Spektrum

Opposisiepartye krap kop oor die Tshwane-burgemeester se sekwestrasiedokumente. Stakende studente sê universiteite se verblyfkoste is te hoog - ons ondersoek die geldigheid van die bewerings. Die vonke spat tussen twee sustervakbonde.

'n Kredietagentskap gradeer Suid-Afrika af. Nog geen uitsluitsel oor Gauteng se e-tolstelsel nie. Die Proteas slaan vinnig toe teen die Windies.

'n Opname wys vroue oorweeg meer soorte werksgeleenthede, wat meer werk kan skep. Die minister van elektrisiteit gaan met die banksektor vergader om die aankoop van sonkragpanele meer bekostigbaar vir huishoudings te maak. Navorsing deur Vrystaat Landbou dui daarop dat beurtkrag bydra tot meer misdaad op plase.

Die Minister van Elektrisiteit beplan om direk met kragstasiebestuurders saam te werk om die kragkrisis op te los. 'n Imbizo oor misdaadvoorkoming word in Westbury, Johannesburg, gehou. Suid-Afrika se Bruto Binnelandse Produk het in die laaste kwartaal van 2022 met 1,3% gedaal.

'n Uitbreking van masels is in die Noord-Kaap aangemeld. Die vakbondfederasie SAFTU gaan strafregtelike klagte teen André de Ruyter by die polisie indien. Suid-Afrikaners sal oor 'n paar uur uitvind wie die Minister van Elektrisiteit is wat moet help om die kragkrisis op te los.

Die helfte van die wêreldbevolking kan teen 2035 oorgewig wees. Die Wes-Kaapse regering beplan om 750 megawatt se hernubare krag teen 2025 te verkry. Studentebetogings by universiteite in Johannesburg duur voort.

Polisieminister Cele besoek 'n bendegeteisterde gebied in Johannesburg. Die hooggeregshof verklaar 'n belastingbesluit vir skole as ongrondwetlik. ‘n Prokureur het met 'n strategie vorendag gekom om verbruikers van onregmatige onkoste uit tyddeel, gesamentlike eienaarskapskemas en aandeleblokskemabedrywe te bevry. Die Windies slag die Proteas.

Eskom vier vandag sy 100ste bestaansjaar. Ons kyk na die kragreus se ontstaan en ontwikkeling tot op hede. Die EFF is vanjaar tien jaar oud. Ons kyk na hulle ledegetalle en prestasies oor die afgelope vyf jaar. Amptelike syfers wys 'n afname in plaasaanvalle, hoewel dit nie altyd akkuraat is nie.

Oplossings word gesoek vir die oormaat steenkoolvragmotors op die N2 in KwaZulu-Natal. Duisende staatsdienswerkers beplan om volgende week te staak vir hoër salarisse. Miljoene mense sukkel al hoe meer om inkopies te bekostig.

President Cyril Ramaphosa sê dit is nie die plig van die nasionale regering om elektrisiteitsvoorsiening te bewerkstellig nie. Verwag 'n styging in brandstofpryse aanstaande maand. Onvolhoubare fases beurtkrag noop die land se sakesektor om voor te berei vir 'n totale ineenstorting van die nasionale kragnetwerk.

Die ANC eis dat die voormalige Eskombaas sy bewerings van korrupsie in die hof staaf. Intussen word hy versoek om bewyse van korrupsie by die polisie aan te meld. Sikloon Freddy peil op Madagaskar en dele van Suid-Afrika af.

Die begrotingsrede bring volgens een ontleder, min hoop. Te midde van negatiwiteit oor die begrotingsrede sien 'n landbouekonoom steeds 'n silwer randjie. Die Eskom-baas onthul skokkende besonderhede oor misdaad by die kragverskaffer - hoe baie daarvan kan ons glo?

Die koalisieregering benoem die DA se Cilliers Brink as die uitvoerende burgemeester van die Tshwane-metro. Suid-Afrikaners hoop dat die begrotingsrede verligting bring. 'n Rampbestuur-kenner gee begrotingsraad.

Kommer oor veediefstal op die Lesotho-grens. 'n Tweede sarsie aardbewings tref Turkye en Sirië. Ons praat met 'n ekonoom oor môre se begrotingsrede.

'n Perfekte storm broei in die Noord-Kaap. Reaksie op Suid-Afrika se houding jeens Israel. Fase 6-beurtkrag is onbepaald ons voorland.

Die regering erken dat die stryd teen misdaad misluk. Die mislukking kan gesien word in die moordsyfer vir die derde kwartaal. Die Suid-Afrikaanse vloot demonstreer vandag hoe hy optree teen seerowers.

Die bestuurshoof van Agri SA vertel waarom hy nou al bekendmaak dat hy oor 'n jaar gaan uittree. Verbasing heers oor die aanstelling van die SAUK-hoof as die uitsaaier se tussentydse raadsvoorsitter. Al hoe meer mense spandeer meer geld as wat hulle verdien - ons ontleed die impak hiervan op jou huishoudelike finansiële welstand.

Dis dag twee van opposisiepartye se reaksie op die staatsrede. Vuurwapengeweld bly onder die soeklig. Met die staatsrede agter die rug, begin ekonome praat oor die begrotingsrede aanstaande week.

Gun Free SA sê strenger wapenwetgewing moet ingestel word om skietvoorvalle te verminder. Inwoners van Koster in Noordwes het wéér 'n tekort aan drinkwater. Kritiek teen die Suid-Afrikaanse vloot oor sy deelname aan 'n militêre oefening met Rusland en China.

Die burgemeester van die Tshwane Metro, Randall Williams, bedank. Nog ontwrigtende reën en oorstromings word in Limpopo en Mpumalanga voorspel. Ons fokus op die toekoms van radio.

Ontleders bespiegel dat president Cyril Ramaphosa dalk sy eie kabinet binne die presidensie skep met die nuwe minister van elektrisiteit. Landsburgers het min vertroue dat die regering Ramaphosa se jongste inisiatiewe doeltreffend sal uitvoer. Die kitaarspeler van die Rockets sterf in die ouderdom van 69.

Gift of the Givers verleen hulp aan die vloedslagoffers van Komani in die Oos-Kaap. Produksie in die mynboubedryf het in Desember verlede jaar afgeneem. Kommer oor die lae vlak van bloedvoorraad in die land.

Kan die president môreaand die land oortuig dat hy die kragkrisis sal oplos? Suid-Afrikaners kan vanjaar duurder betaal vir kos. Ons vra waarom ministers agter prokureurs wegkruip wanneer moeilike vrae gevra word.

Die DA-leier lewer wat hy beskou as die ware staatsrede. Die Mineraleraad waarsku dat die kragkrisis mynbouproduksie kan kelder. Die wêreld se eerste kunsmatige intelligensieplatform vir boere word in Suid-Afrika bekendgestel.

'n Suid-Afrikaanse vlugingenieur is dood tydens 'n aanval op ’n Oryx-helikopter in die Demokratiese Republiek van die Kongo. Dis sewe jaar ná die Lily-myn-tragedie in Mpumalanga, en die oorskot van drie mense is steeds ondergronds vasgekeer. Ons kyk na die moontlikheid van 'n kabinetskommeling, en vooruitsigte vir die staatsrede.