Spektrum

NUMSA en Cosatu se lede staak, maar die werkegewersorganisasie, NEASA, sê die stakings het nie veel van 'n impak op werkssaamhede in die bedryf nie. Die SA RooibosRaad sê navorsing wys dat dié tee kan help om depressie te verlig. Die Polisiekommisaris moet verduidelik hoekom hy nie geskors moet word nie.

Wetenskaplikes is baie opgewonde oor 'n sub-bevolking van die mikro- paddaspesie wat in die Nuwejaarsvleiland op die Kaapse Vlakte ontdek is. Dié amfibiër, wat niks groter as jou duimnael is nie, is hoogsbedreig weens habitatverwoesting. Ross Kettels, die projekbestuurder by die Nuwejaarsvleiland se spesiale bestuursgebied, sê die paddas het teruggekom nadat uitheemse plantspesie...

Die DA en die ANC stamp kop oor verkiesingsplakkate in Kwazulu-Natal. EFF-leier Julius Malema steun die omstrede Wes-Kaapse regterpresident John Hlophe as die nuwe hoofregter. Wat moet ons hiervan maak? Daar is groot opwinding oor 'n subbevolking van 'n mikro paddaspesie wat in die Nuwejaarsvleiland op die Kaapse vlakte ontdek is.

Druk op belanghebbendes van die Life Esidimeni-ondersoek om die verloop van die saak te bespoedig. Suid-Afrikaners se afhanklikheid van sosiale media, veral Whatsapp, word op die proef gestel tydens 'n 6 uur lange onderbreking. Action-SA wil die hof nader omdat sy volle naam nie op die stembriewe verskyn nie.

Die kortlys van die kandidate vir die nuwe hoofregter sal vandag bekendgemaak word - ons hoor wie die voorlopers is. Dertig leeus moes van kant gemaak word ná die brande in die Vrystaat. Vrese dat die vierde vlaag Covid-19-infeksies die land vinniger sal beetpak weens die verkiesing op 1 November.

Politieke partye onderteken die gedragskode vir die komende verkiesings. Ons hoor of die besluit om Vlak 1 van inperkings in te stel, 'n poging is om kiesers te lok. Die Wes Kaapse Departement van Gesondheid sê daar sal die naweek 80 inentingspersele beskikbaar wees as deel van die regering se landwye Vooma Inentingsveldtognaweek wat vandag begin.

Die Openbare Beskermer stop verskeie ondersoeke teen groot name in die regering, insluitend president Cyril Ramaphosa en ministers Pravin Gordhan en Tito Mboweni. Die Departement van Gesondheid reageer op die Spesiale Ondersoekeenheid se verslag wat die voormalige Minister van Gesondheid, dr. Zweli Mkhize, by korrupsie betrek. Die Menseregtekommissie eis daadwerklike optrede om water- en sanitasie...

Suid-Afrikaners begin toenemend aanklank vind by die konsep van sogenaamde groen geboue. Die geboue word ontwerp met die welstand van die omgewing as die kern van die projek. Dit behels ondermeer meer effektiewe water- en elektrisiteitsverbruik, asook die vermindering van koolstofdioksied-emmissies.  Dis internasionale groengebou-week, en Marlinée Fouché berig dis nie 'n onmoont...

Reaksie op die bevindinge van die Digital Vibes-verslag. NUMSA gaan voort met sy planne om te staak. Die politieke party, Al Jama-ah, sê hy is gereed om in die metrogebiede te lei. Vier politieke partye in Tunisië vorm 'n koalisie om dié land se president uit die kussings te lig.

Statistieke Suid-Afrika maak sy kwartaallikse indiensnemingsyfers bekend vir die tweede kwartaal van die jaar. Op Wêreld Honddolheidsdag is daar 'n hernieude beroep vir die uitroei van dié gevaarlike siekte. Een verandering word aangebring aan die Bokspan vir Saterdag se Rugbykampioenskapswedstryd teen Nieu-Seeland in Queensland.

Suid-Afrika beweeg uit die derde vlaag van die Covid-19-pandemie. Die Sentrum vir Omgewingsregte verwelkom die kabinet se hersiene teikens vir klimaatsverandering. Die Departement van Basiese Onderwys wil duisende assistent-onderwysers in openbare skole aanstel. Die grootste komeet nog, beweeg al hoe nader aan die binnekant van ons sonnestelsel.

Die SAUK wil TV-lisensies skrap ten gunste van 'n TV-heffing. Medisinale plante en kruie word by die Voortrekkermonument geplant om boererate te laat voortleef. Daarmee saam vind ons meer uit oor plante wat die San vir kos gebruik het. Ons vra wat die doel van standbeelde in vandag se samelewing is.

Die DA stel die naweek sy verkiesingshandves bekend. Dit gons behoorlik op sosiale media nadat Lennit Max as die VF+ se burgemeesterskandidaat vir Kaapstad bekendgestel is. Vrystaat Landbou sê almal moet saamstaan en opstaan vir hulle grondwetlike regte.

Ons kry reaksie op die goedkeuring van 'n lisensie aan Karpowership om krag in Suid-Afrika op te wek. Die ANC gee terugvoer oor hulle kandidaatlyste wat gister ingehandig is. Ons vind meer uit oor die konsep van sogenaamde groen geboue. Op Wêreld Renosterdag vra ons hoe groot die stroperyprobleem nog is.

Die jongste nuus oor die voortslepende wapentransaksieverhoor van die gewese president, Jacob Zuma. Brittanje vrees die Covid-19-beta-variant kan versprei indien Suid-Afrikaners in die land toegelaat word. Kommer heers oor verwoestende brande in Noordwes. Suid-Afrikaners sal van November af weer na Amerika kan reis.

Die heropening van die benoemingsproses vir kandidate vir die komende verkiesing is wettig. Ons kry reaksie op dié uitspraak van die Konstitusionele Hof. Die voormalige Openbare Beskermer, Thuli Madonsela, sê daar is te veel gapings in die wet wat verhoed dat fluitjieblasers beskerming geniet. Die ANC sê hy sal voor die verkiesing 'n burgermeesterskandidaat vir Johannesburg bekendmaak.

Ons ontleed die betekenis van die Konstitusionele Hof se uitspraak teen Jacob Zuma. Jy kan die naweek registreer om te stem in die plaaslike regeringsverkiesing. Die regering beplan om 'n houermaatskappy te stig om aandele in staatsbeheerde ondernemings te bestuur.

'n Plaaslike tegnologie-entoesias, Jonathan Nelson, het onlangs negende plek behaal in 'n internasionale rekenaar-kompetisie. Hy bedryf sy eie Youtube-kanaal wat as Wootdini bekend staan. Justin Kennerley het gaan uitvind presies wat die kompetisie behels......

ANC werkers dreig om nie met voorbereidings vir die plaaslike regeringsverkiesing te help nie. Die DA in Tshwane wil 'n meerderheid stemme wen - ons vind uit hoe hulle dit wil doen. Boedels kan lank neem om afgehandel te word - ons kry raad oor hoe om jou familie finansieel veilig te hou in dié tydperk.

Die verhoor van 'n oud-Gautengse polisievrou wat aangekla word van die moord op haar familielede, word in die hoogeregshof in  Palm Ridge  voortgesit. Nomia Ndlovu word ook aangekla van sameswering om haar suster en vyf kinders te vermoor. Ndlovu het onskuldig gepleit op al 20 aanklagte teen haar. Die staat voer aan dat Ndlovu mense gehuur het om die moorde te pleeg sodat sy die lewensve...

Ons kry reaksie op die aangepaste rooster vir die matriekeindeksamen. 'n Voormalige polisievrou se gedrag in die hof word as dié van 'n reeksmoordenaar beskryf. 'n Nuwe borsbeeld van die Anglo-Boereoorlogheld, generaal Koos Delarey, word onthul.

Alicia Lamprecht se sewe maande-oue seuntjie, Henco, doen baie goed na hy gister tydens 'n motorkaping ontvoer is. Hy sal vandag deur 'n pediater ondersoek word. Lamprecht het by 'n vriendin in Observatory in Kaapstad gekuier, toe die se hondjie by die erf probeer uithardloop het. Lamprecht was al gereed om te ry, maar het probeer om die hondjie, wat 'n meter van haar motor was, te keer. Die volge...

Die Verkiesingskommissie vertel hoe die komende naweek se kiesersregistrasieproses sal werk. Die ANC sukkel steeds om sy kandidaatlyste te voltooi - sal die party die OVK se spertyd kan haal? 'n Ma vertel van die nagmerrie-kaping waarin haar kind ontvoer is. 'n Onderwysvakbond steun die inenting van kinders teen Covid-19.

'n Besonder grusame plaasaanval in Koster in Noordwes skok en ontstel. Vragmotorbestuurders vra dat 'n Covid-inentingsveldtog ook vir hulle gedoen word. Ons probeer verstaan waarom die vrylating van Jacob Zuma op mediese parool steeds in omstredenheid gehul word.

Die Afrikaanse been van Wikipedia, is die grootste verteenwoordiger van Afrika-tale op dié inligtingsplatform. 'n Besonderse mylpaal is boonop dié week bereik, toe die 100-duisend-kerf wat artikels betref, oorgesteek is. Marlinée Fouché berig die vrywilligers wat hierby betrokke is, poog om aan die inhoud 'n eg-Suid-Afrikaanse geur te gee...