Spektrum

Woede oor miljoene rand se opknappings aan ministers se wonings. Die Cholera-uitbreking in Hammanskraal laat die vraag ontstaan - hoe kon so iets gebeur? Ons skakel ook oor na Sun City vir die jongste nuus oor die Wêreld Landbou-organisasie se jaarvergadering, met die fokus op wildboerdery.

Die nuwe voorgestelde wetgewing oor raskwotas in die werkplek het vele Suid-Afrikaners warm onder kraag. G7-leiers beloof verdere sanksies teen Rusland en sy bondgenote. By die Nampo-oesfees is die jeug en hulle toekomstige rol in die landbousektor onder bespreking.

Die naderende winter beteken net een ding - meer druk op die land se kragnetwerk en die moontlikheid van fase 8-beurtkrag. Die Tshwane Burgemeester lewer sy stadsrede. Die vloot werf nuwe duikers, maar wat is hulle werk?

Eskom is nie 'n nuwe probleem nie, aldus die Minister van Openbare Ondernemings, Pravin Gordhan. Meer as 'n duisend gevalle van malaria word in drie provinsies aangemeld. Die huidige kragkrisis in die land kom by NAMPO onder die soeklig, en TLU SA bespreek plaasveiligheid.

Lesotho stel 'n aandklokreël in om misdaad in die land te help bekamp. Die Verkiesingskommissie reik vandag 'n omvattende verklaring uit oor die befondsing van politieke partye. By die Nampo-Oesdag vra ons onder meer hoe tegnologie ingespan kan word om klimaatsverandering teen te werk.

'n Koue week word vir groot dele van die land voorspel. Die oorsaak van die afgelope naweek se noodlottige ongeluk op die N2 naby Mosselbaai in die Wes-Kaap word ondersoek. Dis weer tyd vir die jaarlikse Nampo-oesfees in Bothaville.

Die vonke spat behoorlik oor bewerings dat Suid-Afrika wapens aan Rusland verskaf het. Ons bespreek die politieke, ekonomiese en diplomatieke gevolge hiervan. Twitter kry 'n nuwe baas.

Die BRICS-handelsblok bult sy spiere. Donald Trump voel oortuig dat hy aanstaande jaar se verkiesing in Amerika sal wen. Die organisasie, Chefs with Compassion, verskaf vyfmiljoen maaltye aan armes in Gauteng.

'n Poging om die hernuwing van rybewyse elke 5 jaar, ongrondwetlik te verklaar. Die griepseisoen is in volle swang. Eskom se raad verskyn voor SKOOR in die Parlement.

Top polisielede beantwoord vrae in die Parlement oor bewerings van korrupsie, bedrog en misdaadkartelle by Ekom. Adjunkpresident Paul Mashatile besoek Jagersfontein ná verlede jaar se slikramp. Skoolgeld vir leerlinge in private en openbare skole styg steeds.

Fase 7-beurtkrag word nie uitgesluit nie. Wydverspreide reën is goeie én slegte nuus vir boere. Die ANC mik na 'n volstrekte meerderheid in aanstaande jaar se verkiesing.

Die asbesbedrogsaak van sowat R255-miljoen word in die Bloemfonteinse hooggeregshof met byna 'n jaar uitgestel tot 15 April volgende jaar. Die Minister van Openbare Ondernemings, Pravin Gordhan, is in China om 'n oplossing vir Suid-Afrika se spoorwegkrisis oor lokomotiewe te vind. Voorbereidings vir môre se kroning van die Verenigde Koninkryk se nuwe monarg, Charles III, vorder goed.

Twee vas met perlemoen van meer as R3-miljoen. PUTCO laat 230 000 pendelaars gestrand. Die Comrades is vanjaar korter.

Kommer oor kosverskaffing by die Chris Hani Baragwanath-hospitaal. Energiekenner Ted Blom sterf. Die werkgewersorganisasie, NEASA, sê die Wysigingswet op Billike Indiensneming sal buitelandse belegging in die land ontmoedig. Die VN se sekretaris-generaal, Antonio Gutteres, sê daar is tans 'n groot aanslag op persvryheid en joernaliste wêreldwyd.

Die Johannesburgse Metroraad verkies vandag 'n nuwe burgemeester te midde van struwelinge onder koalisievennote. Die Weermag kan dalk op Majola by Port St Johns ontplooi word, maar is dit die oplossing? Intussen stel die Konfederasie van Werknemers in Suid-Afrika voor dat 'n nuwe gemeenskapsvriendelike gesig vir die polisiediens geskep word.

'n Nuwe werkersvakbond, Workers Socialist Union of South Africa, word vandag bekend gestel. Ekonome voorspel meer mense sal teen 2030 werkloos wees. Intussen vra COPE dat werkersvakbonde moet saamwerk om toekomstige werksverliese te beperk.

'n Suid-Afrikaner sukkel om haar nagmerrie-ervaring in Soedan te verwerk. Eskom se skuld word afgeskryf. Rol op jou moue en knyp toe jou oë... dis tyd vir jou jaarlikse griepinspuiting.

President Cyril Ramaphosa spreek die nasie op Vryheidsdag toe in Klerksdorp. Die Springbokkaptein, Siya Kolisi, word môre vereer vir sy inspirerende leierskap en bydrae tot rugby. NASA se Mars Rover, Perseverance, het sy troetelklip verloor. Die groterige klip het sowat 'n jaar gelede in sy wiel vasgesit, en reis sedertdien saam op die planeet.

Die presidensie en die ANC krabbel terug, en sê Suid-Afrika bly 'n lid van die Internasionale Strafhof. André de Ruyter weier om die identiteit van die minister wat glo by misdaadbedrywighede by Eskom betrokke is, bekend te maak. Die landbousakekamer, Agbiz, vra die regering om nie dié sektor te misbruik nie.

Twee munisipaliteite sal vandag burgemeesters verkies. Die watervlak van Wes-Kaapse damme daal tot 50%. Sabotasie is vermoedelik die rede vir kragonderbrekings in die Nelson Mandelabaai-metro.

Die Valke sal hulle sokkies moet optrek as hulle staatskapingsake behoorlik wil vervolg ná die Nulane-hofuitspraak. Die veteraanjoernalis, Freek Robinson, sê hy is verras oor die terugtrek van die Orde van Ikamanga ilwer, wat hy sou ontvang het. Die regering sê 'n plan is in plek om Suid-Afrikaners wat in Soedan vasgekeer is, te ontruim.

Die Minister van Polisie, Bheki Cele, en senior polisielui besoek 'n misdaadtoneel in KwaZulu-Natal waar tien mense vanoggend vroeg doodgeskiet is. Pogings om 'n skietstilstand in Soedan te bewerkstellig het vandeesweek misluk. Ons hoor hoe Duitse kokkerotte hulle weg vind in Suid-Afrikaanse huise.

'n Tweede werknemer van die veiligheidsmaatskappy, G4S, moet in die hof in Bloemfontein verskyn, en nog arrestasies word verwag sê die minister van Justisie, Ronald Lamola. Hy sê ook dat die kontrak met G4S sal hersien word. Mediese voordele vir aftrede lede van die weermag word ingekort. Gaan dit sneeu of nie? Die weerdiens gee hulle mening.

Verbruikersprysinflasie styg effens in Maart. Die DA wys 'n koalisie-aanbod deur die Patriotic Alliance van die hand vir samewerking in die Johannesburg Metro. Meer as die helfte van die hospitale in Soedan se hoofstad gesluit.

Nuwe wysigings aan die Kieswet word bekragtig, maar dreigende hofstappe teen sekere apekte daarvan, kan gevolge hê vir die beplanning van volgende jaar se algemene verkiesing. Die SAUK se nuwe raad is uiteindelik aangestel. Ons bring hulde aan 'n voormalige programbestuurder by RSG, Graig-Lee Smith.