RSG Landbou

Ons hoor wat met kommoditeitspryse gebeur, aangesien kenners groot druk op pryse voorspel as gevolg van die nat toestande. Johan van den Berg is op sy pos met nuus oor die weer. Chris Derksen gee terugvoer oor die jongste vleispryse.

Die gesondheid van bome is net so belangrik by voedselproduksie as die gesondheid van plante. Boomsiektes neem toe, en volgens prof. Mike Wingfield van die Universiteit van Pretoria is dit ‘n saak van kommer. Dr. Louis Boag van Elanco Dieregesondheid vertel watter uitwerking reën op opgietmiddels het. Somergraanprodusente staar ‘n paar uitdagings in die gesig met nat toestande. Luan van der Walt p...

Wolveilings het verlede week hervat. Heinrich Victor van OVK bring ons op hoogte van die jongste pryse. Waarom moet versekering oorweeg word by die maak van kuilvoer? Richardt Venter van Agsci Unlimited verduidelik waarom dit so belangrik is. Ons gesels met James Faber van die Rooivleisprodusente-organisasie oor dié bedryf, en hoe die nat toestande die rooivleisprodusent raak.

Inspeksiedienste van graan en oliesade wat deur die Departement Landbou, Grondhervorming en Landelike ontwikkeling voorgestel is, is vir eers gestaak. Wessel Lemmer van Agbiz Grain vertel wat die rede hiervoor is. Nuy Wynkelder het by die 2021 Veritas-toekennings ‘n gouemedalje vir hulle Sauvignon Blanc gekry, maar dié wyn was eintlik deel van ‘n eksperiment.

‘n Digitale tweeling is iets waaraan ‘n groep slimkoppe in Pretoria op die oomblik mee woeker. Wat is dit, en hoe sal dit vir boere van waarde in die toekoms? In ‘n vorige episode het ons kennis gemaak met Suid-Afrika se heel eerste robothond, Smoof. Om Smoof se maag vol te hou, is in hierdie stadium ‘n uitdaging.

Bertus Myburgh is ‘n navorsingstegnikus by die Outiniqua Navorsingsplaas naby George. Hy vertel van hulle Anguskudde en die navorsing wat hulle doen. Shane Rudolph is ‘n landbou-ekonoom by Agri Enterprises. Sy is ook hoof van navorsing en ontwikkeling. Sy verduidelik die huidige tekort aan glyfosaat, wat dit is, en hoe dit boere raak.

Hoe lyk die vooruitsigte vir die wolbedryf in 2022 wat markte en produksie betref? Leon du Plessis van BKB beantwoord hierdie vraag. Johan van den Berg gesels weersake. Chris Derksen is terug met nuus oor vleispryse. Veeplaas is op soek na ‘n klimaatslim veeprodusent.

‘n Erfenisterrein vir Suid-Afrikaanse appels en pere open in Februarie by Elgin in die Wes-Kaap. Ons gesels hieroor ons met Buks Nel. Hy is veral bekend vir sy kennis van appels en die geskiedenis van die verskillende variëteite. Rina Jelliman van Harrismith in die Vrystaat is ‘n Bovelder-beesboer. Sy vertel watter rol probiotika by die gesondheid van haar diere speel.

Mastitis is een van die algemeenste en duurste siektes onder plaaslike melkkuddes. Jompie Burger van die Suiwelstandaarde-agentskap gee perspektief op die ekonomiese impak wat dié siekte op produsente het. Kim Delport van die LNR Kleingraan praat oor die belangrikheid van koringteling.

Watter rol speel voedseletikette in Suid-Afrika, en het dit enigsins ‘n invloed op die verbruiker se voedselkeuse? Melvi Todd van die Universiteit Stellenbosch het navorsing hieroor gedoen, en sy deel ’n paar bevindinge. Dis brandseisoen in die winterreënvalstreke, en ons gesels met Hans-Jurie Moolman van Moolman & Pienaar Ingelyf oor die grondeienaar se regsaanspreeklikheid. Henk van de Graaf van...

Wynand Steyn is professor in siviele ingenieurswese en departementshoof by die Universiteit van Pretoria. Hy was in 2021 deel van ‘n span wat 3D avokadopere en tamaties ontwerp het om sodoende nuttige inligting oor uitvoerprosesse te bekom. Ons hoor wat die volgende fase van ontwikkeling behels. Ons maak ook kennis met ‘n robothond wat besig is om handige take op Suid-Afrikaanse plase te verrig.

Ons praat met spesialis-wetenskaplike prof. Robin Meeske oor melkbeeste en weiding, en bespreek van die navorsingsprojekte wat by die Outeniqua Navorsingsplaas naby George gedoen word. Ons vind ook uit hoe melkboere hierdeur bevoordeel word.

Johan van den Berg praat oor die weervooruitsigte. Hannes Botha van Carolina in Mpumalanga vertel van sy sukses met herlewingslandboupraktyke. Wat staan jou te doen wanneer jou buurman se siek diere op jou plaas kom? Hans-Jurie Moolman van Moolman & Pienaar Ingelyf gee raad.

Gewasse in groot dele van die somergewasgebiede ly onder versuipskade, en dit bring nuwe uitdagings vir produsente. Deon van Zyl van AECI Plant Health gee raad in dié verband. Ons gesels oor navorsing op inheemse vrugte. Rosemary du Preez van die Landbounavorsingsraad se tropiese- en subtropiesegewasse vertel van die werk wat hulle doen.

Ons fokus op die heuningbosbedryf. Dr. Cecilia Bester van die Landbounavorsingsraad vertel van hulle navorsing, en dr. Brigitte du Preez van Stellenbosch Universiteit gesels oor ‘n heuningbos-graderingstelsel. Ons praat met Reinhardt Kuschke van Agriseker oor klimaatsverandering en hoe die landbou daarby sal moet aanpas.

Wat is die rede vir die stygende prys van landbouchemikalieë, en wat word in 2022 verwag? Ons hoor by  Schalk Geldenhuys van AECI Plant Health wat die antwoord is. Inskrywings vir die 2022 SA Suiwelkampioenskappe open op 10 Januarie. Isabeau Botha van Agri-Expo gee meer besonderhede. Ons hoor by Hannes de Waal van die plaaslike sitruskwekersvereniging of die swaar reën in die noordelike dele van d...

Wynand Steyn is professor in siviele ingenieurswese en departementshoof by die Universiteit van Pretoria. Hy is ook voorsitter van die skool vir ingenieurswese by Tukkies in die fakulteit bou-omgewing- en inligtingstegnologie. RSG Landbou hoor by hom hoe 3D avokadopeerboere van nuttige inligting voorsien.

Audrey September van die Paarl is onlangs aangewys as die Agriwerker van die Jaar by die Jaarlikse Wes-Kaap Prestige-Agri-kompeitisie. Die adjunk-direkteurgeneraal van Landbou Ondersteuning en Ontwikkeling by die Wes-Kaapse Departement Landbou, Darryl Jacobs, sluit by ons aan om oor die geskiedenis van die kompetisie te gesels. Hy verduidelik hoe die Departement steeds die kompetisie kon aanbied t...

RSG Landbou kuier in die Kalahari by Hans Knoesen, ‘n kameelmelkprodusent. Dr. Maartin Jordaan van die Bult Diereklinkiek op Potchefstroom verduidelik watter geslagsiektes by beeskuddes onder die vergrootglas geplaas moet word. Ons hoor by Willem de Klerk van die Potgietersrus-omgewing waarom hulle met Moringa boer, en wat dié plant so voordelig vir mens en dier maak. Daar is soms verwarring tusse...

Ons het by prof. Charlie Reinhardt van die Noordwes-Universiteit gaan raad soek oor die Spaanse riet wat plaasdamme oorneem. Die rol wat water by hoenderboerdery speel, word dikwels onderskat. Jan Grobbelaar gee opleiding in die bestuur van hoenderboerderye, en hy gesels daaroor. Die Universiteit van die Vrystaat se Ingenieurswetenskappe-departement sal teen 2023 ‘n landbou-ingenieursgraad aanbied...

Carin Venter kuier by Lood Lötter. Hy boer met Angora’s en tabak in die Pearston-omgewing in die Karoo. Ons gesels met Matt Pretorius van die Bedreigde Wildlewetrust oor ‘n oplossing vir voëls wat deur kraglyne bedreig word. Dr. Carel Muller van Stellenbosch Universiteit verduidelik waarom die aanplant van die karobboom vir veeprodusente aanbeveel word.

RSG Landbou het ‘n luisteraarsvraag ontvang oor waterblommetjies. Wat behels dié boerdery en waar in Suid-Afrika kan daar met hierdie eg Suid-Afrikaanse plant geboer word? Dirkie Gildenhuys van Rhenostervlei Waterblommetjies beantwoord hierdie vrae. Carel van der Merwe van die Vanwyksvlei-omgewing boer met Boesmanlanderskape. Koos du Pisani het hom oor dié unieke skaapras uitgevra.

Graanboere in die Wes-Kaap het onlangs afskeid geneem van Jannie de Villiers, die voormalige bestuurshoof van Graan SA, en die nuwe hoof, dr. Pieter Taljaard, verwelkom. Die eerste van drie byeenkomste is op Moorreesburg gehou. De Villiers verduidelik sy planne vir die toekoms. Klaas Stoffberg is wynmaker by Babylonstoren buite Franschhoek. Hy is ook verantwoordelik vir hulle olyfolie en balsamies...

Jannie de Villiers, die voormalige hoofbestuurder van Graan SA, het ‘n Kersboodskap vir boere. Koos du Pisanie kuier by Dewald van den Berg van Petrusburg om meer uit te vind oor turksvye as deel van ‘n veevoedingsprogram. Die Amerikaanse Voedsel- en Medisyne-administrasie het vroeër vanjaar die gebruik van DHQ veilig verklaar. Henk Griessel van Tru-Cape werp het meer inligting hieroor.

Die bestuurshoof van Agbiz, dr. John Purchase, tree eersdaags af. Ons praat met hom oor sy loopbaan, uitdagings in die landboubedryf en wat hom positief en opgewonde maak oor dié sektor. Frans de Klerk kyk na die prestasie van verskeie landboukommoditeite die afgelope jaar, en watter beleggings landbouers aantreklik vind.