontak te stop? Lise Swart help ouers met hierdie dilemma help, en verduidelik hoe jou eie internetgedrag jou kind kan beskerm.

Voel jy die wêreld is teen jou, of dat jou vriende en kollegas by die werk besig is met 'n komplot teen jou? Is jy dalk in 'n verhouding met iemand wat niemand vertrou nie, nie eens vir jou nie? Vind meer uit oor vervolgingswaan (paranoia), om die tekens te herken, en om te verstaan hoekom professionele hulp so spoedig moontlik gekry moet word.

Sukkel jy om aan te beweeg ná jou laaste liefdesverhouding of egskeiding? Vang jy jouself dat jy heeltyd na die persoon se sosiale media kyk, of probeer jy aan maniere dink om die persoon raak te loop? Obsessiewe gedrag kan maklik 'n gewoonte raak as 'n persoon nie verstaan hoekom hulle so voel nie. Lise Swart kyk na liefdesverslawing, en hoe dit iemand se lewe kan oorneem.

'n Grappie hier, en 'n woordjie daar, almal lag, maar vir jou affekteer dit nie net jou waardes nie, maar wie jy is. Lise Swart kyk na seksuele teistering, die sielkundige uitwerking daarvan en hoekom dit in 2020 nog aanvaarbaar is vir mense om nie ander in ag te neem nie.

Om 'n kankerdiagnose te ontvang is traumaties. Lise Swart kyk na die impak wat die diagnose, behandeling (chemo, chirurgie, bestraling) en om in remisie te wees, op jou gemoed en breinfunksionering het. Baie mense funksioneer nooit weer dieselfde na 'n diagnose nie, en ons gaan uitvind hoekom.

Wat is 'n ouer se opsies met terapie vir kinders? Wat gebeur in terapie, en hoe kan dit die kind en ouers baat? Met die toenemende aantal kinders wat angs en depressie beleef, is hierdie episode 'n MOET vir alle ouers en volwassenes betrokke in 'n kind se lewe.

Watter verskil kan kennis oor jouself aan jou lewenskwaliteit en geluk maak? Louis Awerbuck, 'n kliniese sielkundige van Stellenbosch vertel vir Lise Swart wat iemand moet weet van hulleself om meer beheer oor hulle lewe te kan neem.

Lise Swart vind meer uit oor die diagnose van 'n anti-sosiale persoonlikheidsversteuring (beter bekend as 'n psigopaat). Hoe gevaarlik is mense met hierdie diagnose? Wat veroorsaak hierdie diagnose? Kan 'n persoon in 'n verhouding wees met 'n psigopaat?