Spektrum

'n Senior bestuurder van die Tshwane Metro is geskors. Sakereddingspraktisyns vergader met die Suid-Afrikaanse Lugdiens se krediteure. Die naamsverandering proses van die Port Elizabeth lughawe duur voort. En passasiersskepe kan weer reise onderneem.

Die Departement van Basiese Onderwys het die slaagvereistes vir leerlinge in grade 10 en 11 hersien. Die verkoop van gedeeltes van die Edcon-groep aan Retailability is gefinaliseer. George Bizos word ter ruste gelê. Japan het 'n nuwe Eerste Minister. En 'n dokumentêr fokus op die rol van die LGBTQi-gemeenskap tydens die Fees Must Fall-beweging.

Kommer oor die groot aantal plaasaanvalle. Oproepe vir 'n kommissie wat grondhervorming ondersoek. Die jongste kleinhandelsyfers is bekend. En vandag is Wêreld Osoonlaagdag.

Die nasionale ramptoestand is vandag ses maande gelede afgekondig toe die COVID-19-pandemie in Suid-Afrika toegeslaan het. Is daar lewe op ons buurplaneet? En, die ANC erken skuld oor die Zimbabwe-vlug.

Begrafnisondernemers begin vandag staak. Gemengde reaksie op die nuus dat minder ervare nasieners ingespan gaan word. Ons praat met 'n politieke ontleder oor die Zimbabwe vliegtuig-herrie. En, dis herwinningsweek.

Ons praat met'n politieke ontlederoor die uitkoms van die kabinetsvergadering, veral oor die EFF se onlnagse optrede, die goedkeuring van die oprig van nuwe landboukolleges en die totstandkoming van 'n presidensiële klimaatsverandering koordineringskommissie. Die nasionale sekretaris van die Suid Afrikaanse nasionale weermag Unie, sê die regering is die land 'n verduideliking verskuldig oor die AN...

Huldeblyke stroom in na die dood van advokaat George Bizos, en die oud-politikus Roelf Meyer vertel hoekom Bizos so lief was vir die Beeld. Op 'n politieke noot waarsku die joernalis en ontleder Max du Preez, dat die EFF se gewelddadige betogings,'n toets is vir die land se demokrasie wat ons nie kan dop nie. 'n Verslag van die Wêreld Natuurlewe Fonds, The Living Planet Report, toon dat die gemidd...

Clicks winkels se deure is vandag gesluit.; Tien mense is in hegtenis geneem vir die beskadiging van eiendom by Clicks winkels.; Bloemwater is in groot finansiële moeilikheid omdat munisipaliteite nie hulle rekeninge betaal nie.; en die Britse premier, Boris Johnson, sê 'n nuwe handelsooreenkoms met die EU moet teen die 15de Oktober bereik word.

'n Media- en bemarkingsanalis, Chris Broodryk, skryf die Clicks voorval toe aan 'n gebrek aan oorsig.; Suid-Afrika se Bruto Binnelande Produk het aansienlik in die tweede kwartaal gekrimp.; Die Covid-19 dodetal steek die 15-duisend kerf verby.; en die voormalige mejuffrou Doof SA, Chantal Pretorius sê die dra van maskers maak die lewe vir gehoorgestremdes moeilik.

Die EFF eis dat alle Clicks-winkels vir vyf dae hul deure sluit.; Die bestuur van Clicks gaan optree teen die personeellede wat verantwoordelik is vir die haaradvertensie.; Die eerste fiksie-rolprent oor die destydse uitsettings in Distrik Ses, word binnekort aan Suid-Afrikaanse gehore bekend gestel.; en reaksie op die DA se beleidskonferensie besluite.

Twee Eskom kragstasiebestuurders is geskors oor beurtkrag.; 'n Kundige sê die regering moet opleiding aan klein- en medium sakeondernemings verskaf.; 'n Dokumentêre film oor feeverhale wat die omgewing kan red.; Vanjaar gaan geen matriekafskeidsgeleenthede by skole gehou word nie.; en 'n bewaringsekoloog wil vasstel of die luise op die Asiese Olifant, dieselfde spesie is as die wat op olifante in...

Blind SA sê die regering slaan nie ag op hulle klagtes oor die swak diens wat gesig-gestremdes van die polisie af kry nie.; Standard Bank se hoof van makro-ekonomiese navorsing, Dr Elna Moolman, sê die beurtkrag het 'n negatiewe impak op die reeds sukkelende ekonomie.; en die DA reageer op John Moodey se aantygings.

Die Instituut vir Rasseverhoudinge vra dat Krieket Suid-Afrika se lidmaatskap ondersoek word.; Wetenskaplikes by die Universiteit van Meksiko het 'n nuwe manier ontdek om koraalriwwe te red.; John Moodey het as leier van die DA in Gauteng bedank.; en die SAUK se afleggingsproses gaan langer neem as wat aanvanklik verwag is.

Fase 2 beurtkrag is ingestel tot tienuur vanaand. SA Childcare sê meer subsidies is nodig om kleuterskole in minder gegoede gebiede by te staan. Die Suid-Afrikaanse sangeres, Belinda Davids, is deur na die halfeindronde van Britain's Got Talent. En buitelandse boere wie se grond destyds deur die regering in Zimbabwe onteien is, kan aansoek doen dat dié plase aan hulle terug besorg word.

Twee polisiebeamptes van Eldorado Park sal vandag in die hof verskyn in verband met die dood van 'n 16-jarige seun. Die ANC sal later vanmiddag 'n mediakonferensie hou oor sy afgelope NUK-vergadering. Ons praat met 'n ekonoom oor die rand se beste vertoning in drie weke. En talle skole het 'n aangepaste dagstelsel ingestel om die blootstelling aan Covid-19 te beperk.

Die minister van polisie, Bheki Cele, lê besoek af aan Eldoradopark in Johannesburg, waar die 16-Jarige Nathaniel Julies na bewering deur die polisie doodgeskiet is. Die kwessie plaas die soeklig weer op polisiegeweld. Ons praat met 'n kenner hieroor en ons hoor by die menseregtekommissie hoe hulle betrokke gaan raak. Op 'n ligter noot, ondersoek ons sogenaamde 'siek geboue'- wat daanra verwys dat...

President Ramaphosa is geskeduleer om vanmiddag vrae te beantwoord in die Nasionale Vergadering. Dit volg na die kabinet se vergadering waarin korrupsie en dronk bestuur skerp veroordeel is; Ons bespreek die korrupsie-probleem en vra waarom die president oënskynlik magteloos is om enigiets daaraan te doen; Die polisie se gespesialiseerder moord en diefstal eenhede word heropen; en die voormalige i...

** Verbruikers-inflasie styg...ons praat met 'n ekonoom. ** En is dit die staat se verantwoordelikheid om te verseker dat landsburgers hulle nie vergryp aan drank nie?

NEHAWU se beplande staking vandag is uitgestel; Oudminister Trevor Manuel sê die regering is gebreek; Ons vra ook waarom Manuel nou so openlik praat oor die kwessies; en goeie nuus vir boere - beleggings in die landbousektor neem toe.

** Leerders van sekere grade is vandag vir die eerste keer in maande terug hok toe... ** 'n Sielkundige gee raad aan die wat swaartrek onder die Covid-maatreëls... ** Die president roskam die minister van Finansies, en korruptes in die ANC. Ons praat met 'n politieke ontleder. ** Naasbestaandes van die 51 mense wat in Nieu-Seeland afgemaai is, praat oor hul pyn...... ** En, die Republikeinse Konve...

Die kredietburo, Experian, is geinfiltreer en die kontakbesonderhede van verskeie banke se kliënte, is uitgelek; die organisasie teen belasting misbruik sê die heraanstelling van Zandile Gumede is 'n klap in die gesig van Suid-Afrikaners en die aantal kinders wat deur treine getrap word, omdat hulle op treinspore speel, neem landwyd toe. In die tweede helfte van die program: Landbou-organisasies i...

'n Verpleegster in 'n hoësorgeenheid smeek mense om steeds versigtig vir Covid19 te wees...al is die land nou op 'n meer toeskietlike vlak van inperking; kommer is aan die toeneem onder beleggers - en pensioenarisse - oor die regerende ANC se skynbaar onduidelike planne met pensioenfondse; en vandag is Wêreld Muskietdag.

Die Menseregtekommissie doen 'n ommeswaai en onderneem om boodskappe op sosiale media ter ondersteuning van plaasaanvalle te ondersoek - dit is na die DA 'n klagte hieroor ingedien het; in Vietnam word meer as 'n mijoen katte jaarliks geslag en geeet; en handelstoestande verbeter effens.

Die Instituut vir Rasseverhoudinge stel sy ekonomiese herstelplan vir Suid-Afrika bekend; en Wits-universiteit toets 'n tweede entstof teen Covid19 - die keer 'n middel uit Amerika.

Daar is opspraakwekkende nuwe verwikkelinge in 'n vermeende reeksmoordsaak aan die Kwazulu-Natalse Suidkus; en die Vryheidsfront Plus wil hê die Wet op Rampbestuur moet gewysig word.