Voelgoed Podsendings

As probleme of uitdagings baie groot is, kan dit jou oorweldig. Dit is dan wanneer jy nie te ver vooruit moet dink nie. Konsentreer vir eers net op die volgende tree wat jy moet neem.

Ons wil graag sin maak van die lewe, maar wanneer storms begin woed, is ons geneig om te gaan stilsit en te wag dat dit oorwaai. Moenie jou lewe op die ys plaas midde-in swaarkry-tye nie.

Onaangename gebeurtenisse ontlok sterk emosionele reaksies en bly langer in jou geheue. Wanneer jy deur ’n uitdagende tyd gaan, is dit belangrik dat jy jou gedagtes deurgaans beskerm.

Die mens is bedraad vir humor. Dis ’n basiese behoefte. Lag is noodsaaklik vir ons fisieke en emosionele gesondheid, ons gemoed en ons oorlewing. Moenie dit afskeep nie!

Meet jy jou eiewaarde aan hoe produktief jy is en het uitputting vir jou ’n statussimbool geword? Deesdae word slaap mos as ’n luukse beskou en dien uitputting as ’n bewys dat ons hard werk.

Vrees loop dieper as bekommernis. Dit is potensieel een van die gevaarlikste emosies. Ons vrees almal iets: armoede, eensaamheid, verwerping, mislukking, siekte of die dood.

Ons ingesteldheid bepaal ons beperkings. As jy nie veel van die lewe verwag nie, sal jy ook nie veel kry nie. As jy die oggend opstaan en dink dit gaan ’n aaklige dag wees, moet nie verbaas wees as alles heeldag skeefloop nie.

Ons ingesteldheid bepaal ons beperkings. As jy nie veel van die lewe verwag nie, sal jy ook nie veel kry nie. As jy die oggend opstaan en dink dit gaan ’n aaklige dag wees, moet nie verbaas wees as alles heeldag skeefloop nie.

Jou geluk is jóú verantwoordelikheid. As jy dit besef, word jy vry om voluit te kan leef. Om gelukkig te wees is ’n proses, ’n nimmereindigende reis van ’n duisend keuses per dag.

Jy kan heeltemal van my verskil, maar die meerderheid mense sal met my saamstem: Moenie te vinnig met ’n nuwe verhouding begin nie! Gun jouself die genesingspad om die sterker, wyser en wakkerder vrou te word wat weer kan liefkry.

Jou veranderde verhoudingstatus is jou saak, en net joune. Jou lewe, jou keuses, jou verantwoordelikheid. Jy gaan agterkom dat jy, fisies en emosioneel, sterker is as wat jy gedink het. dit verg nogal ’n mate van “reinvention” en ’n redelike kopskuif.

Egskeiding is geweldig traumaties. Jy, én die kinders, móét hulp kry. As jy besluit om te gaan, gaan jy jouself moet “reinvent”. Jy moet uitvind wie jy is en deur die seer werk.

As jy besluit om jou man te verlaat, moet jy maatreëls te tref om jou en jou kinders se fisiese, finansiële en emosionele veiligheid te verseker. Egskeiding is baie stresvol! Maar jy kan dit oorleef met geloofsvertroue en die regte praktiese optrede en professionele bystand.

Kry perspektief om jou situasie realisties te benader. Afhangende van wat die omstandighede is, is dit belangrik dat jy voorsorgmaatreëls tref in geval dinge gebeur wat jou lewe of jou toekoms bedreig. (Hier word verwys na ekstreme omstandighede.)

As jy enigsins hoop het, as jy enigsins glo daar is ’n kans vir oorlewing vir julle, hou aan om te veg. Daar is soveel mense wat om die verkeerde redes hulle huwelik verlaat. Kry die regte ondersteuning en wees voorbereid op ’n krisis. Verken jou grense en beskerm jouself.

Mense verander nie maklik nie, en beslis nie teen hulle wil nie. Aanpassings en verbeterings vind slegs plaas as die een wat moet verander die situasie so insien en instem om iets te doen daaraan om verskuiwings te bring.

Owerspel word gewoonlik uitgebeeld as die dood van ’n verhouding – die ergste gebeurlikheid, naas die dood van ’n eggenoot. Mense beskou affairs as die hoogste verraad, maar daar is wel paartjies wat van die seer genees en huwelike wat die trauma oorleef.

Jy is dit werd om geliefd te voel in jou slaapkamer. Jy is nie ’n prostituut nie. Jy is baie meer werd! Moenie hierdie rooi lig van die tafel af vee, grappies maak en dit gering ag nie. As daar seksuele afwesigheid en kilheid is, is ’n slaapkamer die koudste plek in die wêreld.

Hoe onderskei ’n mens tussen ’n gesonde verhouding en een waaruit jy jou so gou moontlik moet verwyder? Daar is sekere tekens wat ’n redelike aanduiding van ’n gevaarlike verhouding kan wees – mits jy jou nie blind en doof hou daarvoor nie.

Mishandeling met die vuiste, met woorde of met stilstuipe gebeur gewoonlik nie in die openbaar nie. Dit gebeur agter toe deure. Die hartseer is ook dat die kinders dikwels hier onder deurloop.

#SondagStilword vir Vroue Episode 49

#SondagStilword vir Vroue Episode 48

#SondagStilword vir Vroue Episode 47

#SondagStilword vir Vroue Week 49

#SondagStilword vir Vroue Week 48