Spektrum

Dit blyk dat daar nog geen poging van regeringskant af is om plastiek, wat orals op strande in KwaZulu Natal uitspoel, op te ruim nie. 'n Vragskip is tydens die storm sowat twee weke gelede beskadig en die vrag plastiek het so in die see beland. Die plastiek spoel nou orals op strande uit. Dit is nie nou 'n gevaar nie maar kan op die langduur, in die voedselketting beland. Die minister van Omgewin...

Moenie paniek saai nie, maar wees paraat. Dit is die raad van die Nasionale Instituut vir Oordraagbare Siektes met betrekking tot 'n waarskuwing dat builepes in Suid-Afrika kan uitbreek. Suid-Afrika is een van nege lande wat deur die Wêreldgesondheidsorganisasie gewaarsku is, soos Hanri Wondergem berig.

Vandag sal die Minister van Finansies,Malusi Gigaba sy eerste medium termyn begrotingsraamwerk beleidstoespraak lewer. Te midde van 'n sukkelende ekonomie plaaslik en wereldwyd, beleidsonsekerheid en staatskapingsondersoeke waarby Gigaba se naam betrek word, sal alle oë op die parlement wees vanmiddag. Die ontleders in die ateljee is, Dr Chris Harmse, hoof ekonoom van Rebalance Fonds bestuurders,...

President Jacob Zuma se regsverteenwoordiger, Advokaat Ishmael Semenya, het aan die Hooggeregshof in Pretoria gesê slegs die President kan 'n kommissie van ondersoek aanstel. Die voormalige Openbare Beskermer, Thuli Madonsela, het verlede jaar in haar verslag oor staatskaping bepaal dat President Zuma 'n kommissie moet aanstel. Die hof hoor President Zuma se hersieningsaansoek aan, oor die OB se r...

Die regskenner dr Llewellyn Curlewis oor argumente dat slegs die President 'n kommissie van ondersoek kan aanstel. Die voormalige Openbare Beskermer, Thuli Madonsela, het verlede jaar in haar verslag oor staatskaping bepaal dat President Zuma 'n kommissie moet aanstel. Die hof hoor President Zuma se hersieningsaansoek aan, oor die OB se regstellende optrede soos vervat in haar verslag.

Daar is vanjaar reeds meer plaasaanvalle uitgevoer as die totale aanvalle verlede jaar. Sedert Vrydag is agt plaasaanvalle en twee plaasmoorde aangemeld. Ons praat hieroor met Afriforum se hoof van gemeenskapsveiligheid, Ian Cameron.

Die Minister van Polisie, Fikile Mbalula het vanoggend die misdaadstatistiek vir 2016/2017 aan die polisie-komitee in die Parlement voorgelê. Hy het opgemerk dat misdaad in die algemeen afgeneem het, maar dat misdade soos moord en diefstal 'n toename getoon het. Vir meer hieroor praat ons met 'n onafhanklike misdaadontleder, Dr Chris De Kock.

Inwoners van Kaapstad mag dalk onderbrekings in hulle watertoevoer ervaar, na die metroraad amptelik met waterrantsoenering begin het. Die stap is deel van die metroraad se drie-fase waterrampplan. Vlak 5 waterbeperkings is steeds van krag met damvlakke wat op 38.5% staan.

Die Minister van Finansies, Malusi Gigaba sal môre sy eerste Medium Termyn Begroting Oorsigrede lewer. Die hoofekonoom van die Efficient Groep, Dawie Roodt sê Gigaba kan sy politieke staal wys, deur om moeilike besluite te neem.

Ouers gaan nie voor die voet hof toe gesleep word en van aanranding aangekla word nie. So sê Wessel van den Berg van Sonke Gender Justice. Spektrum het met hom gepraat na verlede week se hofuitspraak oor lyfstraf wat voortaan ook by die huis verbode is. Van den Berg sê die uitspraak hou eerder 'n proses van begeleiding in.

Waar kom die belastingstekort van sowat R40 miljard vandaan? Die hoofekonoom van die Efficient Groep, Dawie Roodt sê swak ekonomiese groei het veral maatskappy belasting ingeperk.

Die stad Tshwane se burgemeestersresidensie word opgeveil, en alle botte is welkom. Die DA-geleide administrasie in die stad het besluit om die huis te verkoop. Die waarde van die eiendom word op R5 miljoen gereken, hoewel die huis vroeër teen 'n koste van sowat R12 miljoen opgeknap is. Die huis gaan binnekort onder die hammer ten spyte van teenkanting van die ANC.

Suid-Afrikaanse kunstenaars is besig om hande te vat teen kunsdiefstal. Dit volg na verskeie kunstenaars die afgelope tyd derduisende rand se kunswerke verloor het.

Die Federasie van Skoolbeheerliggame in Suid-Afrika, sê die voorgestelde wetgewing deur die departement van basiese onderrig om skolebeheerliggame se regte weg te vat is 'n fout. Die wetgewing sal beheerliggame stroop van besluite oor taalkwessies, onderwyser -aanstelling en leerling getalle. Die voorsitter van FEDSAS, Paul Colditz sê hulle is baie bekommerd dat skolekaping plaasvind.

Die tugverhoor van die geskorste Eskom-hoof, Matshela Koko, het nie vanoggend hervat nie. Dit volg na die kragreus die getuienisleier van die verhoor afgedank het. Sebatja Matsaung is afgedank na 'n video van 'n argument tussen hom en die adjunk-redakteur van publikasie Financial Mail, Sikonathi Mantshantsha, die lig gesien het. Matsaung het uitgevaar teen Mantshantsha en gese sy beriggewing oor h...

As jy beplan om binnekort strand toe te gaan, pak sonskerm, 'n hoed, 'n strandhanddoek en 'n sif. Dit is die raad van die direkteur opvoeding by uShaka, Joan Potter. Dit na die groot storm wat in KwaZulu-Natal gewoed het, 'n vrag rou plastiek in die see laat beland het en spoel nou op strande daar uit. Potter sê die plastiekballetjies wat bekend staan as "noodles", is dalk nie nou toksies nie maar...

'n ANC raadslid en 'n werknemer van die Johannesburg Metroraad verskyn vandag in te hof vir die onwettige verkoop van erwe in Midrand. Die erwe behoort aan die metro en is verkoop vir 210-duisend rand. Die ANC het ook tugstappe teen die raadslid ingestel en hom geskors.

'n Australiese navorser, Troy Hunt beweer persoonlike inligting van minstens 30 miljoen Suid-Afrikaners, is aanlyn uitgelek. Melissa Tighy het met die direkteur van die Sentrum vir Kubersekerheid by die Universiteit van Johannesburg, Professor Basie von Solms oor die kuberkraak-aanval gepraat.

Die Hooggeregshof in Grahamstad het die regering se regulasies oor hidrobreking ter syde gestel. 400 grondeienaars het die hof genader, nadat die Minister van Minerale Bronne, Mosebenzi Zwane, regulasies vir die bestuur van hidrobreking in die Karoo bekendgemaak het. Die grondeienaars se regsverteenwoordiger, Derek Light, sê die regering sal nou die proses van vooraf moet begin.

Die Wes-Kaapse Gesondheidsdepartement sê forensiese patologiese dienste in Kaapstad sukkel met die groot werkslas van outopsie gevalle. Die departement sê daar mag dalk vertragings van nadoodse ondersoeke wees.

Die jongste kabinetskommeling beteken dat president Jacob Zuma 133 ministers heen en weer geskuif het sedert 2009. Sommige politici en ontleders meen dit is 'n resep vir onstabiliteit.

Ruimtekenners is gaande oor die waarneming van twee neutronsterre wat in 'n nabygeleë sterrestelsel gebots het. Dit is glo 'n gebeurtenis wat gaan sorg vir talle wetenskaplike ontledings in die toekoms. Izak du Plessis berig.

Die vakbond wat 95% van stakende vlieëniers by die Mango-lugdiens verteenwoordig, sê sy lede sal staak solank dit nodig is om hulle salarisse markverwant aangepas te kry. Die Adjunk hoofsekretaris van Solidariteit, Deon Reyneke, sê die ontwrigting by die goedkoop lugrederye wat deel is van die Suid-Afrikaanse Lugdiens, sal vererger, omdat die plan om die stakende vlieëniers te vervang, onvolhoubaa...

Die tesourie het R40 miljoen aan die Departement van Landbou bewillig om boere in die stryd teen die verspreiding van die aansteeklike voëlgriep te help. Die berekening op die verliese is slegs tot September vanjaar. Miljoene hoenders is al sedert die uitbreek van die siekte in die land van kant gemaak. Die waarnemende direkteur-generaal van die Department van Landbou, Bosbou en Visserye, Mooketsa...

Die dodetal van die Life Esidimeni-tragedie het oor die afgelope 8 maande van honderd en agtien tot honderd een en veertig gestyg. Dit het aan die lig gekom tydens getuienis wat gelewer is tydens die alternatiewe geskil-beslegtings-proses vir families wat deur die tragedie geraak is. Die finale dodetal kan moontlik nog verander. Hanri Wondergem berig.