RSG Landbou

Prof. Koos Prinsloo, voorheen verbonde aan die Universiteit van die Noorde, praat oor Effektiewe Mikro-organismes-tegnologie. Dit is die oplossing vir talle probleme soos vuil water, onaanvaarbare gasse, en grond wat met chemikalië besmet is. Dan verduidelik die Instituut vir Graangewasse dat grondboonboere nou moet uitkyk vir blaarvlekke.

Melkprodusente in Mpumlanga word deur die MPO uitgenooi om volgende week hulle roetevergaderings by te woon. Lise Roberts gesels met Douglas Dickson hieroor. En tydens die Undercover Farming Ekspo is daar ook 'n konferensie waar die nuutste tegnologie in tonnelboerdery bespreek word.

Agri SA praat oor die minimumlone vir plaaswerkers wat op 1 Maart in werking tree.

Agri SA praat oor die minimumlone vir plaaswerkers wat op 1 Maart in werking tree.

Chris Viljoen kyk na Wêreldvleilanddag wat op 2 Februarie gevier word.

Die president van Wildbedryf Suid-Afrika, dr Peter Oberem, praat oor hulle konferensie wat in Maart vanjaar by Sun City gehou word. Vrae soos of die wildboer deel vorm van die Departement van Omgewingsake of die Departement van Landbou, sal aandag geniet. Die ekonoom van Graan SA, Corne Louw, praat oor die impak van die laer ruoliepryse op markte en kommoditeite.

Attie van den Berg van Aartappel SA verskaf inligting oor 'n inligtingsdag wat eersdaags op Warden gehou word. En volgens Frans de Klerk, 'n onafhanklike tegniese ontleder, bereik koring 'n haarnaaldbooghoogte.

Lise Roberts gesels met Johann Vorster, bestuurshoof van een van die grootste melkkopers in Suid-Afrik. Hulle uitbreiding in Afrika is goeie nuus vir produsente, want melk word nie daar geproduseer nie. Hulle stel ook eersdaags 'n nuwe reeks toegevoegtewaarde produkte bekend.

Wat is die impak van die elektrisiteitskrisis op landbou, en doen georganiseerde landbou genoeg om produsente se belange te beskerm? Lise Roberts praat hieroor met die ekonoom van Agri Suid-Afrika, Dawie Maree.

'n Tersiêre inrigting rig 'n bioverteerder op vir kos- en vrugte-afval.

Suid-Afrika voldoen wel aan van die vereistes om as 'n bek-en-klou vrye gebied verklaar te word, maar heelwat moet nog gedoen word om dit te behou. Gehard Schutte van die RPO verduidelik watter vereistes dringende aandag verg.

Volgens Frans de Klerk, 'n onafhanklike tegniese ontleder, plaas die laer olieprys druk op sagte kommoditeite.

Die Agri Mega Groep wat hoofsaaklik by landbou in die Wes-Kaap betrokke is, fokus vanjaar ook op Afrika. Orton King praat daaroor, asook die ontwikkeling van die kleinboer. Dan bespreek dr. Koos Coetzee van die MPO internasionale suiwelpryse en plaaslike produksie.

Landelike veiligheid is Agri Suid-Afrika se onderwerp van bespreking, volgens die uitvoerende direkteur, Hans van der Merwe. Daar is ook die weeklikse veilingverslag vanaf Kroonstad met Chris Derksen.

Chris Viljoen vertel van'n internasionale landbou-inspeksie en ouditorganisasie wat al 95 jaar in die bedryf is.

Daar is nuus oor Wildbedryf Suid-Afrika se konferensie in Maart waartydens die wildboer van die jaar aangewys word. Die Landboubemarkingsraad kom ook onder die soeklig.

Die mieliebedryf beleef tans 'n tsoenami, volgens die ondervoorsitter van Graan Suid-Afrika, Andries Theron. Graan SA gaan boere nou aanmoedig om meer koring te plant. Die onafhanklike tegniese ontleder, Frans de Klerk, verduidelik die Japanese kerstegniek waarmee produsente en beleggers ingeligte besluite kan neem.

Die redakteur van The Dairy Mail, Robyn Joubert, vertel van 'n innoveringskompetisie vir die suiwelbedryf. Crop Life Suid-Afrika het akkreditasie gekryom 'n gewas-lugbespuitingskursus aan te bied. Die kursusleier, Gerrit van Vuuren, vertel meer hiervan.

'n Bekende in landboukringe, dr. Theo de Jager, is vroeg in Desember verkies as die president van die Pan African Farmers Organisation. Lise Roberts gesels met hom oor die funksie van die organisasie, en wat hy die volgende twee jaar as president wil bereik. Chris Derksen is ook terug met die eerste veilingverslag vir 2015 vanaf Kroonstad.

Roofdiere is op hulle pasoppens vir die elektroniese skaapwagter.

Die Cleaver-toekennings word gebruik as platforum om slaghuise en vleismarkte erkenning te gee. Lise Roberts praat met Dave Ford oor die kompetisie, wat ook 'n pluimpie in die hoed van 'n rooivleisboer is. Wil jy dalk in 2015 met 'n nuwe stokperdjie begin? Modeltrekkers is dalk net die ding. Die voorsitter van die SA Modeltrekker Assosiasie praat oor hulle passie.

'n Landbou termynmarkmakelaar, Petrus van Eeden, verduidelik hoe makelaars boere kan help. Kolie Paulse, die 2012 plaaswerker van die jaar, deel sy loopbaangeheime in 'n baie motiverende onderhoud.

Die nasionale voorsitter van die Melkprodusente Organisasie, en ook 'n boer in KwaZulu-Natal, Tom Turner, praat oor die melkboer se uitdagings in 2015. Dr. Louis du Pisani van die Nasionale Wolkwekersvereniging bespreek wolboere se Januarie-bestuurskalender.

Volgens die uitvoerende direkteur van Agri SA, Hans van der Merwe, het landbou ekonomies 'n goeie jaar beleef. Hy gesels oor die brandpunte wat reeds vroeg vanjaar aandag moet geniet. Dan word boere is Suid-Afrika deesdae geforseer om van alternatiewe energie gebruik te maak, maar wat moet in ag geneem word, en wie se kundigheid kan vertrou word? Andre Potgieter van Energy Worx help om hierdie vra...

'n Oplossing word gesoek vir die probleem van wildevarke en uitheemse visse.