RSG Landbou

Agri-Expo is op soek na die volgende jong grensverskuiwer in die suiwelbedryf. Is jy jonger as 40, en lewer reeds ‘n betekenisvolle en meetbare bydrae tot die suiwelbedryf? Andries Wiese van Hollard vertel meer. Daar is die afgelope tyd baie vrae oor die veiligheid van die melk op ons winkelrakke, gegewe die huidige bek-en-klouseer-krisis. Jompie Burger van die Suiwelstandaard-agentskap beantwoord...

Die Agri Securitas Trustfonds het onlangs R1 miljoen ryker geword, danksy ‘n groep fikse werknemers van NWK en ander lede van die Lichtenburg-gemeenskap. Ysters vir Landbou is ‘n inisiatief wat in 2024 beplan is, en op 16 November tot volvoering gekom het toe sewe solo-deelnemers en 12 aflosspanne aan die Mosselbaai Ysterman-kompetisie deelgeneem het. Ons gesels met Alf White van NWK. Ons het die...

Ons kuier by Vetkraal Angoras van Christopher en Ruben Roberts. Dié plaas is geleë aan die voet van die Stormberge naby Burgersdorp in die Oos-Kaap. Dit is ongewone wêreld vir Angoras as jy dit met die Karoo vergelyk. Hierdie familie het egter al groot suksesse behaal. Daar is ook landbounuus, en Heinrich Victor is terug met die jongste wolmarkverslag.

Het jy geweet herbivore kan koolstof deur middel van fotosintese bind? Om die koolstofvoetspoor op ‘n melkplaas te bereken, word die DESTiny-model gebruik. Dr. Heinz Meissner vertel van Melk SA se projek in hierdie verband. Pannar vier vanjaar hulle eeufees. Ons hoor by Caria Grobler wat dit vir landbou in Suid-Afrika beteken. Tydens ’n onlangse mediatoer van die Suid-Afrikaanse Suikervereniging,...

In ‘n snel veranderende landbou-omgewing is daar heelwaty uitdagings waarmee boere te kampe het. Hoe verstaan ons die rol van private veearste in die huidige voorkoms van bek-en-klouseer? Hoe maak ons sin van beleggingsgeleenthede en die belofte van groei? Daneel Rossouw, hoof van verkope in landbou by Nedbank, werp lig op die kwessies.

Professor Stephanie Midgley, spesialiswetenskaplike in klimaatsverandering by die departement van landbou in die Wes-Kaap, was ’n spreker by COP, die VN se konferensie oor klimaatsverandering. Sy praat oor die moontlike implikasies vir Suid-Afrika sou reënwoude in die tropiese gebiede van Suid-Amerika tot niet gaan. Ná ‘n onlangse sneeustorting in Kalifornië vind ons ook uit of sneeustortings as n...

Rooibos-uitvoere het in 2025 vir die eerste keer die 10 000 ton-merk oorskry, in weerwil van klimaatwisselvalligheid en strenger regulering. Ons praat hieroor met Dawie de Villiers van die SA Rooibosraad. Johan van den Berg is oudergewoonte terug met die week se landbouweervooruitsigte, en Chris Derksen vertel wat met vleispryse gebeur het.

Ons hoor dikwels dat daar na wol verwys word as ‘n natuurlike vesel, maar het jy geweet nuwe navorsing wys dat wol se koolstofintensiteit aansienlik verminder wanneer die biogeniese vloei van koolstof in ag geneem word? Ons berig oor bedrog in die visbedryf, wat ‘n wêreldwye probleem is; angellose bye wat amptelike regte in Peru verkry het, en die Amerikaanse Departement van Landbou wat waarsku da...

Het jy geweet die geharde droë Kalahari- en Karoo-streke word sterk beïnvloed deur die koue Benguela-seestroom wat noordwaarts langs die suidwestelike kus van Afrika vloei? Hoe oorleef plante en diere in dié streke, en watter impak het dit op landbou? Ons praat met Jakkals Olivier oor die uniekheid van die Victoria-Wes Skou, en die skou se opkomende boer-wenner, Thys Agterdam, praat oor sy sukses.

Om die vleisbeesbedryf se mededingendheid te verbeter, moet diere beter by hulle omgewing kan aanpas. Só sê prof. Michiel Scholtz van die Landbounavorsingsraad. Ons praat met hom oor die Vleisbeesgenomikaprojek se klimaatswerkswinkel wat vroeg in Maart by die Future Africa-kampus in Pretoria gehou word. HW Beeken van Pioneer Saad praat oor die verskille tussen mieliekultivars wat ’n direkte invloe...

In ‘n spesiale aflewering van RSG Landbou vier ons boere-humor - sêgoed en staaltjies oor Suid-Afrikaanse plase en die mense wat daarop woeker. Ons stel ondersoek in na idiome met ‘n landbouherkoms, van ‘n kapokhaan tot ou koeie in die sloot.

Dr. Albert Strever, hoof van die Departement Wingerd en Wynkunde by die Universiteit Stellenbosch, praat oor studenteopleiding in landbou – van spesialiste in dissiplines tot veerkragtigheid in ‘n moderne werkplek en in industrieë met uitdagings. Hy vertel hoe universiteitsopleiding moet aanpas by die werkplek van die toekoms.

Daar is groot kommer oor die impak wat verskeie kaktusspesies op weiding het. Het jy geweet daar is navorsing wat bewys dat dit nie net nadelig is vir wol- en sybokhaarproduksie nie, maar dat dit ook vleisgehalte kan beïnvloed indien die dier dit sou vreet? Noord-Kaapse veeprodusente word uitgenooi om die kaktusspesies wat ‘n probleem op hulle plase is, na ‘n inligtingsdag op Upington te bring. Rh...

Haelskade in sommige produksiegebiede het ‘n demper op Suid-Afrika se appel- en peer-oesseisoen geplaas. Die seisoen het ook vroeër as gewoonlik afgeskop. Roelf Pienaar van Tru-Cape sê hoewel die skade kommer wek, bly die bedryf versigtig optimisties. Dieresiekte-uitbrekings is nie nuut nie, maar die omvang en herhaling wat ons tans in Suid-Afrika ondervind, is kommerwekkend. Die fokus op streng b...

Ons kuier in die Leniesdeel-omgewing by Nicol Muller. Hy is sedert 1990 ’n boerbokprodusent, en het in 2025 by Samic se nasionale karkaskompetisie eerste plek in die boerbok-afdeling behaal. Waarom is boerbokvleis nie geredelik op winkelrakke in Suid-Afrika beskikbaar nie. Watter persepsies is daar oor dié vleis? Heinrich Victor is terug met die jongste wolmarkverslag.

Het jy geweet diere se sterthare word gebruik wanneer DNS-toetsing by vee gedoen word? JC Botha van Unistel verduidelik hoe die proses werk, en praat oor die voordele van DNS-toetsing vir veral stoetbeesprodusente. Ons hoor by Aartappels SA wat in Januarie met aartappelpryse gebeur het. Dit is nie net bek-en-klouseer wat tans die rooivleisbedryf teister nie. Daar is ook groot kommer oor slenkdalko...

Ons ontmoet ‘n jong landbouleier met ‘n hart vir diere en ‘n oog op die toekoms. In ons Valentynsdag-uitgawe hoor ons ‘n landbouliefdesverhaal. Shannon Robertson is ‘n assistent lewendehawebestuurder by die Boschendal-wynlandgoed. Die belangrikste lesse wat sy in haar lewe geleer het, verewig sy as tattoeëermerke op haar linkerarm. Sy gesels oor haar landboudrome.

Die hoof van Agri Wes-Kaap, Jannie Strydom, praat oor belangrike datums op die landboukalender. Hy benadruk ook die rol van naspeurbaarheid in die konteks van bek-en-klouseer. Bertus Myburgh, ‘n navorsingstegnikus by die Outeniqua-navorsingsplaas, vertel van die Anguskudde op die plaas, en die navorsing wat verband hou daarmee.

Wat presies is organiese vleis? Is daar wette en regulasies in Suid-Afrika wat die produksie en bemarking daarvan reguleer? Johan van den Berg praat oor die jongste weervooruitsigte, en Chris Derksen is terug met die week se vleispryse.

Het jy geweet ’n rekordgetal van 1 110 suiwelprodukte van 77 vervaardigers is in 2025 vir die SA Suiwelkampioenskap beoordeel? Inskrywings vir vanjaar se kompetisie het reeds geopen. Alle besighede, insluitend boerderye, moet by die Departement van Indiensneming en Arbeid se Vergoedingsfonds geregistreer wees om hulle werkers teen werksbeserings te dek. Administratiewe boetes kan gehef word indien...

Die vergiftiging van die lewer by melkbeeste staan as sporidesminvergifting bekend. Het jy geweet Nieu-Seeland sukkel al 50 jaar om ‘n oplossing vir dié probleem te kry? Dis ook ‘n navorsingsprojek van Melk SA met dr. Heinz Meissner aan die stuur. Presisie-skaapboerdery kom onder bespreking met Isak Staats van BKB. Hy verduidelik wat dit behels. en praat oor die voordele hiervan...

Die bekroonde megaboer van die Vrystaat en voorsitter van die Sernick-groep, Nick Serfontein, sê die landboubedryf is in groot moeilikheid. Het jy geweet ‘n nematode of aalwurm kan glad nie met die blote oog gesien word nie? Dié ongewenste gasheer hou ‘n groot bedreiging vir aartappelprodusente in. Dr. Sonia Steenkamp van die Landbounavorsingsraad op Potchefstroom vertel van die navorsing wat hull...

Dr. Willem Botha is die uitgetrede hoof en uitvoerende redakteur van die Woordeboek van die Afrikaanse Taal. Hy verbreed ons landbou-leksikon, enhoor watter Afrikaanse woorde en uitdrukkings hulle bestaan te danke het aan landbou.

Die Hoofdirekteur: Navorsing en Tegnolgie-ontwikkelingsdienste by die Departement Landbou Wes-Kaap, dr. Filicity Vries, vertel waarna boere in 2026 kan uitsien met KI-toepassings. Veekundige dr. Chris de Brouwer praat oor die verantwoordelikhede van veeartse en veekundiges. Hy verduidelik ook die waarde van vrugbaarheid in vleisbeeskoeie.

Ons luister na die suksesverhaal van ‘n groenteboer by Rustenburg. Dis ‘n gesamentlike ontwikkelingsprojek tussen Saai, Afriforum en Thabake Business Enterprise. Sedert die eerste plantsiklus net meer as twee jaar gelede afgeskop het, is meer as 60 ton groente al op die nagenoeg 0,75ha grond geoes. Landbouweervooruitsigte verander daagliks. Dis hoekom Johan van den Berg gereed is met die jongste n...