Wie is ek?

Boeliegedrag is nie net iets wat onder kinders voorkom nie, maar ongelukkig ook onder volwassenes. So ‘n situasie kan geweldig angswekkend en stresvol vir die slagoffer wees, en kan lewensveranderende gevolge teweeg bring. Die span gee raad vir mense wat hulleself in hierdie omstandighede bevind.

Histrioniese persoonlikheidsversteuring is ‘n familielid van narsisme, antisosiale- en grenslyn-persoonlikheidsversteruing. Kan hierdie versteuring net so destruktief wees as die ander? Vir watter tekens moet mens op die uitkyk wees?

Die lewe is nie altyd maklik nie, en hoe meer vaardighede ons het om struikelblokke aan te pak, of om die stressors van die lewe te bestuur, hoe beter. ‘n Ervare opvoedkundige sielkundige laat ouers ‘n oefening aanleer wat toegepas kan word om hulle kinders te bemagtig met die nodige vaardighede.

Dobbelverslawing: Waarvoor moet op die uitkyk wees? Watter hulp is beskikbaar? Hoekom is dit nie so maklik om hierdie verslawing vanself te stop nie?

Ontkenning kan die beste van ons fnuik, so hoe kan mense hulle verhoudings “toets” om te sien of dit goed of sleg is vir hulle?

Ons hoor gedurig ons moet lief wees vir onsself, maar wat presies beteken dit? Wat moet ‘n mens doen om lief te wees vir jouself?

Kersgeskenke – ouers ervaar emosionele en finansiële druk, die kinders ervaar soiale druk, almal verwag iets, maar wat? Kan hierdie druk vermy word? Lise Swart kyk na hoe belangrik kersgeskenke is.

Wat is vertroue? Hoe belangrik is dit om dié konsep te verstaan? Hoe kan ‘n persoon vertroue opbou nadat dit verbreek is.

Pyn (emosionele en fisiek) kan ‘n person se lewenskwaliteit ernstig affekteer. Watter vaardighede kan jy aanleer om met die pyn saam te leef?

Wanneer jy vra, wie is ek?, moet jy kyk na jou verhouding met jou ouers (jou primêre verhoudingsfigure). Hoekom? Watter verskil maak dit aan jou saligheid of geluk, of hoe suksesvol jy jou verhoudings bestuur?

Angstigheid word beskou as die siekte van ons tyd. Ons kyk na die verskil tussen angs en stres, watter tekens om voor uit te kyk, en hoekom dit belangrik is om die verskil te verstaan.

Daar is niks verkeerd met alkoholgebruik nie, maar wanneer alkohol gebruik word om probleme op te los of die lewe te verdoof, dan raak dit ‘n probleem. Die gereelde gebruik van alkohol word sosiaal aanvaar, so hoe weet jy jy het ‘n afhanklikheid of verslawing? Wat is die implikasies van alkoholmisbruik op ‘n psigiese vlak?

Wanneer daar oor emigrasie gepraat word, val die fokus meestal op die individue wat land uit gaan. Maar watter uitwerking het dit op die ouers van die mense wat vertrek? Ons hoor hoe ouers die verlies kan verwerk en daarmee kan saamleef.

Die samelewing beskou nikotien as een van die “makliker” verslawings om te stop. Is dit waar? Hoe kan ‘n roker hom geestelik voorberei om met sukses die verslawing aan te pak?

Geen kind hou noodwendig van skool toe gaan nie, maar in baie gevalle weier ‘n kind volstrek om te gaan. Hoe kan ouers dit aanspreek om so min moontlik konflik of angstigheid te veroorsaak?

Voel jy gereeld jy is nie goed genoeg nie, en dat ander mense nie van jou hou nie? Lise Swart kyk na selfbeeld en watter verskil dit kan maak om meer van jouself te hou.

Watter rol speel ons ouers in hoe ons as volwassenes voel, emosies ervaar en ons algehele geluk?

September is internasionale bewustheidsmaand vir Alzheimer se siekte en demensie-diagnoses. Daar word vanjaar gefokus op die stigma en wanpersepsies.

Hoekom is sekere kinders meer kwaad in die algemeen as ander? Hoe kan ouers help, en wat moet hulle beslis nie doen nie?

Almal van ons maak daagliks bewustelik en onbewustelik belangrike en minder belangrike besluite. Hoe kan ons seker wees ons maak die “regte” besluit? Vind uit wat die mees effektiewe stappe is om by die beste keuse uit te kom.

Wanneer goeie mense slegte goed doen: Hoe gebeur dit? Is almal in staat daartoe om slegte goed te doen? Onder watter omstandighede? Vind meer uit oor hierdie menslike gedrag, en hoe ons eie blindekol ons gedrag kan aanspoor.

Tieners het twee identiteite - 'n realistiese identiteit en 'n aanlynidentiteit. Albei is baie belangrik vir hierdie unieke ouderdomsgroep. Maar dit veroorsaak ook baie plekke waar tieners geboelie kan word. Weens adolessente se natuur, is hulle nie geneig om te sê wanneer hulle ongelukkig is, of geboelie word nie, so waarvoor moet ouers op die uitkyk wees?

Wat beteken dit om 'n betekenisvolle lewe te hê? Hoekom is dit belangrik? Hoe kan ek betekenis vind?

Wat beteken dit om waarlik gelukkig te wees? Hoekom streef die meeste mense daarna, en wat doen hulle verkeerd? Kom vind uit hoe om gelukkig te wees.

Isolasie, alleenheid en eensaamheid was al voor Covid-19 'n probleem, veral onder die ouer geslag. Die probleem is nou erger. Hoe kan ons ouer mense bystaan sonder om die reëls van inperking te breek? Wie moet die verantwoordelikheid neem vir hierdie eensaamheid (die individu of hul geliefdes), en hoe kan ons almal werk aan ons kommunikasie om meer uit gesprekke te kry as net die dag se besonderhe...