Spektrum

ANC-president Cyril Ramaphosa konsolideer glo sy magsposisie binne die party, maar daar is tekens dat leiers wat van korrupsie beskuldig word, hulle dalk sal verset. Nog uiteenlopende reaksie op die hoëvlak paneel se verslag oor luiperds, leeus, olifante en renosters. Slaggate rig nie net skade aan voertuie nie, dit kan ook lewens eis.

Verskeie vername voormalige MK-lede sê die voormalige ANC-leier van Noordwes, Supra Mahumapelo, word onregverdig behandel. 'n Video van 'n mislukte aanval op 'n sekuriteitsvoertuig in Pretoria maak wêreldwyd opslae. Nuwe voorgestelde regulasies oor onder meer geblikte leeujag word verwelkom, maar skep glo ook verwarring en ongelukkigheid.

Die ANC se twee promimente opsystaanrebelle trek heelwat aandag. President Cyril Ramaphosa kry lof vir sy besluit om voor die Zondokomissie te verskyn. En Dag Zero sluip nader vir inwoners van Gqeberha in die Oos-Kaap.

Die voormalige premier van Noordwes, Supra Mahumapelo, is vir vyf jaar deur die party geskors. Dis egter onduidelik of hy die skorsing sal aanvaar of betwis. Ons praat met Vrystaat Landbou oor planne om die onwettige instroming van Lesothoburgers oor die grens in die Klaarwatergebied in die kiem te smoor. RSG se stasiehoof, Magdaleen Krüger, tree af na 32 jaar by die SAUK.

President Cyril Ramaphosa verskyn vir die eerste keer voor die Staatskapingskommissie. Die registrasievereistes van die 24 Kubaanse ingenieurs word vandag op hoëvlak bespreek. Die regering vra die publiek se insette oor salarisonderhandelings in die staatsdiens.

President Cyril Ramaphosa lewer sy Vryheidsdagtoespraak in Botshabelo in die Vrystaat, waar inwoners ook dreig om 'n stokkie te steek voor vandag se vieringe. Die uitbetaling van enige geld uit die Departement van Toerisme se ekwiteitsfonds is deur die hof belet. Die DA sê die regering moet oop kaarte speel oor die KARPOWER kragskepe. President Ramaphosa verskyn more voor die Staatskapingskommissi...

Gesondheidswerkers word eersdaags weer met die Johnson & Johnson-entstof ingeënt. Regsaksie word ingestel teen die regering oor die Kubaanse ingenieurs wat na die land se waterstelsels gaan kyk. 'n Brandbestrydingsmaatskappy sê die Charlotte Maxeke-hospitaal het nie 'n brandplan gehad nie. Suid-Afrikaanse missieltegnologie beland in Saoedi-Arabië se hande.

SAAI en NEASA onderteken 'n vennootskapsooreenkoms om boere met arbeidskwessies by te staan. Die Lugverkeer- en Navigasiediens oorweeg afleggings weens erge finansiële probleme. 'n Groep boere stap van die Oos-Kaap af na die Uniegebou in Pretoria om bewustheid oor plaasmoorde te skep.

Die ANC in Noordwes skors die voormalige premier en huidige voorsitter van die party in die provinsie, Supra Mahumapelo. Ons hoor of Wêreld-aardedag hoegenaamd trefkrag het. Kritiek teen die regterpresident van die Wes-Kaap, John Hlophe, wat deelneem aan onderhoude vir hooggeregshofposisies, ten spyte daarvan dat hy skuldig bevind is aan wangedrag.

Vrae word gevra oor die gebruik van Kubaanse ingenieurs om waterstelsels te herstel. Opruimingswerk is in Kaapstad onderweg nadat die brand onder beheer gebring is. Intussen is wilde diere wat van die vlamme af weggevlug het, in woongebiede opgemerk. Die wapenvervaardiger Denel beloof glo om werknemers se salarisse vir April te betaal.

Weerstoestande is vandag gunstig vir die brandbestrydingspogings in Kaapstad. Die parlement se oorsigrol kom weer onder bespreking ná sy versuim om staatskaping te keer. Rand Water sê die staking môre deur lede van SANWU sal nie waterverskaffing beïnvloed nie. En ons onthou RSG-omroeper Ian Wessels wat gister oorlede is.

Een verdagte is in hegtenis geneem in verband met die brande in Kaapstad. Ons het die jongste nuus oor die brandbestrydingspogings. Vier mans verskyn in die landdroshof in Piet Retief in verband met 'n skietery op 'n plaas verlede week. Die Sisonke-inentingsveldtog word hervat.

Wat steek agter die ANC se sekretarisgeneraal se vergaderings met voormalige ANC leiers oor sy moontlike skorsing? Ons vind meer uit oor die skorsing van die DA se Wes-Kaapse partyleier, Bonginkosi Madikizela. Die nuwe hoofveldwagter van die Krugerwildtuin deel haar planne met ons. Die kollig val weer op boeliegedrag.

EFF leier Julius Malema se rol in onderhoude by die Regterlike Dienstekommissie word bevraagteken. Die gemeenskap van Piet Retief vra vir kalmte ná 'n geweldadige voorval op 'n plaas in die gebied. Ons kyk na die nuwe bevelstruktuur van die Suid-Afrikaanse Nasionale Weermag.

Johnson & Johson inentings in Suid-Afrika word vir eers gestaak. Handelstoestande verbeter. Die omstrede Ace Magashule wek opnuut opspraak. Al hoe meer aasvoëls word vir tradisionele medisyne gebruik.

Vrae oor die regering se ooreenkomste met farmaseutiese maatskappye vir die verkryging van miljoene dosisse entstof. Blind SA gaan hof toe oor kopiereg-wetgewing. Ramadaan begin om middernag.

Hewige reaksie ná die moord op 'n boer wat voorheen in 'n plaasaanval verlam is. Gerda Steyn laat spat 'n 25-jaar oue marathon-rekord. Vandag, presies 60 jaar gelede, het 'n Rus die eerste mens geword wat 'n suksesvolle rit na die ruimte onderneem het.

'n Vierde springkaanplaag is besig om uit te broei in die Noord-Kaap. Kiesers trek hulle kruisies in die presidentsverkiesing in Djibouti. Die Inklusiewe Samelewingsinstituut stel 'n gemengde kiesstelsel vir die land voor, wat weer vir kiesafdelings voorsiening sal maak. Die DAK-Netwerk hou 'n protesaksie op die hoofkampus van die Universiteit Stellenbosch teen dié instelling se taalbeleid, wat hu...

Die name van parlementslede wat op die ad hoc-komitee sal dien oor die lot van die Openbare Beskermer, is bekendgemaak. Die Suid-Afrikaanse Akademie vir Wetenskap en Kuns sê dit is kommerwekkend dat Afrikaans se waarde klaarblyklik deur die Universiteit Stellenbosch gering geskat word. Egipte en Soedan blameer Ethiopië vir die voortslepende dooiepunt in samesprekings oor die bou van die Renaissanc...

Die Suid-Afrikaanse Inkomstediens het die afgelope boekjaar meer geld ingesamel as wat hulle verwag het. Dokters mag Ivermektien nou op eie diskresie voorskryf ingevolge 'n bevel van die hof - ons kry duidelikheid oor die saak en hoe dit jou raak. Die plaaslike lugvaartbedryf trek nog swaar weens die Covid19-pandemie. Die Verkiesingskommissie werk hard aan reëlings vir vanjaar se plaaslike regerin...

Die UDM vra dat 'n tussentydse regering oorneem by die ANC weens dreigende onrus. Nog 'n minister word daarvan beskuldig dat hulle omkoopgeld aanvaar het. Ons kyk na die Paasnaweek se verkeerstatistiek. Ekonomiese groeivooruitsigte tuis en wêreldwyd bly positief.

'n Boer van Trichardt in Mpumalanga skenk grond aan die gemeenskap van Holfontein, wat jare lank onwettig op die plaas woon. Die Two Oceans Akwarium vra dat inwoners aan die Kaapse kus op die uitkyk moet wees vir seeskilpaaie, wat moontlik kan uitspoel op die strande. Die stryd oor dienslewering tussen die Kgetlengrivier plaaslike munisipaliteit en besorgde inwoners draai weer in die hof.

Die ouditeurgeneraal se verslag word as sorgwekkend beskryf. Ons kyk na die vernaamste newe-effekte van Eskom se voorgenome tariefverhoging van 15%. Die Khoisan Tradisionele Leierskapswet tree vandag in werking.

Die Amerikaanse regering verklaar die ISIS-ektremistegroep in Mosambiek as 'n buitelandse terroriste-organisasie. Ons kry reaksie en praat in die algemeen oor hoe die konflik die streek raak. Verkeersowerhede gaan hommeltuie, supervinnige voertuie en lyfkameras inspan om wet en orde oor die langnaweek te handhaaf.

Daar was 'n geringe toename in indiensneming in die laaste kwartaal van 2020. Spanne in die Kaapstad hawe en Waterkant is besig om duisende dooie visse uit die hawe te verwyder.