RSG Landbou

RSG Landbou 11 Maart 2015

RSG Landbou 10 Maart 2015

RSG Landbou 9 Maart 2015

RSG Landbou 6 Maart 2015

RSG Landbou 5 Maart 2015

RSG Landbou het die jaarlikse Pannar Extravaganza op Delmas bygewoon, en daar met 'n paar boere gesels - onder andere 'n 12jarige boer van Middelburg, Alexander Steenkamp. En die onafhanklike tegniese ontleder, Frans de Klerk, sê die sojaprys toets 'n laagtepunt.

Bertus de Jongh, bestuurshoof van die Melkprodusente-organisasie, tree af na 24 jaar in die bedryf. Biotek-gewasse kom ook onder die soeklig, en prof. Chris Dannhauser van Gras SA gee raad oor winterweiding.

Die 26ste Grondhervormingsibizo het verlede week plaasgevind. Standpunte oor grondhervorming en grondbesit is deur verskeie landbou-individue op die tafel gesit. Die sekretarisgeneraal van die ANC en twee ministers was teenwoordig. Johannes Moller, president van Agri SA gee terugvoer hieroor.

Met so min as drie karaktereienskappe kan 'n onkruid met 'n slimfoon geïdentifiseer word.

'n Veediefstalsindikaat wat landboutydskrifte dophou is tans ernstig bedrywig. Willie Clack van die Gautengse Veediefstaleenheid verskaf inligting hieroor. Fred Camphor van die SA Jagters en Wildbewaringsvereniging praat ook oor die risiko's en gevolge wat die intensiewe en selektiewe teel van inheemse spesies op biodiversiteit kan hê.

Die tegniese ontleder Frans de Klerk sê sonneblompryse is besig om 'n stygende wigformasie te vorm. Wat kan 'n sonneblomprodusent doen as saad nie wil opkom nie. Dr. Andre Nel van die Instituut vir Graangewasse gee raad. Lise Roberts gesels ook met Jannie de Villiers van Graan Suid-Afrika oor die droogte.

'n Switserse maatskappy bemark deesdae donkiemelk. Barbara Bieldt van die Melkprodusente-organisasie vertel hoekom mense so iets sal wil gebruik. En hoe kies 'n produsent die regte koringplanter. Dewald van Dyk van Rovic Leers gee raad.

Wat is die funksie van 'n Distriksgrondkomitee wat Agri Suid-Afrika op die been gebring het? Hoe ondersteun die komitee die huidige tegniese taakspan wat ook grondplanne op die tafel sit. Boeta du Toit van Agri Noordwes beantwoord hierdie vrae.

Morog is 'n blaargroente met ongekende gesondheidswaarde en moontlikhede.

Lise Roberts kyk na die vervoerstelsel, veral groot vragmotors wat dikwels oorlaai word. Beide die vervoerder en ontvanger word aanspreeklik gehou vir die vrag. En wildboer Piet du Toit vertel van Vrydag 13 Februarie se veiling op sy plaas, en hoe sy loopbaan van onderwyser tot in die wildbedryf ontwikkel het.

Is dit nou die tyd om mielies te koop? Die onafhanklike tegniese ontleder Frans de Klerk gee raad. Die Instituut vir Graangewasse versoek boere om aalwurmmonsters in te stuur vir ontleding. En dan vertel Chris Venter van Bosveldgraan hoe produsente kan inskryf vir 'n graanverskansingskompetisie. R18,000 is op die spel.

Melkstalhigiëne, kalfgrootmaak, voeding en algemene dieregesondheid is van die kursusse vir plaaswerkers waarop die Instituut vir Suiweltegnologie fokus. Jas Wasserman vertel hoe 'n boer sy werkers kan bemagtig. En Dawie Maree, hoof van Landbou-inligting en bemarking, vertel dat boere voorsiening moet tref vir hoër lone en elektrisiteit.

Die president van Agri SA, Johannes Moller, gesels oor Fase 1 van hulle persepsie-opname wat pas afgehandel is.

Alternerende drag by sitrus is 'n verskynsel wat wêreldwyd ondersoek word.

Skaapvleis Suid Afrika het voorheen bekendgestaan as die Vleisraad. Wilna Loxley-Ford praat oor die organisasie se geskiedenis en funksie. Dan vertel Gawie van Wyk, 'n boer van Carnavon en NWKV produksie adviseur in die streek, van 'n plaaswerkerkursus wat op jou plaas aangebied kan word.

Dit lyk nie of daar verdere dalings in die brandstofprys sal wees nie, en produsente sal hiervoor moet voorsiening moet maak, volgens die tegniese ontleder Frans de Klerk. Graan SA praat oor weervoorspellings en die mielie-oes.

Volgens die voorsitter van die melkprodusente-organisasie in Limpopo, Jan Hendrik Jacobs, is daar slegs agt melkboere in die provinsie oor.

Volgens 'n adviseur van Agri Suid-Afrika, Kosie van Zyl, lyk die reënvooruitsigte glad nie goed nie. Temperature sal tot in die herfs hoog bly.

Die Nasionale Plaaswerkerforum behaal sukses met die bou van verhoudings op plase.

Volgens die onafhanklike tegniese ontleder, Frans de Klerk, het koring 'n simmetriese driekhoek gevorm. Hy beveel aan wat 'n produsent te doen staan.